Kyoso Mwenyu ki u Lula

Mu kifika, Sally,a mukwa Estados Unidos, mukonda dya kithembwe kya nguzu, mwene wa texikisa o imbamba yê, mwene wambe kiki: “Nga divu kwila ki ngeji tena kudibhana ni maka yá. Mu izuwa yavulu nga kexile mu divwa kwila kwabhu, kuku nga suku kyá mwene, ki nga-nda tena dingi.”

Ihi i tu bhanga se muthu u twa zolo u fwa? Janice, mu ixi ya Australia, wambe: “Kyoso ki nga fundu o twana twami tuyadi, mwenyu wami wexile kála ngalafa ya budika, éme nga bhingile kubonga ni kwongeka o itetu yoso. Nga dyóndo kwa Nzambi: ‘Nga kudyóndo, ki nga mu tena dingi! Ngehele ni ngi fwe, ki ngandala dingi kukala ku mwenyu.’”

Ku mbandu ya mukwa, Daniyele wa divu kyayibha kyoso muhatu wê wa te phanda. Mwene wambe: “Kyoso muhatu wami kya ngi tangela kwila wa tele phanda, nga divu kala a ngi xuka phoko ku muxima. Ngevu o ndolo yiyi mu ithangana yoso—Kwa bhiti jimbeji javulu phala o ndolo yiyi kubhita.”

O Mulangidi yú wa-nda zwela kyebhi ki tu tena kusanguluka ku mwenyu né mwene

• Kyoso ki kubhita mavuwa

• Kyoso ki tu funda muthu wa kazola

• Se kaza dyé u ta phanda

• Se wala ni uhaxi wa bhonzo

• Kyoso o mwenyu ki u lula

Kyebhi-phe ki tu tena kudibhana ni mavuwa?