O Kuila Eie Uala Polondo Phala ku Dibhana ni Maka a Sauidi?

Bhu tena ku moneka maka alungu ni sauidi sé eie ku kijiia. (Tiia. 4:14) Kienhiki, o muthu ua unjimu, u di pelepalala ni kithangana kia soko. (Jisa. 22:3) O kuila ua banze kiá milongo iebhi ia ku saka, ni uendelu uebhi u xikina, ni ku i soneka mu mukanda? Phala ku tu kuatekesa, a bhange-ko o vídeo Alternativas à Transfusão—Atendendo às Necessidades e aos Direitos do Paciente, ni mbandu ia kaiadi mu DVD iambe, Alternativas à Transfusão—Séries de Documentários. Kioso ki ua-nda i mona, tala se u tena ku tambuijila o ibhuidisu ia kaiela. Mukonda dia ku kala ni ifika ia pelasá, o jitata a tokala kulondekesa unjimu, mu ku mona o vídeo ni tuana.

(1) Mukonda diahi saí ji dotolo, a lungulula o ibanzelu iâ mu maka alungu ni manhinga? (2) Bhana ifika itatu ja pelasá ja bhonzo, jo bhange sé manhinga. (3) Mukonda diahi jimidi ni jimidi ja ji dotolo, ni akua ku bhanga pelasá ku mundu uoso, a sola ku saka athu a kate sé manhinga? (4) Ihi iene mu londekesa o ku tokuesa kua jinzo ja ku saka, ja lungu ni manhinga? (5) Iebhi o iluezu ia ku saka ni manhinga? (6) Ihi ia solo o ji dotolo ni akua ku bhanga pelasá, ia lungu ni mbote ia ku saka ni milongo i bhinga manhinga? (7) Ihi i bhekela o anemia, ni ihi ia tena o ku bhanga phala ku i saka? (8) Kiebhi o ji dotolo kia tena ku suínisa o ndundula ia kusuka, ku mukutu ua muthu ua kate? (9) Maukexilu ahi ene mu bhanga phala ku fidisa ku bhubha manhinga avulu, mu kithangana kia pelasá? (10) O kuila o ana ndenge a tena kua saka sé manhinga, mba ku bhulula mienhu ia athu ala mu iluezu? (11) Kiebhi o kitumu kia dianga kia tokala, phala ku saka kiambote?

Ku xikina maukexilu a ku saka, o londekese mu vídeo, kala muthu muene ua tokala o ku sola, kana ku kinga ku bhita ni kiluezu phala kuijiia i ua-nda bhanga phala ku xikina mba kana. O kibatulu kia 7 kia divulu “Amor de Deus” ni ijimbuete io tange, ni mbandu ia Kikalakalu Kietu kia Utuminu, kia mbeji ia Kamoxi kia muvu ua 2006, mu phutu, kia-nda ku kuatekesa ku sola kiambote. Mu ku kaiela-ko, se a ku batizala kiá, londekesa ihi i ua solo mu kamukanda DPA, ni ku iambata mu ithangana ioso.

[Kilombuelelu ku bandu 3]

O kuila ua banze kiá milongo iebhi ia ku saka, ni uendelu uebhi u xikina ni ku i soneka mu mukanda?