ПʹАРА 6

Жь буйина Иса һʹәта мьрьна ԝи

Мьлйакʹәтәки бь наве Щьбрайил һатә бал ԛизәке бәдәԝ наве ԝе Мәрйәм бу. Щьбрайил готә ԝе кӧ, перʹа ԝе зарʹ бьбә, йе кӧ бьбә пʹадша у һʹәта-һʹәтайе ԝе пʹадшатийе бькә. Иса дь тʹәԝледа һатә буйине, у паше ль вьр шьван һатьн кӧ сәрики ԝи хьн. Һьнә ԝәʹдә шунда, чәнд мәрийед жь рʹоһьлатерʹа стәйрк хӧйа бу. Әв стәйрк ԝана бьрә һʹәта Иса. Ӧса жи әме пебьһʹәсьн кӧ бь рʹастийе кʹи ӧса кьр ԝәки стәйрк бе кʹьвше у ча Иса жь мьрьне һатә хьлазкьрьне.

Паши әме бьвиньн, ча Исайе 12 сали тʹәви дәрсдара дь пʹарьстгәһеда хәвәр дьда. Ԝәкә һʹиждәһ сал дәрбаз дьбьн у Иса те ньхӧмандьне, паше әԝ дәстпедькә дәрһәԛа Пʹадшатийе даннасин бькә, чьмки Хԝәде һәма сәва ве йәке Иса шандә әʹрде. Паше Иса 12 мера дьжберә ԝәки әԝана али ԝи бькьн. Пашԝәхтийе әԝана дьбьнә шандийед ԝи.

Иса гәлә кʹәрәмәта дькьр. Әԝ һʹәзар-һʹәзара мәрийа бь чәнд мәʹсийед бьчʹук у һьнә нан тʹер дькьр. Әԝ нәхԝәша ԛәнщ дькьр, у мьрийа жи сах дькьр. Иса ԝәкә се сал у нив даннасин кьр. У хьлазийе әме һе кʹур пебьһʹәсьн дәрһәԛа әʹмьре Иса у ча әԝ һатә кӧштьне. Дь Пʹара ШӘШАДА 34 салед тʹәрихийе те гьли кьрьне.