Sorsunnerup amiilaarnartua
Sorsunnermit eqqugaasut misigisatik sunnertissutigingaartarpaat. Sakkutuut inuinnaallu sorsuffiusumiissimasut tamanna misigisimavaat.
SAKKUTUUT
“Inuit toqutaasut ajoquserujussuartullu takussaajuaannarput, toqqissisimananngilluinnarpoq.” – Gary, Tuluit Nunaat.
“Tunukkut kiinnakkullu aallaatippunga. Inuppassuillu, ilaatigut meeqqat utoqqaallu, toqutaasut takuakka. Sorsunneq misigittaatsunngornarpoq.” – Wilmar, Colombia.
“Aallaatilluni toqutaasoq takugukku puiunngisaannassavat. Naalliulluni nillianera eqqaasaqattaartuarpat. Inuk taanna eqqaamajuassavat.” – Zafirah, USA.
SAKKUTUUJUNNGITSUT
“Nuannaaleqqissinnaanngitsutut misigivunga. Toqutaanissara siooragaara, ilaquttamali ikinngutimalu toqutaanissaat siooragineruara.” – Oleksandra, Ukraine.
“Ullaassakkut marluniit unnukkut aqqarnup tungaanut nerisassanik piniarluta tulleriiaarluta utaqqigaangatta sioorasarpugut, nalunngilarpummi qanittumi akiuuttoqarmat aallaatittooriaannaalluta.” – Daler, Tadsjikistani.
“Angajoqqaakka sorsunnermi toqutaapput. Uannik tuppallersaasut isumassuisullu annaagakkit iliarsunngorpunga.” – Marie, Rwanda.
Matumani issuarneqartut sorsunnerup amiilaarnartua misiginikuugaluarlugu maanna toqqissisimallutik inuupput. Aamma upperaat qanittukkut sumi tamani sorsuttoqarunnaassasoq. Atuagassiami matumani tamanna qanoq anguneqassasoq Biibili atorlugu nassuiarneqassaaq.