Те Бира Wә?
Wә рʹьнд дина хwә да сәр тʹемед жь «Бьрща Qәрәwьлийе» йа wан пашwәхтийе? Хwә бьщерʹьбиньн, һәла һуне бькарьбьн щабед wан пьрса бьдьн:
Мәтта 18:15-17-да, Иса дәрһәqа кʹижан гöнә дьгот чахе тʹәми дьда?
Иса дьгот дәрһәqа чәтьнайа ортʹа мәрьва, кʹижан кö дькарьн хwәха нав һәвда сафи кьн. Ле һәрге wана ортʹа һәвда сафи нәкьрийә, wи чахи әw дькарә бе һʹәсабе гöнәки öса, жь бо кʹижани әw мәрьве нәһәq жь щьвате дькарә бе дәрхьстьне. Мәсәлә, гöнә дькарә бöхдан бә, йан жи фелбази бә (w16.05, рʹупʹ. 7).
Һун ча дькарьн жь хwәндьна Кʹьтеба Пироз һе зедә кʹаре бьстиньн?
Һун дькарьн wан тьшта бькьн: Бьхуньн бь нета рʹаст, у дәрса хwәрʹа бьвиньн кʹижан кö wәрʹа wе кʹаре биньн. Пьрсед öса бьдьнә хwә: «Әз ча дькарьм әве информасийе бьдьмә хәбате сәва али йед дьн бькьм?». Öса жи wәʹде хwәндьне бьдьнә хәбате һʹәму һʹащәтед сәва леколинкьрьне (w16.05, рʹупʹ. 24-26).
Гәло әw йәк нәрʹаст ә һәрге Мәсиһи шине дькә чахе баwәр дькә wәки мьри wе рʹабьн?
Әw баwәри кö мьри wе рʹабьн, нькарә әwе еше кʹöта кә, кʹижан кö Мәсиһи тʹәхмин дькә чахе мәрьве wийи незик дьмьрә. Бьраһим жи шина Сәрайе дькьр (Дәстп. 23:2). Wәʹдә чахе дәрбаз бә, әw еш wе һе кем бә (wp16.3, рʹупʹ. 4).
Кʹе бь симболик те һʹәсабе мере бь һащәте ньвискʹарийе, у шәш мере бь чʹәка, кö Һәзәqел сәре 9-да те готьне?
Гьлийед Һәзәqел әм дькарьн фәʹм кьн һәрге бьдьнә бәр чʹәʹве хwә әʹфринед әʹзмана кʹижан кö тʹәви һьлшандьна Оршәлиме бун у йед кö wе шәрʹ бьвьн wәʹде Һармәгәдоне. Рʹожа иройин әw те һʹәсабе, кö мере бь һащәте ньвискʹарийе әw һәйә Иса, йе кö нишана датинә сәр wан йед кö wе бенә хьлазкьрьне wәʹде Һармәгәдоне (w16.06, рʹупʹ. 16-17).
Жь кʹижан хофа Кʹьтеба Пироз хьлаз бу?
Әw хьлаз бу кö 1) нәһатә хьрабкьрьне жь бо wан материала сәр кʹижана әw дьһатә ньвисаре, мәсәлә папирус у пергамент; 2) жь бо пәйкʹәтьнед жь сәрwеред дәwләте у сәрwеред рʹелигийед qәлп, йед кö дьхwастьн әwе кʹьтебе кʹöта кьн; у 3) дьхwастьн әʹламәтийа ве бьгöһезьн у хьраб кьн (wp16.4, рʹупʹ. 4-7).
Чь щурʹәйи Мәсиһи дькарә әʹмьре хwә һеса кә?
Хwәрʹа башqә бьньвисә һʹәwщед хwәйә фәрз, сәр тьштед нәлазьм пʹәра хәрщ нәкә. Сафи кә кö һәр һʹәфти йан мәһ чь тәрʹа лазьм ә бькʹьрʹи, у чьqас пʹәрә тö дькари хәрщ ки. Тьштед кö тәрʹа нәлазьм ьн бьфрошә, бавежә йан кәсәкирʹа бьдә, у һʹәму дәйне хwә бьдә. Бьфькьрә һәла тö дькари кем бьхәбьти, у пешда бьфькьрә кö ча тö дькари һе зедә хьзмәт ки (w16.07, рʹупʹ. 10).
Кʹьтеба Пироз чь нав дькә жь зерʹ-зив qимәттьр?
Ибо 28:12, 15 дьдә кʹьфше wәки биланийа жь Хwәде жь зерʹ-зив qимәттьр ә. Чахе һун әwе биланийе qазанщ кьн, бьхәбьтьн сәр хwә wәки мьлук бьминьн у баwәрийа хwә qәwи хwәй кьн (w16.08, рʹупʹ. 18-19).
Гәло щайиз ә wәки бьра сәррʹуйе хwә бәрдә?
Һьнә културада сәррʹу тʹәбийәти йә у йед дьн налькʹöминә wәки мьзгинийе qәбул кьн. Йәкә һьнә бьра дькарьн сафи кьн wәки сәррʹуйе хwә һьлдьн (1 Корн. 8:9). Һьнә култур у wәлатед дьнда, сәррʹу нәщайиз ә бона Мәсиһийа (w16.09, рʹупʹ. 21).
Чьрʹа әм дькарьн дöдьли нәбьн, wәки сәрһатийа Даwьд у Голиатʹ, кö Кʹьтеба Пирозда те гьликьрьне, бь рʹастийе qәwьмийә?
Бәжна Голиатʹ һьмбәри бәжна мәрьве кö рʹожед мәда лапи бьльнд бу, тʹәне сәр 15 сантиметра зедә бу. У Даwьд бь рʹастийе дьжит, у манускрипта бәре әwе йәке избат дькә. Ве манускриптеда ньвисибу дәрһәqа мала Даwьд, кö Иса гот. Кʹьтеба Пироз дьбежә кö Даwьд тʹәви Голийатʹ кʹидәре шәрʹ кьр, у әw щи жи избат дькә wәки әw сәрһати бь рʹастийе qәwьмийә (wp16.5, рʹупʹ. 13).
Ча занәбун, фәʹмкʹари, у билани жь һәв щöдә дьбьн?
Мәрьве кö занәбуна wи һәйә, әw информасийайе занә, йан жи избаткьрьна. Мәрьве фәʹмкʹар дькарә бьвинә кö чаwа избаткьрьн һәвва гьредайи нә. Ле мәрьве кö биланийа wи һәйә, занәбуна wи у фәʹмкʹарийа wи һәйә, у әw дькарә wан һәр дöда жи рʹаст бьдә хәбате (w16.10, рʹупʹ. 18).