O Tumikanda Tua Lembalasa ia Kufuá Kua Jezú, Tua-nda Mateka ku tu Bhana mu Kizuua Kia 22 kia Mbeji ia Katanu

Ku muvu iú, tua-nda mateka ku bhana o tumikanda ku athu, kia Sábhalu mu kizuua kia 22, ku mbeji ia Katanu. O jiphange joso a tena ku bhana o tumikanda. Mu izuua ia semana, tu tena ué ku bhana o madivulu, se kithangana ki bhana. Mu Sábhalu ia dianga, ku mbeji ia Kasamanu, tua-nda bhana ngó o tumikanda, mu veji dia ku mateka ku longa o Bibidia. Maji, se tu sanga muthu ua mesena ku mu longa o Bibidia, tu tena ku mateka ku mu longa o Bibidia. O kafunga ka sidivisu, u tena ku zuela kiebhi kia-nda bhana o tumikanda, né muene o ku bhana umbangi mu ikoka, ki kuatekesa ué o kilunga ku boka mu mbambe iâ. Se ua mesena kuixana jindandu, ji koleka ja salu ni ja xikola, ni ku vutuka phala ku kunda dingi o athu, soneka o majina mâ, phala kua bhana tumikanda, kioso ki tua-nda mateka ku tu bhana. Tua mesena kuila, athu avulu a di bhongolola n’etu, ni tu lembalale o henda ia tu londekesa Jihova ni Jezú.​—Nzu. 3:16; 15:13.