O Kuila Eie Ua-nda Katula Mbote?
O Lembalasa i tu Suínisa Kulondekesa Kisakidilu
1. O kizuua kia Lembalasa, ki tu bhana kithangana kia kulondekesa ihi?
1 O Lembalasa ia kufua kua Jezú, ia-nda bhita mu mbeji ia Kasamanu mu kizuua kia 14, ia-nda tu bhana kithangana kia kulondekesa kisakidilu ku henda ia Jihova. O milongi i tu sanga mu divulu dia Luka 17:11-18, i londekesa kiebhi Jihova ni Jezú kia mona o kisakidilu kietu. Bhu kaxi ka dikuinhi dia athu akua dibhute, umoxi ngó ua vutukile phala ku sakidila Jezú. Bhu kaxi ka kukula, ku pholo dia kuenda, ki kua-nda kala dingi malamba, tua-nda tambula o muenhu ua kalelaku! Mu kithangana kieniókio, izuua ioso tua-nda sakidila Jihova mu ku tu besoala. Kiebhi-phe ki tu tena kulondekesa o kisakidilu kietu, mu ji semana ja-nda kuíza?
2. Ihi i tu tena o ku bhanga, phala kulondekesa kisakidilu?
2 Kala u Mukua ku Sakidila: O ku banza mu henda ia Jihova, i tu bhangesa kulondekesa kisakidilu. Phala ku tu kuatekesa kulondekesa o kisakidilu kietu, mu kukula, mu Tradução do Novo Mundo, ia ubhe ia phutu, tua-nda sanga-mu kitangelu kia Lembalasa kia Bibidia mu apêndice B12. O kitangelu kia Bibidia kia Lembalasa, tua-nda ki sanga mu kalendalu ni kadivulu Tanga o Mikanda Ikola Izuua Ioso. Ki kima kiambote ku di longa o milongi íii ni muiji uê? Se tu bhanga kiki, o kisakidilu kietu ku sata ia kukula kia-nda di bandekesa dingi. O ku bhanga kiki, kua-nda tu kuatekesa ku kala ni ukexilu uambote.—2 Kol. 5:14, 15; 1 Nzu. 4:11.
3. Kiebhi ki tu tena kulondekesa o kisakidilu kietu, mu kithangana kia Lembalasa?
3 Londekesa Kisakidilu: O kisakidilu tu ki londekesa mu ima i tu bhanga. (Kol. 3:15) O mukuá dibhute, ua bhangele nguzu mu ku sota Jezú phala ku mu sakidila. Sé phata, muéne ua zuela ku athu a mukuá ni ku sanguluka kuoso kuila Jezú ua mu sake. (Luk. 6:45) O kuila o kisakidilu kietu mu ku tu kula, kia-nda tu bhangesa ku boka ni ku suína kuoso, mu kuixana o athu phala kuíza mu Lembalasa? Mu kithangana kia Lembalasa, kima kiambote ku kala muboki ua ithangana ni ithangana mba ku bandekesa dingi o sidivisu ietu ia ku boka, phala kulondekesa o kisakidilu. Mu kizuua kia Lembalasa, tua-nda sangesa o ajitu, ni ku kala polondo phala ku tambuijila o ibhuidisu iâ.
4. Kiebhi ki tu tena ku bhangesa kuila o kizuua kia Lembalasa, ki kala kithangana kia ku sanguluka?
4 O kuila íii iene o Lembalasa ia sukina? (1 Kol. 11:26) Ki tuejiia. Tuejiia ngó kuila, kioso ki tu kala ni Lembalasa, kithangana kia kulondekesa o kisakidilu kietu. O kuila ua-nda katula mbote, mu kithangana kiki? Kima kiambote kulondekesa o kisakidilu kietu, ni ku ximana Jihova, mu ku tu Bhana o ujitu ua kukula.—Jisá. 19:14.