Kristumiut malersorneqartut qinnuttarnissaat eqqaamajuk

Saatanip kiffartornitsinni ajoqusersorniarluta malersuisarnissaa Biibilimi siulittuutigineqarpoq. (Joh 15:20; Saqq 12:17) Kristumiut nunani allani malersorneqartut qanoq ikiorsinnaavavut? Qinnussinnaavavut. “Iluartummi qinnutaa sunniisaqaaq kimittoqigami.” – Jaak 5:16.

Suna qinnutigisinnaagatsigu? Qatanngutivut sapiissuseqaleqqullugit erseqqunagillu Jehova qinnuigisinnaavarput. (Es 41:10-13) Aamma “eqqissisimalluta inuusinnaaqqulluta” naalakkersuisut oqaluussinermik akuersaartooqqullugit qinusinnaavugut. – 1 Tim 2:1, 2.

Paulusi Petrusilu malersorneqarmata kristumiut siulliit taakkua aqqi taallugit qinnuppaat. (ApS 12:5; Rom 15:30, 31) Nalitsinni malersorneqartut aqqi tamaasa nalugaluarlugit ilagiivi, nunaat sumiiffigisaalluunniit qinunitsinni eqqaasarsinnaavavut?

Kristumiut malersorneqartut qinnukkusutavit nunaat allattukkit.