Ki Tua-nda di Longa Dingi Kibatulu Kia Kizuua, mu Kiônge kia Sidivisu ia kuboka

Mu ukulu, mu iônge ia sidivisu ia kuboka, akexile mu tanga o kibatulu kia kizuua mu ithangana iofele, se iene ia lungile ni ukunji. Maji a mu i lungulula. O ka divulu Examine as Escrituras Diariamente, ki tua-nda di longa na-ku dingi, mu iônge ia sidivisu ia kuboka. Kála ki tua kexile mu bhanga, o atuameni, a tena ku longa mu kaxi ka Bibidia, mba o Kikalakalu Kietu Kia Utuminu, o divulu Escola do Ministério, o divulu Raciocínio, ni madivulu a mukua alungu ni sidivisu ia kuboka. O madivulu u tua tange kiá, phala kuendesa o kiônge kia kizuua kia sidivisu ia kuboka. Kála ki tuejiia, o iônge íii ki ia tokala ku bhita 10 mba 15 dia ithangana, o kithangana kia tokala ku buta dingi se ki kaiela o kiônge kia kilunga.