ТʹЕМА ЖЬ РʹУЙЕ ЖУРНАЛЕ
Кʹи нә Шәʹдед Йаһоԝа?
«Чәнд сал ә кӧ әз Майк нас дькьм. Әԝ Шәʹде Йаһоԝа йә. Религийа ԝи бона мьн тʹьме нәфәʹмдари бу. Гәло кʹи нә Шәʹдед Йаһоԝа? Чьрʹа әԝана щәжьна дәрбаз накьн? Дьбәкә Майк кʹәтийә сектәкеда?» (Беки, Калифорнйа, Дәԝләтед Йәкбуйи).
«Чахе щинаред мьн дәстпекьрьн тʹәви Шәʹдед Йаһоԝа һинбуна Кʹьтеба Пироз дәрбаз бьн, әз фькьрим: ‹Шәʹдед Йаһоԝа, әв нав чь те һʹәсабе? Әԝ чь навәки әʹщеб ә бона религийайе!›» (Зенон, Онтарйо, Канада).
«Әз у жьна мьн, әм дьфькьрин кӧ Шәʹдед Йаһоԝа дьхԝазьн бьдьнә хәбате әве йәке, кӧ әм хԝә сущдар дькьн, чьмки әм начьнә дере. Әм ӧса жи дьфькьрин кӧ һәгәр мә деред мәзьнда нә дит әԝ чь кӧ әм дьгәрʹийан, илаһи дь ве секта Шәʹдед Йаһоԝада әме ча бьвиньн» (Кент, Ԝашингтон, Дәԝләтед Йәкбуйи).
«Мьн бь рʹастийе ньзаньбу кӧ Шәʹдед Йаһоԝа кʹе нә у нә жи заньбу әԝана чь баԝәр дькьн» (Сесилиа, Әсбщерг, Дәнмарк).
Дьбәкә ԝә Шәʹдед Йаһоԝа дитьнә чахе әԝана мал бь мал йан жи дәрва даннасин дькьн, у әʹдәбйәтед сәр һʹиме Кʹьтеба Пироз бәла дькьн, ӧса жи тʹәглиф дькьн кӧ һинбуна Кʹьтеба Пироз бе пʹәрә дәрбаз бьн. Дьбәкә ԝә әва журнала жь ԝана стандийә. У ньһа жи дьбәкә һун дьфькьрьн, кӧ гәло бь рʹастийе кʹе нә Шәʹдед Йаһоԝа. Дьбәкә фькьред ԝә мина йед ԝан мәрьва нә, дәрһәԛа кʹижана жоре һатә готьне.
Һәрге пьрсед ԝәйә ӧса һәнә, һун кʹидәре дькарьн щабед ԝан бьстиньн? Һун ча дькарьн пебьһʹәсьн кӧ Шәʹдед Йаһоԝа бь рʹастийе чь баԝәр дькьн, ча хәрще ԛӧльхкьрьна ԝан у хәрще щийед ԛӧльхкьрьна ԝан те дадане, у чьрʹа әԝана дәре ԝә дьхьн йан дәрва незики ԝә дьбьн?
Сесил дәрһәԛа кʹижане жоре һатийә готьне, гьли дькә: «Мьн дәрһәԛа Шәʹдед Йаһоԝа гәләк тьшт интернетеда хԝәнд. Мьн дәрһәԛа ԝана щурʹә-щурʹә тьшт дьбьһист у ӧса жи мьн дьбьһист хәбәрдана нәбаш дәрһәԛа религийа ԝан». Паше Сесиле хԝәха тʹәви Шәʹдед Йаһоԝа хәбәрда у щабед сәр пьрсед хԝә станд.
Һун дьхԝазьн дәрһәԛа Шәʹдед Йаһоԝа щабед рʹаст сәр пьрсед хԝә бьстиньн? Әм ԝә һелан дькьн кӧ дина хԝә бьдьнә информасийа лапә рʹаст жь Шәʹдед Йаһоԝа, йед кӧ әв журнал дәрхьстьнә (Мәтʹәлок 14:15). Әм баԝәр ьн кӧ тʹемед дьн ԝе али ԝә бькьн бьвиньн, кӧ әм кʹе нә у әм чь баԝәр дькьн, у ӧса жи әм чь шьхӧли дькьн.