Kubandekesa o Uhete Uetu mu Ukunji—Kumateka Kulonga o Bibidia ni Kadivulu Njimbu Iambote ia Nzambi! Bhu Dibhitu
Mukonda Diahi Kima Kiambote Kubhanga Kiki: Phala kubhanga maxibulu, tua tokala kulonga o Mak’a Nzambi. (Mat. 28:19, 20) Etu oso, tu tena kukala ni uhete ua kulonga o kidi, se tu kalakala ni jifalamenda jene mu tu bhana. O kadivulu Njimbu Iambote ia Nzambi! a ka bhange phala ku tu kuatekesa kulonga o kidi ku athu. Kienhiki, tu tena kumateka kulonga o Bibidia ku mukua dibhata ni kadivulu kaka, bhu dibhitu diê.
Fikisa o Ndunge Íii mu Mbeji Íii:
Samba, u kale ni vondadi ia kumateka kulonga o Bibidia. Bhinga ué kua Jihova n’a ku kuatekese kusanga muthu phala ku mu longa o Bibidia ni ku kala ni uhete, ua kulonga o kidi.—Fil. 2:13.
Mu ubhezelu ué ku muiji mba mu kudilonga ubheka uê, sota kithangana phala kusokejeka i ua-nda zuela. Kubhanga kiki, kua-nda ku kuatekesa kuzuela ni kusuína kuoso ni ku mateka kulonga o Bibidia, bhu dibhitu mu ukunji.