Ku Bandekesa o Uhete Uetu mu Ukunji​—Ku Pelepalala o Izuelu Ietu ia ku Mateka

Mukonda Diahi Kima Kiambote ku Bhanga Kiki: Se ki tu pelepalala kiambote o izuelu ietu, nange o mukua dibhata, u tu batula ande dia ku mu bhana umbangi. Kienhiki, saí aboki a banza kuila o izuelu ia ku mateka ia beta dingi kota phala ku bhana umbangi. Sumbala saí ifika ia bhebhuluka, tuene mu i sanga kia mu Kikalakalu Kietu kia Utuminu ni mu divulu Raciocínios, maji ki i soko. Né muene se saí kia kifika kia bhebhuluka, o aboki a tena ku ki lungulula mba ku pelepalala kifika kiéngi mu izuelu iâ. Tu tena ku di tunda dingi kiambote se tu pelepalala o izuelu ietu ia ku mateka, mu veji dia ku zuela kima kioso-kioso, kioso o mukua dibhata kia tu jikula o dibhitu.​—Jisa. 15:28.