Jindunge Phala Kubhanga Kyambote o Kyônge Kya Sidivisu ya Kuboka

Kala o yônge mu ilunga, Jihova watubhana o yônge ya sidivisu phala kutukwatekesa kudiswinisa mu ku dizola, ni kubhanga o mbote. (Jih 10:24, 25) O yônge yasidivisu yatokala kubhanga kitanu mba sambwadi dya ithangana, yalungu ni kusokejeka o ibuka, kubhana o jimbambe, ni kusamba. (Se abhanga o kyônge kya sidivisu kyoso kizubha kyônge kyengi, o yene yatokala kubuta dingi.) O mwendexi wa kyônge watokala kupelepalala milongi yambote yanda kwatekesa yó anda boka mu kizuwa kyenyokyo. Mu kifika, kuma avulu kaboko mu kaxi ka semana, mukiki-phe Kya Sabhalu kifwama dingi kuzwela ihi itwatokala kuzwela ku mukwa dibhata. Jebhi o jipondo jamukwa jejifwama kuzwela mu kyônge kya sidivisu?

• Ndunge phala kubhana umbangi itusanga mu Ukexilu wa Ukidistá ni Ukunji Wetu—Milongi Phala o Yônge

• Kyebhi ki tutena kutumbula kizulukutu kyamubhita mu izuwa yiyi mba jihundu ja ubhe, phala kumateka kuzwela ni muthu

• Kyebhi kiwatokala kutambwijila o mukwa dibhata wabatula o maka kala kyene mubhanga mu mbambe yé

• Kyebhi ki utena kutambwijila muthu kaxikina kwila kwene Nzambi, muthu uxikina kwila o ima yamoneka ngó, muthu uzwela dimi dyengi mba muthu watokala mu ngeleja ki imoneka kyavulu mu mbambe yé

• Kyebhi ki utena kuzwela milongi yala mu kijimbwete kya jw.org, mu aplikativu JW Library^® mba mu Bibidya

• Kyebhi ki utena kukalakala ni madivulu mba jividyu jibhanga mbandu ya Jifalamenda Jetu ja Kulonga

• Kyebhi ki utena kuboka mu maukexilu avulu kala, kubhana umbangi bhukaxi ka mutelembe, kusoneka mikanda, kuboka mu ididi mubhita athu avulu, kukunda o muthu mba kulonga o Bibidya

• Itendelesu yalungu ni kudilanga, kulenduka, ukexilu wambote ni ibanzelu yambote mba milongi yengi yadifu

• Disá mba vidyu yalungu ni kadivulu Ta o Muxima wé mu Kutanga ni Kulonga

• Kyebhi ki utena kuswinisa ni kukwatekesa o phange wamuboka n’ê

• Velusu yanda fwama mu sidivisu ya kuboka mba musoso wambote walungu ni kuboka