Ku Bandekesa o Uhete Uetu mu Ukunji—Mu ku Longa o Bibidia ku Athu a Uabhela ku Tanga o Madivulu Metu

Mukonda Diahi Kima Kiambote ku Bhanga Kiki: Kuene athu avulu a uabhela ku tanga o madivulu metu maji ka uabhela ku di longa o Bibidia. Kiki, nange ki bhita mukonda, ene a sanguluka ni ngeleja iâ mba a mona kuila, kala ni kithangana phala ku di longa o Bibidia. Mukonda dia ku tanga kiavulu o madivulu metu, ene a tena ku mateka ku uabhela o Mak’â Nzambi. (1 Phe. 2:2) Nange saí milongi i tena kua suínisa ku di longa mba kima kioso-kioso, ku muenhu uâ ki tena ku mu bhangesa ku lungulula o ibanzelu iâ. Ku a kunda ni ku a suínisa mu ithangana ia tokala, ku tena ku a bhangesa ku divua kiambote ni ku tu kuatekesa kuijiia kiambote o ibhindamu iâ. Nange, u tena ku mateka ku a longa o Bibidia.