Kubandekesa o Uhete Uetu mu Ukunji​—Kuzuela ni Athu Oso mu Mbambe Ietu

MUKONDA DIAHI KIMA KIAMBOTE KUBHANGA KIKI: Polofeta Zakadiia ua kanene kuila, athu a tokala ku madimi moso mu ngongo, eji xikina o njimbu iambote. (Za 8:23) Maji nanhi ueji kua longa? (Lo 10:13-15) Etu tuala ni ujitu, ni kikalakalu kia kutula o njimbu iambote ku athu oso a tungu mu mbambe ietu.​—Organizados pág. 84 parág. 10-11.

KIEBHI KI TU TENA KUBHANGA KIKI:

• Disokejeke. O kuila uene mu sanga athu a zuela dimi diéngi mu diembu dié? Eie u tena kukalakala ni falamenda JW Language, phala kudilonga kubhanga ifika ia bhebhuluka mu dimi dienhódio. Mba u tena kukalakala ni mutelembe ué ua kafuetele; londekesa ku muthu se kiebhi kia tena kusanga dingi milongi mu dimi diê, bhu kaxi ka kijimbuete kia jw.org

• Tonginina kiambote. Se ua mu boka nzo ni nzó, bhana umbangi ku athu a mu bhita mu kikoka, ni athu a mu kingila o makalu. Se ua mu bhana umbangi mu kididi mu bhita athu avulu, kana kujimba kuila o mbambe ié o kubhana umbangi ku athu, kana kulanduka

• Bhanga ioso phala kuboka. Kolokota kusota ió ka kexile kubhata mu dimatekenu. Bhanga nguzu phala kuzuela ni muthu mu jinzo joso, nange mu ola iéngi ia kizuua mba mu kizuua kiengi kia semana. Sai akua dibhata a uabhela kuzuela nau bhu kaxi ka kamukanda, mutelembe ua kafuetele, mba kioso kia a bhana umbangi mu ikoka

• Kunda ni lusolo. Se u mona kuila o muthu ua xikina o njimbu, vutuka ni lusolo. Se o muthu u zuela dimi diéngi, sota phange u zuela o dimi dienhódio, phala ku mu kuatekesa. Eie u tena kusuluka ni ku mu kunda, katé kia-nda sanga muboki u zuela o dimi diê-muene.​—Organizados pág. 94 parág. 39-40

TALA O VIDIU, KUBOKA “KATÉ NI KU MAXOKOLOLO MA JIXI”, MU KUSULUKA, TAMBUIJILA O IBHUIDISU IA KAIELA:

• Kiebhi o jiphange ja mala ni ja ahatu, kia disokejeka phala kuia mu boka mu jixi ja makanga? (1Ko 9:22, 23)

• Ibhidi iebhi ia tokalele o kutolola?

• Mabesá ebhi a tambula?

• Ihi i u tena o kubhanga phala kuzuela ni athu avulu a tungu mu mbambe ié?