Ihi i tu Bhanga ni Kamukanda (S-43)

O kamukanda kaka, ka tokala ku ka soneka, kioso ki u sanga muthu ua xikina ku di longa o Bibidia, uala mu mbambe iéngi, mba u zuela dimi diéngi. Sumbala mu m’ukulu etu tua kexile mu soneka mu kamukanda kaka, kioso ki tuijiia muthu u zuela dimi diéngi, se ene a xikine mba kana, kindala kiki, etu tua tokala ku ka soneka ngó se o muthu u londekesa kuila ua xikina ku di longa o Bibidia. Maji tu tena ku ka soneka se o muthu uafú o mátui. Se tuejiia muthu uafú o mátui, sumbala u londekesa ku xikina mba kana, tua tokala ku soneka o kamukanda S-43.

Ihi i tua tokala o ku bhanga kioso ki tu soneka o kamukanda? Tua tokala ku ka bhana ku seketa ia kilunga. Se muéne uejiia o kilunga kua-nda ku ka tumikisa, muéne ua tokala ku ka tumikisa ku tufunga tua kilunga kua tokala o kamukanda, phala ene a tene ku kuatekesa o muthu ua londekesa kuila ua mesena ku di longa o Bibidia. Se muéne kejiia o kilunga kuoso kua tokala ku tumikisa o kamukanda, muéne ua tokala ku ka tumikisa ku Filiiale.

Se muthu ua xikina u zuela dimi diéngi, iu ua tungu mu mbanza iê, eie u tena ku kolokota mu ku mu kuatekesa, katé ki bhu moneka muboki ua mu sidivila mu kilunga kia dimi diéngi.—Tanga o Nosso Ministério do Reino ua mbeji ua Kamoxi ua 2009, mu mbandu 4.