Ku Bandekesa o Uhete Uetu mu Ukunji—Mu ku Bhana Umbangi ku Athu a Zuela Dimi Diéngi

Mukonda Diahi Kima Kiambote ku Bhanga Kiki: Jihova ua mesena kuila, athu “akua jixi joso” ejiia o kidi kia lungu ni muéne. (Ika. 10:34, 35) Mukonda dia kiki, Jezú ua londekesa kuila, o njimbu iambote eji ‘i tula mu ngongo ioso, mu kubhana umbangi ku akua jixi joso.’ (Mat. 24:14) Zakadiia ua kanene kuila, athu ‘a tokala ku madimi m’éngi a miji ioso’ mu ngongo eji xikina. (Zak. 8:23) Kala kia londekesa o kisuma kia poxolo Nzuá, o athu a ka bhuluka ku hadi ia dikota, athu ‘a tundu mu ifuxi ioso ni ku miji ioso.’ (Dij. 7:9, 13, 14) Mu kuijiia o kidi kiki, se tu sanga muthu mu ukunji u zuela dimi diéngi, tua tokala ku bhanga nguzu, phala ku mu bhana umbangi.

Kiebhi ki tu Tena ku Bhanga Kiki:

Ambata o kadivulu Boas Novas Para Pessoas de Todas as Nações. Sota o kitendelesu kiala ni diambu “Como Ajudar Quem Fala Outra Língua,” i tu sanga ku dimatekenu dia kadivulu kaka. Ijiia o madimi u ua-nda sanga, jikula o vidiu mba kadivulu mu madimi enhá, bhu kaxi ka jw.org, mu mutelembe uê. Sota o JW Language, phala ku di longa izuelu mu dimi di ua mesena. Se ilunga iala ni madimi ka difu a boka mbambe imoxi, mu ku boka nzo ni inzo, kala kilunga kiambata ngó madivulu mu dimi diene mu boka nadiu. Kienhiki, mu ku boka mu ikoka ni mu ididi mua zuela madimi engi, ambata madivulu a madimi avulu, phala o athu u ua-nda sanga.
Se u sanga muthu ka mu tendela o dimi di ua mu zuela, bhanga ioso phala ku mu longa ‘o mak’a Nzambi’ mu dimi diê. (Ika. 2:11) Mu londekese o jw.org mu dimi diê, phala kuijiia dingi. Se muthu u mesena kuijiia dingi, soneka o Kamukanda Queira Visitar (S-43), bhana-u ku seketa ia kilunga. Suluka ni ku mu kunda, ndu kia-nda sanga aboki a zuela o dimi diê.

Fikisa o Ndunge Íii mu Mbeji Íii:

Mu Ubhezelu ué ku Muiji, di pelepalale, uijiie kiebhi ki u tena ku bhana umbangi ku muthu u zuela dimi diéngi.