O ku Bhana o Tumikanda ku Bhekela Mabesá
Mu semana jitatu, ande dia ku mateka o kiônge kia dikota, o ilunga ioso a-nda bhana o tumikanda, phala kuixana o athu a mesena kuia mu kiônge kia dikota. Saí mabesá mu ku bhana o tumikanda ku mivu ioso. O athu ene múia mu kiônge ene mu sanguluka mu kuívua o madiskursu, a diuana mu ku mona o jiphange a di sokejeka kiambote mu ikalakalu iâ ni ukexilu uambote ni henda i tu londekesa. (Jisá. 110:3; 133:1; Iza. 65:13, 14) O kuila saí mabesá mu ku bhana o tumikanda, bhenge-bhenge se o athu a tunda dikanga, phala kuia mu kiônge kia dikota?
Kioso kia bhiti o kiônge kia dikota kia muvu ua 2011, saí filiiale ia tambula mukanda ua muhatu ua sange o kamukanda bhu dibhitu diê. Muéne uexile mu di sueka, kioso o Jimbangi ja Jihova kia kexile mu phupa o dibhitu diê. Muéne ua soneka: “Nga kexile ni nzo ia fuama, diiala diambote, nga banzele kuila nga sangulukile. Maji ki nga sangulukile kana, o muenhu uami ki uexile ni valolo. Nge-ndé 200 ia kilómetulu, phala kuia mu kiônge kia dikota kia Sábhalu.” Muéne ua uabhela kiavulu o milongi iévu, ua xindi muadi uê phala ku mu tangela kuila keji vutuka, mukonda, ua mesenene kuia dingi mu kiônge kia Lumingu. Ngevu o madiskursu oso, nga bhange makamba avulu ni Jimbangi ja Jihova, ki ngi mesenene kuila o milongi i bhua dingi.” Mu ku vutuka kubhata, muéne ua mateka o ku di longa o Bibidia, mu ku bhita mbeji jiuana ua kituka muboki. “Nga sakidila kiavulu ku sanga o kamukanda bhu dibhitu diami, lelu o muenhu uami uala ni valolo!”
O athu a tambula o tumikanda saí iâ a-nda ia mu kiônge kia dikota. Suína mu ku bhana o tumikanda. O tumikanda tu subhuka, za na-tu mu kiônge kia dikota, phala ku bhana umbangi mu njila.
[Kaxa ku mbandu 5]
Kiebhi ki Tua-nda Bhana o Tumikanda?
Phala ku tenesa o mbambe ioso, ki tu tokala kuzuela kiavulu. Tua tokala kuzuela kiki: “Mana mba manu, ua zekele. Tua mu bhana o tumikanda tutu, o kikalakalu kiki a mu ki bhanga mu ixi ioso. Kaka o kamukanda kê. Ua-nda sanga milongi iavulu mu kamukanda. Bhana o tumikanda ni ngalasa ioso. Mu disukilu dia semana, kioso ki tua-nda bhana o tumikanda, tua tokala ué ku bhana o tu madivulu, se o kithangana ki bhana.