‘Kalenu ni Kutululuka ni Athu Oso’
1. Milongi iahi ia Bibidia i tu kuatekesa kioso ki tu sanga athu a teme?
1 O mundu ua Jihova ua zolo o kutululuka, mu kiki, o kikalakalu kietu kia ku boka tu ki bhanga ni kutululuka. (Iza. 52:7) Né muene mu veji javulu tu sanga athu a teme, mukonda dia ku beta ku mabhitu mâ. Ihi i tu kuatekesa o kutululuka, kioso ki tu sanga o ukexilu iú?—Lom. 12:18.
2. Mukonda diahi tua tokala ku kala ni unjimu?
2 Kala ni Unjimu: Sumbala a mukuá a tema mba a dizangala mukonda dia ku a tangela o kidi kia Bibidia, maji o athu a mukuá, ka teme mukonda dia ku a kunda. Nange o kithangana ki ki tokala phala ku a kunda. Sumbala o mukua dibhata u tema mukonda dia maka mê ene nau kia. Tua tokala ku di lembalala kuila, mukonda dia ku mu nganala ku ilongesu ia makutu, nange o njimbu iambote i mu bhangesa ku tema. (2 Kol. 4:4) O unjimu ua-nda tu kuatekesa o kutululuka, ni kuijiia kuila muéne ka teme mukonda dia ku mu tudila o njimbu iambote.—Jisa. 19:11.
3. Kiebhi ki tu xila o mukuá dibhata?
3 Xila o Ibanzelu Iâ: Athu avulu u tuene mu sanga ala ni ilongesu iâ. (2 Kol. 10:4) Êne ejiia, se evua mba kana. Tua tokala ku xila o ibanzelu ia mukua dibhata, ki tu tokala ué ku di londekesa kuila tuejiia dingi muéne ndenge. Na tu kaie m’onzo iê, tua tokala tu tunda ni ku xila kuoso.
4. Kuzuela ni ngalasa ihi?
4 Zuela ni Ngalasa: Né muene se ua tu vutuila kia iibha, etu tua tokala tu mu tambuijila ni ngalasa ioso. (Kol. 4:6; 1 Phe. 2:23) Mu veji dia kuzuela nê kiavulu, zuela ima i mu tululukisa. Nange tu muibhula se mukonda diahi ua banze kiki. Phala ka divue kia iibha, kota tua sukila.—Jisa. 9:7; 17:14.
5. Mbote jahi jijila mu ku tululuka mu ukunji uetu?
5 Se tu tululuka, sumbala muéne u di lembalala o ukexilu uetu, kioso mungu kia mu bhana o umbangi ku muboki uéngi nange u xikina. (Lom. 12:20, 21) Né muene ka xikina kindala, sumbala ku pholo dia kuenda u tena ku kala phang’ietu. (Nga. 1:13, 14) Né muene se ka xikina o kidi, tua-nda ximana Jihova, ni ku zangeleka o ilongesu ia Nzambi, se tu tululuka.—2 Kol. 6:3.