Mulangidi KIDIDI KYA KUBHAKA MADIVULU MU INTERNETE
Mulangidi
KIDIDI KYA KUBHAKA MADIVULU MU INTERNETE
Kimbundu
  • BIBIDYA
  • MADIVULU
  • YÔNGE
  • wp21 No. 2 jimb. 7-9
  • Kithangana Kyebhi Kyanda Kwiza o Dizubhilu? Ihi Yambe Jezú?

O vidyu iwasolo seku luwa.

Tuloloke, kwamoneka kibhidi mu kujikula o vidyu.

  • Kithangana Kyebhi Kyanda Kwiza o Dizubhilu? Ihi Yambe Jezú?
  • O Mulangidi U Bhana Ngolokela ia Utuminu ua Jihova (Phala o Athu)—2021
  • Tudyambu
  • Milongi Yadifu
  • TALA IMA IYADI YAZWELA JEZU YALUNGU NI DIZUBHILU:
  • IMA YAHI YAMBE JEZÚ YEJI LONDEKESA KWILA O DIZUBHILU DYAZUKAMA
  • “IZUWA ISUKIDILAKU”
  • O PALAYIZU MU IXI YAZUKAMA!
  • O Kuila Tuala “mu Izuua Isukidila-ku”?
    Mu Kidi Ihi i Longa o Bibidia?
  • O Kuila O Dizubhilu Dia Mundu Dia Zukama?
    Ihi i Tu Longa o Bibidia?
  • O Dizubhilu Dia Mundu Di Teketesa, Di Bheka Mbote, Di Thandanganhesa
    O Mulangidi—2013
  • O Kuila O Dizubhilu Dia Zukama?
    O Mulangidi ua ku di Longa—2015
O Mulangidi U Bhana Ngolokela ia Utuminu ua Jihova (Phala o Athu)—2021
wp21 No. 2 jimb. 7-9
Jezú wamujimbulula ku jipoxolo jê o izulukutu yejibhita mu izuwa yasukidilaku.

Kithangana Kyebhi Kyanda Kwiza o Dizubhilu? Ihi Yambe Jezú?

Kala kitwadilongo mumilongi yatundumu, kyoso o Bibidya ki izwela dizubhilu dya mundu, kikilombolola kwila dizubhilu dya athu mba dya ixi. Muveji dya kiki, dilombolola o dizubhilu dya ima yoso yayibha kumundu yú ni yó abhanga o ima yayibha. O kwila o Bibidya izwela o kithangana kyandabwika o mundu yú wayibha?

TALA IMA IYADI YAZWELA JEZU YALUNGU NI DIZUBHILU:

“Enu wenu langidilenu-phe, kuma kizuwa ki mua k’ijiya, kithangana ki mwa k’ijiya.”—MATESU 25:13.

“Alukenu-phe, mu langidile, mu sambe; kuma o thembu ki mwa ijiya.”—MÁLUKU 13:33.

Séku muthu mu ngongo wejiya ni kidi kyoso, o kithangana kyandakwiza o dizubhilu dya mundu yú. Maji Nzambi waxindi kyá “o thembu”—kifwa o “kizuwa”, mba o “kithangana” —kyandakwiza o dizubhilu dya mundu. (Matesu 24:36) O kwila kiki kilombolola kuma séku ukexilu wa kwijiya se o dizubhilu dyazukama? Sayi. Jezú wambela kumaxibulu mê, izulukutu yeji londekesa kwila o dizubhilu dya mundu yú dyazukamba.

IMA YAHI YAMBE JEZÚ YEJI LONDEKESA KWILA O DIZUBHILU DYAZUKAMA

Tala o ima yeji londekesa kwila o “dizubhilu dya zukama.” Jezú wambe: “Akwa’xi imoxi a kà di kwata ni akwa’xi yamukwá; kilômbo kya kà balukila kilômbo kyamukwá; kwa kà kala nzala, ni oxi kutunguta mu ididi yavulu.” (Matesu 24:3, 7) Mwene wambe we kwila kweji kala “mabhebhu”—kifwa mauhaxi. (Luka 21:11) O kwila eye wene mumona o ima yiyi yambe Jezú?

Lelu ku mundu woso o athu atala hadi mukonda dya ita, nzala, itungutu ya ixi, ni mauhaxi. Mukifika, kumuvu wa 2004 o kitungutu kya ixi, ku Oceano Índico, kyabheka kithembu akixana tsunami, kyajibha 225.000 a athu. Mumuvu umoxi ngenge, o dibhebhu dya COVID-19, dya jibha 2.6 ya jimidi a athu ku mundu woso. Jezú wambe kwila, o izulukutu kala yiyi yeji londekesa kwila o dizubhilu dya mundu dya zukama.

“IZUWA ISUKIDILAKU”

Mu Bibidya o kithangana ande dya dizubhilu akixana “izuwa isukidilaku.” (2 Phetele 3:3, 4) O mukanda wakayadi kwa Timote 3:1-5, wamba kwila, mu izuwa isukidilaku o athu ejidituna kubhanga o ima yambote. (Tala o kaxa “Ande Dya Dizubhilu Dya Mundu Yú.”) O kwila wene mumona o athu lelu adibanza ngó mudya, akwa lwimbi, ijibhanganga, akambe o henda? O ukexilu yú ulondekesa we kwila etu twala mu izuwa yasukidila ya mundu yú.

Thembu kuxi yandalaleka o izuwa isukidilaku? Kala kilondekesa o Bibidya, o “thembu ya . . . butu.” Mukusuluka, Nzambi wandabwika “yó oso ene mu bwikisa oxi!”—Dijingunwinu 11:15-18; 12:12.

Ita

Masoladi ala mu ita amuloza, ate kifidikilu kupholo dyâ.
  • Tundé kumuvu wa 2007 ndu 2017: O athu afu mu ita ni usweya atenesa 118 ajipursendu

Uhaxi

Diyala wakate wala mu inzo yakusaka kuhama.
  • O mauhaxi ene mujibha dingi o athu: O uhaxi wathulu, tromboze, o uhaxi wa izavu, dibhwima kutubwetele, kabwalala, cancer, kakoho (tuberculose)

Nzala

Kamunzangala wala ni nzala wakwata ditijela.
  • Kumuvu wa 2019: 8.9 ya jipursendu ja athu ku mundu woso afu 21.3 ajipursendu anandenge katenesa hanji kitanu kya mivu, azelulukile ni kwila kexile kukula kyambote

Kutula o njimbu yambote ku mundu woso

Jimbangi ja Jihova emana bhumbandu ka kadikalu kamadivulu ya amuzwela ni diyala.
  • Twatenesa kya 8.4 ajimidi ja aboki ndenge (Jimbangi ja Jihova) amubhana madivulu azwela yalungu ni Bibidya mu 240 ajixi, o madivulu amwabhanga mu 1.000 amadimi ndenge

O PALAYIZU MU IXI YAZUKAMA!

Nzambi waxindi kyá o kizuwa, o ola yandabheka o disukilu dya ima yoso yayibha ya mundu yú. (Matesu 24:36) Maji sayi ko njimbu yambote—Nzambi “ka mesena kwila kukala muthu u texika.” (2 Phetele 3:9) Kyenyiki Mwene wamubhana o kithangana ku athu phala kudilonga o itumu yê. Mukonda dyahi? Mukonda mwene wamesena kwila etu tubhuluka kudizubhilu dya mundu yú ni kutunga ku mundu wobhe kyoso o ixi kiyandakituka palayizu.

Nzambi wamubhanga yoso phala kukwatekesa o athu kwijiya kyebhi kyatena kubhanga mbandu ku mundu wa ubhe. Jezú wambe kwila o njimbu yambote ya Utuminu wa Nzambi ejiku iboka “ku akwa jixi joso.” (Matesu 24:14) Kumuvu wa 2019 o Jimbangi ja Jihova ku mundu woso, abhange tuzunda tuyadi twa ji ola mukuboka ni kulonga o athu o njimbu ya Bibidya ibhana o kidyelelu. Jezú wambe kwila o kikalakalu kyakuboka eji kukibhanga mujixi joso ande dya kwiza o dizubhilu dya mundu yú.

Kwakambe ngó, o athu kandaditumina dingi. Maji o njimbu yambote ya kwila, eye utena kubhuluka kudizubhilu dya mundu yú ni kubhanga mbandu mu Palayizu mu ixi yakanena Nzambi. O milongi yakayela yandazwela kyebhi ki utena kutunga ku mundu wobhe.

ANDE DYA DIZUBHILU DYA MUNDU YÚ

“Ijiya nakyuphe, kuma: Mu izuwa isukidilaku kwanda kwiza jithembu jabhonzo. Kuma athu a kà kala azodi a ene ngó, injenji, akwa ukumbu, a tènda akwâ, a nonga, a xibhaka tata ni mama, a kamba kusakidila, a kamba ujitu wa Maka ma Nzambi. Ka moneka henda ya muthu, kene kuloloka, akwa kutatela ngó akwâ, keji kufikisa jihanji, a kaka, a di zemba ni ima yambote. En’ya a bhanga ufe, a thathamana, a vula izala. A kala azodi a jivondadi jâ, ki azodi a Nzambi, kana! Ku kanga a kwata kidifwa kala kya kuxila Nzambi, maji ki kalakala o kutena kwa Nzambi-phe, a ditunu-kyu. Athu a kala kiki we, a sondoloke.”—2 TIMOTE 3:1-5.

O kikanenu kya Jezú kyalungu ni “izuwa isukidila-ku” kitubhana kidyelelu

    Madivulu Muoso Kimbundu (2008-2025)
    Kutunda
    Kubokona
    • Kimbundu
    • Kuwanena akwenu
    • Yakuwabhela
    • Copyright © 2025 Watch Tower Bible and Tract Society of Pennsylvania
    • Ijila
    • Kikutu Kyetu
    • Definições de privacidade
    • JW.ORG
    • Kubokona
    Kuwanena akwenu