O Kuila ua mu Katula Mbote mu Mulangidi ua Bhebhuluka?
O Mulangidi ua ku di longa mu kilunga, uala kiá mu ukexilu ua bhebhuluka mu kingileji. O Mulangidi iú a u bhange phala (1) Aboki a zuela o dimi dia kingileji a-nda katula mbote mu milongi ia mulangidi iú ua bhebhuluka, nange mukonda dia ku di longa ngó bhofele; (2) aboki ka zuela kingileji; (3) minzangala, ni ió ala bhu xikola ia kaxi, ki ia katunda; ni (4) maxibulu a Bibidia a bhingi dimi dia bhebhuluka dingi, phala ku tendela kiambote o maka mu nzumbi.
O ijimbuete iala bhu kaxi, ibhuidisu, ni diambu, dia difu ni Mulangidi uokulu. O milongi iene imoxi, maji o dimi dia bhebhuluka dingi. Sumbala o muendexi ua Mulangidi ni mutangi, a kaiela mu Mulangidi uokulu, o athu engi a mu di longa mu Mulangidi ua bhebhuluka, a-nda mona kuila o ibatulu iene imoxi, ni ifika, ni ku kaiela kioso o mutangi kiaia ni ku tanga o jimbandu, ni ku bhana itambuijilu.
Muthu uoso-uoso u mona kuila ua mesena O Mulangidi ua bhebhuluka, ua tokala ku bhinga ku múkuatekexi ua madivulu, mu kilunga