Kubandekesa O Uhete Wetu Mu Ukunji—Kubhana Umbangi Bhukaxi ka Mutelembe

MUKONDA DYAHI KIMA KYAMBOTE KUBHANGA KIKI: Okuboka bhukaxi kamutelembe, ukexilu wambote wakubhana umbangi “wa njimbu yambote” ku athu oso. (Ik 20:24)a O ukexilu yú utukwatekesa kubhana umbangi kumuthu kitutena kuzwelanê pholo ni pholo.

KYEBHI KITUTENA KUBHANGA KIKI:

• 

  Dipelepalale kyambote. Sola maka abhindamena kwivwa o athu. Xinganenka o ima iwamesena okuzwela. Utena we kupelepalala njimbu i utena kungalavala phala mwene, se kakutambwijila. Kwandakukwatekesa dingi se uxikama, anga uta o ima iwandakalakalanayu bhumeza mba ima iwasoneka ni ima yamukwa iwandabhindamena kala omutelembe wé mba o tablet mwala o aplikativu JW Library^® mba jw.org^® iwajikula kyá

• 

  Tululuka. Zwela mu ukexilu uwene muzwela izuwa yoso. Bhanga ijimbwete ni maku, olela kala wamuzwela ni muthu pholo ni pholo. Kana kubabajala mu kuzwela. Okukalakala kumoxi ni akwenu kwandakukwatekesa kutululuka. Se mukwadibhata ubhanga kibhwidisu, bhitululakyu ni dizwi dya swina. Mukubhanga kiki, omukwenu wamukalakalanê wandatena kukwatekesa kusota okitambwijilu

• 

  Xisa kibhwidisu phala kumukunda. Se mukwa dibhata ulondekesa kwila, wamesena kwijiya dingi, utena kumubhanga kibhwidisu phala kukitambwijila mu kithangana kyengi kiwandamuxinda. Utena we kumukanena kumwambatela divulu kubhata dyê, kumutumikisadyu bhukaxi ka e-mail mba kumuteladyu mu korreyu. Mba utena kumwibhwidisa se uxikina kumutumikisa milongi mba jividyu bhukaxi kanjimbu mba ji e-mail. Se kibhana utena kuzwela ni muthu yalungu ni Curso da Bíblia On-line, mba mbandu yamukwa yalungu ni sayite yetu. Se mu ixi yé mwala itumu ilanga o ima yalungu ni mwenyu wa muthu, lembalala kwila, watokala ku ibelesela