ТʹЕМА РʹУЙЕ ЖУРНАЛЕ | КʹАРЕ ӘМЕ БЬСТИНЬН ЖЬ ХWӘНДЬНА КʹЬТЕБА ПИРОЗ?
Чь Дькарә Хwәндьна Кʹьтеба Пироз Мәрʹа Һʹәwас кә?
Нә һʹәwас ә? Йан һʹәwас ә? Хwәндьна Кʹьтеба Пироз сәва тә ча нә? Гәләк гьредайә ве йәкева һәла чаwа тö дьньһери сәр хwәндьне. Wәрен әм бьньһерьн, wәки чь лазьмә бькьн сәва кö һʹәwаса мә пешда бе.
Бьжберә wәлгәрандьна рʹаст у модерн. Һәрге тö дьхуни кʹьтебе кидәре кö гәләк хәбәред чәтьн у кәвьн һәнә, һәмьки wе тәрʹа нәһʹәwас бә бьхуни. Ләма жи бьжберә wәлгәрʹандьна Кʹьтеба Пирозә öса, йа кö бь зьмане һеса һатийә ньвисандьне у wе дьле тә бьгьрә. Хенщи wе йәке әw wәлгәрандьн гәрәке ль гора орижинале рʹаст бә.a
Техноложийа модерн бьдә хәбате. Иро Кʹьтеба Пироз нә кö тʹәне бь щуре нәшьркьри һәйә. Һьнә Кʹьтебед Пироз дькарьн бь онлайн бьхуньн йан жи сәр компотәре, таблете у сәр тʹелед мобил хwәрʹа бьдьнә кʹьшандьне. Һәрге тö пе wан формата Кʹьтеба Пироз бьхуни, мәщала тә wе һәбә, кö перʹа-перʹа рʹезед дьн жи бьньһерʹи, йед кö wе тʹемайева гьредайи нә, йан жи тö дькари wана бәрамбәри wәлгәрʹадьнед дьн бьки. Һәрге тö нахwази Кьтеба Пироз бьхуни ле хwәндьне бьбьһейи, һьнге тö дькари бь аудио хwәрʹа вехи. Гәләкарʹа хwәш те хwандьна Кʹьтеба Пироз бьбьһен чахе әwана транспортеда ньн, шьхöле мале дькьн йан жи тʹьштед дьнва мьжул ьн. Һун дькарьн һьнә жь wан метода бьдьнә хәбате, йед кö wәрʹа хwәш тен.
Һащәтед Кʹьтеба Пирозә сәва һинбуне. Әв һащәт дькарьн али тә бькьн, кö жь хwәндьне һе зедә кʹаре бьстини. Щәм мә һәйә хәритә йа Кʹьтеба Пироз, чь кö wе али тә бькә бьвини у бьди бәр чʹәʹве хwә әwан щийа у qәwьмандьна дәрһәqа кʹижана кö тö дьхуни. Готаред wи щурʹәй чаwа кö дь ве журналеда һәнә, öса жи дь ве пʹареда «Һинкьрьнед Кʹьтеба Пироз» йа кö ль сәр малпәра jw.org һәнә, дькарьн али тә бькьн мәʹна Кʹьтеба Пироз фәʹм ки.
Метода Хwәндьне Бьгöһезә. Һәрге тәрʹа чәтьн ә хwәндьне дәстпеки у һʹәта хьлазийе бәрдәwам ки, тö дькари һьнә пʹаред жь Кʹьтеба Пироз бьжбери кʹижан хут тәрʹа лазьм ьн у wана бьхуни. Әw wе һʹәwаса тә пешда бинә. Һерге тö дьхwази дәрһәqа мәрьвед навдар жь Кʹьтеба Пироз пебьһʹәси, тö дькари дәрһәqа wан бьхуни. Сәва ве йәке бьдә хәбате чаргошә «Һе Зедә Пебьһʹәсә Дәрһәqа Мәрьвед жь Кʹьтеба Пироз, у öса Хwәндьна Хwә Һʹәwас кә». Йан дьбәкә тö дьхwази Кʹьтеба Пироз тʹема пәй тʹема, йан qәwьмандьн пәй qәwьмандьна бьхуни. Тö дькари йәк жь wан метода бьжбери.
a Гәләк мәрьв дитьн кö «Wәлгәрандьна Дьнйа Тʹәзә йа Ньвисаред Пироз» wәлгәрандьнәкә рʹаст ә, у гәләк һеса йә сәва хwәндьне. Әв wәлгәрандьна Кʹьтеба Пироз Шәʹдед Йаһоwа дәрхьстьнә у әw ль сәр 130 зьмана зедәтьр һәйә. Тö дькари әве кʹьтебе жь малпәра jw.org хwәрʹа бьди кʹьшандьне йан жи бьди кʹьшандьне JW Кʹьтебханә app. Йан жи, һәрге дьхwази Шәʹдед Йаһоwа дькарьн кʹьтеба нәшьркьри биньн мала тә.