“Ku Bhonza ku mu Sanga ku Bhata!”

O kuila ua zuela kia kiki, ia lungu ni muthu ua mesenene ku mu longa? Né muene ua fikisa kia ku kunda o mukua dibhata, nange ki bhonza ku tekela o mbutu ia kidi i ua kunu. (1 Kol. 3:6) Saí ithangana, aboki ala ni uhete, a soneka mukanda phala muthu ua bhonzo ku mu sanga ku bhata mba a xisa kamukanda bhu dibhitu diê. Saí aboki, a dianga kia ku xinganeka mu ibhidi ia ku sanga o mukua dibhata, a bhinga o muxinda uê ua kafuetele, nange ebhuidisa, “o kuila ki bhana ku u tumikisa njimbu?” Tu tena ku soneka kuila, tua kundu dingi muthu, kioso ki tu zuela ni mukua dibhata, se tua mu bhana umbangi bhu kaxi ka mukanda, njimbu, tua xisa kamukanda bhu dibhitu mba tua mu xindi. Né muene ki bhonza ku sanga o mukua dibhata, tu tena ku mu kuatekesa ku xikina o kidi.