O Mak’a Nzambi Ala ni Kutena
1. Diebhi o diambu dia kiônge kionene ua muvu ua 2014?
1 O kituxi, kia bhekela o ku kamba o kuiuka ku athu, maji o Bibidia i tena ku lungulula o ukexilu ua muenhu uetu ni ibanzelu kala kia mesena Jihova. Mu ukexilu uebhi o Mak’a Nzambi ala ni kutena? Kiebhi o mak’a Nzambi kia tena ku lungulula o ukexilu ua muenhu uetu? Kiebhi ki tu tena ué ku kuatekesa akuâ? O ibhuidisu íii, a-nda itambuijila mu kiônge kietu kionene, kia muvu ua sidivisu ua 2014. O diambu dia kiônge kiki, diambe ‘O Mak’a Nzambi Ala ni Kutena,’ dio katule mu divulu dia Jihebeleu 4:12.
2. Tua tokala kuijiia o itambuijilu ia ibhuidisu iebhi?
2 Ejiia o Itambuijilu ia Ibhuidisu Íii: Kioso ki uia ni kuívua o milongi, soneka o itambuijilu ia ibhuidisu íii.
• Mukonda diahi tua tokala ku dielela mu Mak’a Jihova? (Jisá. 29:4)
• Kiebhi o Mak’a Nzambi kia tena ku lungulula o ukexilu ua muenhu uetu? (Jisá. 34:8)
• Kiebhi o kutena kua Mak’a Nzambi a ku kuatekesa mu ukunji ué? (2 Tim. 3:16, 17)
• Kiebhi ki tu tena ku lenga o mibhetu iene ku mundu ua Satanaji? (1 Nzu. 5:19)
• Kiebhi o minzangala kia tena ku kula mu nzumbi? (Jel. 17:7)
• Kiebhi ki tu tena kulondekesa o ku suína né muene se tua bhuila? (2 Kol. 12:10)
• Ihi i tua tokala o ku bhanga phala ku lungulula o ukexilu ua muenhu uetu, né muene se tuala ni ifua ia iibha? (Efe. 4:23)
3. Kithangana kiebhi ki tua-nda kala na-kiu mu kiônge kionene?
3 Tua-nda katula mbote iavulu mu kuívua o milongi íii! O kizuua kia kiônge kionene, kia ilunga ni kiônge kia dikota, kia-nda tu bhana kithangana kia ku bhanga ukamba ni jiphange jetu, ki kale ni akua kilunga kietu mba a ilunga iéngi. (Jisá. 133:1-3; 2 Kol. 6:11-13) Kithangana phala ku di kunda ué ni makamba ni ku bhanga dingi makamba a ubhe. Se o mujitu u kala mubhidi ua kafunga ka ilunga mba ua tundu ku Betele, ki kima kiambote ku sota ku mu ijiia ni kuijiia ué kaza diê? Tua tokala ku kingila ni kisangusangu kioso o kizuua kia kiônge kionene.