A Kuatekese Kubhikila Jihova Ithangana Ioso

Tuene mu mona kuila, se tundé ku dimatekenu a suinisa o aboki a ubhe kuia mu ukunji ithangana ioso, ene a kituka aboki ambote. (Ji 22:6; Fi 3:16) Mu milongi ia kaiela, tua-nda mona jindunge ja lungu ni kiebhi ki u tena kukuatekesa dixibulu ku ditunda kiambote mu ukunji:

• Mateka kulonga o dixibulu dié, tundé mu kithangana kia-nda mu xikina kala muboki. (Kikalakalu Kietu Kia Utuminu 8/15 mban. 1) Mu kuatekese kumona o valolo ia kuia mu boka mu semana joso. (Fi 1:10) Zuela ima iambote ia lungu ni athu mu mbambe ienu. (Fi 4:8) Mu suinise kuboka ni mutuameni ua kibuka, ni aboki amukuá, n’a di longe ue ni ene.—Ji 1:5; Kikalakalu Kietu Kia Utuminu 10/12 mban. 6 kaxi. 3

• Kioso dixibulu dié kia-nda di batizala, suluka ni ku mu suinisa, ni ku mu kuatekesa mu ukunji, benge-benge se muene ka zubha luua ku di longa o divulu ‘Henda ia Nzambi.’—Kikalakalu Kietu Kia Utuminu 12/13 mban. 7

• Se u kalakala ni muboki ua ubhe mu ukunji, bhanga kifika kia bhebhuluka. Kioso kia-nda zubha kubhanga o kifika kiê, mu ximane ni muxima uoso. Mu bhane jindunge phala ku mu kuatekesa kukala dingi ni uhete.—Nosso Ministério do Reino 5/10 pág. 7