Kuatekesa o Tuana Tué Kukala ni Kixikanu Kia Kolo ku Mubhangi Uâ

O ibhangelu ilondekesa o kutena kua Jihova. (Jis 19:1-4; 139:14) Maji o mundu ua Diabhu u xonguena o kutena kua Nzambi bhu kaxi ka milongi iamba kuila o muenhu ua moneka ngó. (Lo 1:18-25) Kiebhi ki u tena kulanga o tuana tuê phala ka kale ni ibanzelu iii ku ilunji ni ku mixima iâ? Mu ku a longa tundé mu undenge uâ, n’a kale ni kixikanu kia kuila Jihova muthu ua kidi, ni kuila, u tu suua. (2Ko 10:4, 5; Ef 6:16) U a ebhuidisa ia lungu ni milongi iene mu dilonga mu xikola, mu kusuluka u a kuatekesa bhu kaxi ka jifalamenda jetu, phala ku a tudila o milongi ku mixima.​—Ji 20:5; Tii 1:19.

TALA O VIDIU IHI IZUELA O MINZANGALA​—O KUILA KUENE NZAMBI? MU KUSUKA-KU TAMBUIJILA O IBHUIDISU IA KAIELA:

• Ihi i banza o athu ia lungu ni kukala ni kixikanu kua Nzambi?

• Ihi iene mu longa mu xikola ié?

• Ihi i ku xikinisa kuila kuene muene Jihova?

• Kiebhi ki u tena kukuatekesa muthu kuxikina kuila, Nzambi muene o mubhangi ua ima ioso?