Jinjimbu ja Utuminu No. 38 Phala ku ji Bhana ku Mbeji ia Kamoxi!
1. Ibhuidisu iahi iene mu bhanga o athu, ni kiebhi o ibhuidisu íii, a-nda itambuijila mu mbeji ia Kamoxi?
1 O kalunga nguma ia athu oso, né muene ia athu a kambe o kixikanu. (1 Kol. 15:26) Saí athu ene mu dibhudisa, kioso athu kia fuá aia kuebhi? O kuila ku hádia a-nda vutuka dingi? Mu kiki-phe, o ilunga ioso ku mundu mu mbeji ia muvimba, a-nda bhana o Jinjimbu ja Utuminu No. 38, ni diambu O Kuila o Athu Afú Kiá a ka Vutuka Dingi? O kikalakalu kiki kia ku boka, kia-nda mateka mu kizuua kia 1 kia mbeji ia Kamoxi. Kioso ki tua-nda zubha o ku bhana o Jinjimbu ja Utuminu No. 38, tua-nda ji bhana mu ukunji uetu, kála tumikanda.
2. Kiebhi kia bhange o kamukanda Jinjimbu ja Utuminu No. 38?
2 Kiebhi Kia ka Bhange: O kamukanda Jinjimbu ja Utuminu No. 38, kala ni kapa mu tu sanga o diambu, ni izuelu iambe “O kuila . . . kiene? kana? mba nange?” Kioso o muthu kia-nda jikula o Jinjimbu ja Utuminu, ua-nda kuijiia ihi i longa o Bibidia mu ku tambuijila o kibhuidisu kia diambu, ni ihi ilombolola o ikanenu. Ua-nda kuijiia ué se mukonda diahi muéne ua tokala ku xikina mu milongi ia Bibidia. Ku mbandu ia sukina muala kibhuidisu ki bhangesa o muthu ku xinganeka, i mu londekesa ué kiebhi kia tena kuijiia dingi.
3. Kiebhi ki tua-nda bhana o Jinjimbu ja Utuminu No. 38?
3 Kiebhi ki Tua-nda ku ka Bhana: Tua-nda tu bhana kála ki tua bhana o tumikanda tua Lembalasa ia Kufuá kua Jezú, ni tua kiônge kia dikota. O tufunga a-nda bhana itendelesu se kiebhi kia-nda bhanga phala ku boka mu mbambe ioso, kála kia a tendelesa mu mukanda ua tambula mu mbeji ia 1 ia Kasamanu ua 2013. O ilunga iala ni mbambe iofele, a tena ku kuatekesa o ilunga ia zukama ala ni mbambe ia dikota. Mu ku tambula o Jinjimbu ja Utuminu No. 38, kuata ngó ji ua-nda kalakala na-ju mu semana imoxi. Tua-nda tu bhana ué mu ku boka mu ikoka, se tua bhana kiá mu mbambe ioso mu nzo ni inzo. Se tu bhana kiá tuoso ande dia disukilu dia mbeji, tua tokala ku bhana o Despertai! mba Mulangidi ua mbeji ienioio. Mu Sábhalu ia dianga, tua-nda kalakala ni tumikanda, ki tua-nda mateka ku longa o Bibidia. Mu sukilu ia semana tua-nda bhana ué o Despertai! mba Mulangidi se kithangana ki bhana. O kuila ua mu disokejeka phala ku boka ni ku suína kuoso?