Katé Bhebhi Eye u Bhana Valolo ku Mak’â Nzambi?

Mu Bibidya mwala o ibanzele ni izwelu ya Jihova Nzambi, o divulu didi dikôla, dya mu tokala. (2Ph 1:20, 21) Phala kuzangeleka o ungana wa Nzambi ni ku u zelesa bhu kaxi ka Utuminu wê, o Bibidya i bhana kidyelelu ku athu oso kwila kwa kambe ngó o athu a-nda zediwa ku mwenyu. O Bibidya izwela we ya lungu ni henda ya dikota ya Tata yetu, Jihova.—Jis 86:15.

Kala muthu mudyetu u bhana valolo mu Mak’â Nzambi mukonda dya ima yavulu ki idifu. Maji o kwila tu londekesa kwila tu bhana valolo mu ujitu yú wa katunda mu kutanga izuwa yoso ni kubelesela ku mwenyu wetu o ima i twa dilongo? O ibhangelu yetu i tena kulondekesa kwila twala ni ibanzelu imoxi kala ya mukwa jisalamu wambe: “Ngonge yé ku ngi wabhela kwahi!”—Jis 119:97.

TALA O VIDYU, ENE A ZOLELE O BIBIDYA—MBANDU YA VIDYU (WILLIAM TYNDALE), MU KUSULUKA TAMBWIJILA O IBHWIDISU YA KAYELA:

• 

  Mukonda dyahi William Tyndale wa lungulula mbandu ya Bibidya mu dimi dyengi?

• Mukonda dyahi o nguzu ya bhange phala kulungulula o Bibidya mu dimi dyengi, yala ni valolo?

• Kyebhi kya kexile mu kwambata mu kaswekele o jikopya ja Bibidya ja lungulula Tyndale mu ixi ya Inglaterra?

• Kyebhi kala muthu mudyetu kya tena kulondekesa kwila u bhana valolo mu Mak’â Nzambi?