Jehovap Nalunaajaasui ilagiiuppat immikkoorniartut?

Naamik, Jehovap Nalunaajaasui tas­saan­ngil­lat ilagiit im­mik­koor­niar­tut. Sapin­ngisatsin­nil­li Jiisusip Kristusip maligas­siaa ilin­niar­titsis­sutaalu malin­niar­tar­pavut.

Ilagiit immikkoorniartut suuppat?

Inuit oqaatsit “ilagiit im­mik­koor­niar­tut” as­sigiin­ngitsunik paasisar­paat. Ilagiin­nul­li im­mik­koor­niar­tunut tun­ngatil­lugu isum­mat nalingin­naasut marluk taak­kualu uagutsin­nut sooq naleq­qutin­ngin­nersut eq­qarsaatigik­kit.

• Inuit ilaat isumaqarput ilagiit immikkoorniartut tassaasut upperisarsioqatigiit pilersinneqaqqammersut imaluunniit ajoqersuutinik eqqunngitsunik malinnittut. Jehovap Nalunaajaasui up­perisarsioqatigiin­nik nutaanik pilersitsinikuun­ngil­lat. Ukiunili 100-ni siul­ler­ni kristumiut pal­lorfigin­neriaasiat malip­par­put, taak­kualu maligas­siaat ajoqersuutaal­lu Biibilimi al­las­simap­put. (2 Timotheusi 3:16, 17) Isumaqar­pugut eq­qor­tumik pal­lorfigin­nin­nermut tun­ngatil­lugu Al­lak­kat Il­ler­nar­tut aalajangiisuus­sasut.

• Inuit ilaat isumaqarput ilagiit immikkoorniartut ulorianartuusut inummit siulersorneqartut. Jehovap Nalunaajaasui inum­mik aalajangersimasumik siulersuisoqan­ngil­lat. Jiisusil­li najoq­qutas­siaq ajoqersuk­kaminut oqaatigisaa una malip­par­put: ‘Ataaseq ilitsersuisoraarsi, Kristusi.’ – Matthæusi 23:10.

Ilagiit im­mik­koor­niar­tut ulorianar­tut as­siginagit Jehovap Nalunaajaasuisa up­perisaat nam­miner­min­nut inuiaqatigiin­nul­lu iluaqutaap­put. As­sersuutigalugu oqaluus­siner­put inuit ajoqutaasunik ator­nerluiun­naar­nis­samut, soorlu ikiaroor­tarun­naar­nis­samut imer­tarun­naar­nis­samul­lu, iluaqutigisar­paat. Tamatuma saniatigut nunani tamalaani atuar­nermik al­lan­nermil­lu ilin­niar­titsinermik aaq­qis­suus­sisar­pugut. Aam­ma pin­ngor­titami ajunaar­nersuaqar­til­lugu ikiuut­tar­pugut. Jiisusip peq­qusineratut al­lanut maligas­saal­luar­niar­tar­pugut. – Matthæusi 5:13-16.