O Mak’a Nzambi a tu Longa

1. Diebhi o diambu dia kiônge kia ilunga ua muvu ua 2014, ni ibhuidisu iebhi a-nda itambuijilu mu kiônge kiki?

¹ Jihova muéne o ‘Mulongexi ua Dikota’ ua ngongo ioso. (Iza. 30:20, 21) Kiebhi Jihova kiene mu tu longa? Muéne ua tu bhana divulu dia beta dingi kota—o Mikanda Ikôla, o Bibidia. Kiebhi o Mak’a Nzambi, a tena ku tu kuatekesa mu ukexilu ua xitu, ua kilunji, ku muenhu uetu, ni mu nzumbi? O ibhuidisu íii, a-nda itambuijila mu kiônge kietu kia ilunga, kia muvu ua sidivisu ua 2014. O diambu dia kiônge kiki, diambe ‘O Mak’a Nzambi a tu Longa,’ dio katule mu divulu dia 2 Timote 3:16.

2. Ibhuidisu iebhi a-nda i tambuijila mu kiônge?

² Ejiia o Itambuijilu ia Ibhuidisu Íii: O kiônge kia-nda tambuijila ibhuidisu íii:

• Kiebhi o milongi ia Nzambi i tu kuatekesa ku muenhu uetu? (Iza. 48:17, 18)

• Se tua mesena ku di sokejeka, phala ku kalakala mu sidivisu ia Jihova mu thembu ioso, kidielelu kiebhi ki tu kala na-kiu? (Mal. 3:10)

• Ihi i tua tokala o ku bhanga kioso ki tu sanga o ‘milongi ia makutu’? (Jihe. 13:9)

• Kiebhi ki tu tena ku kaiela o phangu ia Jezú ia lungu ni ‘ku longa’? (Mat. 7:28, 29)

Mukonda diahi o alongexi mu kilunga a tokala ku di longa uâ? (Lom. 2:21)

• Mu ukexilu uahi o Mak’a Nzambi a tu longa? (2 Tim. 3:16)

• Kiebhi kia divua o athu ni ‘kitungutisu’ kia jixi? (Aje. 2:6, 7)

• Kiebhi Jihova kia tu dielela? (Efe. 5:1)

• Mukonda diahi tua tokala ku bhanga nguzu, phala ku belesela o milongi ia Jihova? (Luk. 13:24)

3. Mukonda diahi tua tokala kuia ni kuívua kiambote o milongi ioso ia kiônge?

³ Kala kilondekesa o divulu dia 2 Timote 3, ande dia ku soneka o izuelu mua tundu o diambu, Phaulu ua soneka ia lungu ni ima ia bhonzo ieji bhita mu izuua isukidila-ku. Muéne ua soneka: ‘athu aiibha-phe, akua makutu, jindunge jâ jiia ni ku di bandekesa, a nganala athu, maji ene uâ aia ni ku a nganala.’ (2Ti 3:13) Phala ka tu nganale, tua tokala kuívua ni ku kumbidila o milongi ia Nzambi! Mu kiki-phe, kima kiambote kuia ni kuívua o milongi ioso ia kiônge kia ilunga.