“Twezala ni henda ya Kidistu ya tu kwatela.”—2Ko 5:14
WENDELU WA UKIDISTÁ
Okwila Eye Utena Kusidivila Kala Umuboki wa Ithangana ni Ithangana mu Jimbeji ja Katanu ni Kasamanu?
Okwila eye wamesena kubhanga dingi musidivisu ya Jihova mu kithangana kya Lembalasa? (2Ko 5:14, 15) Mujimbeji ja Katanu ni Kasamanu, o aboki a ithangana ni ithangana andatena kubhana 30 mba 50 ajyola. Se eye wandakala polondo phala kukala umuboki wa ithangana ni ithangana mu jimbeji jiji jakatunda, bhinga petisá ku Kibuka Kya Sidivisu Kya Kilunga. Mumbeji ni mbeji, anda bhanga ongolokela ya yó akalakala kala aboki a ithangana ni ithangana. Kumbandu yamukwa, ojiphange joso mukilunga atena kukwatekesa o aboki yá mu ukunji. Etu enyoso tutena kukatula mbote mu kithangana kyalembalasa, mukubandekesa o uhete wetu wakuboka ni kudiswinisa mudyetu.—1Te 5:11.