Rússia Uluwa Ita ni Ucrânia

Mu makolombolo kya kizuwa kya 24 ya mbeji ya Kawana ka 2022, Rússia wamateka ita ni ixi ya Ucrânia, né mwene ni nguzu yoso yamubhanga o jinguvulu ku mundu woso phala kufidisa o ita. O ita yiyi itena kubheka ihi? O seketa ya Nações Unidas, António Guterres, mu izuwa kudima mwene wambe: “O hadi ya athu, o kibwikilu ni kukatula o kukondama kwa europa ni ku mundu yate kyavulu phala etu kutala ngó o ima yiyi kubhita se kubhanga kima.”

Ihi ilondekesa o ima yiyi yamubhita kala kilodekesa o Bibidya?

• Mukuzwela yalungu ni izuwa yasukidilaku Jezú Kidistu wambe: “Akwa ixi imoxi, anda bhânga mu ita, ni akwa ixi ya mukwá.” (Matesu 24:7) Tanga o milongi mu phutu ni dyambu: “O que prova que estamos vivendo no ‘tempo do fim’?” phala umone kyebhi o Bibidya ilondekesa kwila o ita yiyi yamukumbidila polofesiya yazwela Jezú.

• O divulu dya Dijingunwinu ditumbula o ita kala yó wasambela mu kabalu “kakusuka” ubheka o “ita mu ngongo.” (Dijingunwinu 6:4) Tanga o milongi “A Nanhi o Kiuana Kia Mala a Mondala ku Jikabalu?” phala umone kyebhi o polofesiya yiyi yamulombolola o ita ya izuwa yalelu.

• O divulu dya Daniyele dyambe kwila kweji kala unguma ya ‘sobha ya lwiji’ ni ‘sobha ya thunda.’ (Daniyele 11:25-45) Tala o vidyu Kikanenu Kyokumbidile—Daniyele Kibatulu 11, phala udilonge se mukonda dyahi tutena kutumbula Rússia ni jisoko jê kala o sobha ya thunda.a

• O divulu dya Dijingunwinu dijimbulula we o “ita ya kizuwa kya dikota kya Nzambi Muteni wa Yoso.” (Dijingunwinu 16:14, 16) Maji yiyi ki ita ya ifuxi ni ifuxi, kala kitwene mumona lelu. Tanga o milonga mu phutu ni dyambu: “O que é a batalha do Armagedom?” phala usange dingi milongi yalungu ni izulukutu yiyi yandabhita kuhádya.

Mukonda dyahi eye utena kukala ni kidyelelu kyalungu ni hádya?

• O Bibidya yamba kwila Nzambi wandazubha o ‘ita . . . katé ku maxokololo a’xi.’ (Jisálamu 46:9) Tanga o milongi mu phutu ni dyambu: “Você pode acreditar num futuro melhor” phala udilonge dingi yalungu ni ikanenu ya Nzambi yalungu ni hádya.

• Jezú walongo o akayedyê kubhinga mu musambu kwila o Utuminu wa Nzambi wize. (Matesu 6:9, 10) O Utuminu unguvulu wala kudyulu wandakumbidila o vondadi ya Nzambi mu ixi. Mu ima yoso yiyi o Utuminu wandabheka o kutululuka mu ngongo yoso. Phala kudilonga dingi ihi yandabhanga o Utuminu yú kokwé, tala o vidyu O Utuminu wa Nzambi Ihi?

Mu ixi ya Ucrânia kwene 129.000 a Jimbangi ya Jihova ndenge. O Jimbangi ja Jihova kumundu woso ene mu kayela o phangu ya Jezú, Por que as Testemunhas de Jeová são neutras em assuntos políticos? (Nzwá 18:36) Ku mundu woso ene akalokota mu kuboka o “Njimbu ya Utuminu” ni kujimbulula kwila o utuminu wa Nzambi wene ngó wandazubha o maka oso mu ngongo, katé mwene o ita. (Mat. 24:14) Twamesena kwila Bhinga Phala Kukukunda ku Jimbangi ja Jihova phala kudilonga dingi yalungu ni njimbu ibhana o kidyelelu itusanga mu Bibidya.