ТЕМА ЖЬ РУЙЕ ЖУРНАЛЕ | МӘЛӘКЕД ХWӘДЕ; ӘWАНА БЬ РʹАСТИ ҺӘНӘ?
Чаwа Мәләк Дькарьн Али Тә Бькьн
Мәләкед амьн дина хwә дьдьнә мәрийа у хәм дькьн, кö qьрара Йаһоwа биньн сери. Чахе Хwәде әʹрд әʹфьранд, мәләкед Хwәде «пʹәврʹа дьстьрийан у һʹәмуйа лаwен Хwәде . . . кʹефхwәшийева банг дькьрьн» (Ибо 38:4, 7). Нава qьрнада һʹәта ньһа, мәләк һьзрәт ьн «бьбиньн», кö чаwа пʹехәмбәрти дәрһәqа ахьрийе wе ль сәр әʹрде бе сери (1 Пәтрус 1:11, 12).
Кʹьтеба Пироз дьдә кʹьфше, кö мәләк щар-щара аликʹарийа лазьм дьданә хьзмәткʹаред рʹаст, сәва кö qьрара Хwәде биньн сери (Зәбур 34:7). Мәсәлә:
Чахе Йаһоwа сафи кьр бажаред Содом у Гоморайе кʹöта кә, мәләка али Луте амьн у малбәта wи кьрьн, сәва кö жь wе дәре бьрәʹвьн (Дәстпебун 19:1, 15-26).
Чахе дь Бабилонеда сафи кьрьн се хортед Ибрани бавежнә фьрна бь агьр у бькöжьн, Хwәде «мьлйакʹәте хwә шанд у qулен хwә йен кö пе әwлә бун хәлас кьрьн» (Данийел 3:19-28).
Чахе Данийеле амьн һатьбу авитьне чʹәʹла шера у тʹәмамийа шәве теда бу, әw карьбу хьлаз бә, чьмки чаwа әwи гот «Хwәдайе мьн мьлйакʹәте хwә шанд у дәве шеран гьртьн» (Данийел 6:16, 22).
Нава тʹәрихийеда мәләк гәләк щар али мәрьвед амьн дькьрьн
МӘЛӘКА ПЬШТГЬРИЙА МӘСИҺИЙЕД QЬРНА ЙӘКЕ ДЬКЬРЬН
Щар-щара, мәләкед Хwәде тʹәви шöхöлед щьвата Мәсиһийа дьбун, гава лазьм бу qьрара Йаһоwа биньн сери. Мәсәлә:
Мәләк дәргәһед кәле вәкьр у рʹебәрийа шандийа кьр, кö бәрдәwам кьн дь пʹарьстгәһеда мьзгинийе бәла кьн (Кʹаред Шандийа 5:17-21).
Мәләкәки рʹебәри Филипойе мьзгинван кьр, wәки һәрʹә сәр рʹе, кö жь Оршәлиме дьгьһиштә Хәззәйе, сәва кö дәрһәqа Хwәде тʹәви мәрьвәки Әтʹийупийайе хәбәр дә, йе кö бона һʹәбандьне дьчу Оршәлиме (Кʹаред Шандийа 8:26-33).
Чахе wәʹдә гьһишт кö нәщьһу бьбьнә Мәсиһи, мәләкәк сәрәскәре Рʹомайирʹа Корʹнелйорʹа хöйа бу у готә wи, кö Пәтрусе шанди тʹәглифи мала хwә кә (Кʹаред Шандийа 10:3-5).
Чахе Пәтрус кәледа гьрти бу, мәләк wирʹа хöйа бу у али wи кьр, сәва әw жь кәле дәркʹәвә (Кʹаред Шандийа 12:1-11).
ЧАWА МӘЛӘК АЛИ ТӘ ДЬКЬН
Иро тьштед öса тʹöнә, кö Хwәде бь кʹәрәмәти мәләкед хwә бьдә хәбате кö али мәрийа бькьн. Ле дәрһәqа wәʹде мә Иса гот: «Мьзгинийа Пʹадшатийе wе ль нав тʹәмамийа дьнйайе бе даннасинкьрьне, кö һʹәму мьләтарʹа бьбә шәʹдәти у һьнге хьлази wе бе» (Мәтта 24:14). Wә заньбу кö шагьртед Мәсиһ бь пьштгьрийа мәләка әви шьхöли пек тиньн?
Мәләк аликʹарийе дьдьн, кö мьзгинйа хере нав тʹәмамийа дьнйайеда бәла бә
Кʹьтеба Әʹйанти, әʹйан дькә кö мәләкед Хwәде wе бь дьл у щан нав тʹәмамийа дьнйайеда али мәрийа бькьн, кö дәрһәqа Йаһоwа Хwәде у qьрара wи йа сәва инсанәте, пебьһʹәсьн. Йуһʹәннайе шанди ньвиси: «Һьнге мьн дина хwә дайе, ва мьлйакʹәтәки дьн кö әʹзменда дьфьрʹи у Мьзгинийа wийә һʹәта-һʹәтайе һәбу, wәки wе Мьзгинийе бьдә йед рʹубари дьне, аwа готи һʹәму мьләта, бәрәка, зьмана у щьмәʹта. Wи бь дәнгәки бьльнд дьгот: ‹Жь Хwәде бьтьрсьн у шькьрийе бьдьнә wи, чьмки сьһʹәта диwанкьрьна wи перʹа гьһишт. Сәре хwә бәр wи дайньн, йе кö әʹрд у әʹзман, бәʹр у авед канийа әʹфьрандьнә›» (Әʹйанти 14:6, 7). Иро гәләк избати һәнә, кö мәләк нав тʹәмамийа дьнйайеда пьштьгьрийа шьхöлед бәлакьрьна мьзгинийе дькьн. Бь рʹасти чахе һәла һе гöнәкʹарәк тʹобә дькә у wәдьгәрʹә щәм Йаһоwа, «мьлйакʹәтед Хwәде . . . ша дьбьн» (Луqа 15:10).
Чь wе бьqәwьмә чахе шьхöле бәлакьрьна мьзгинийе бе тʹәмам кьрьне? Ордийед мәләка wе пьштгьрийа Иса Мәсиһ бькьн, кö һәйә Пʹадше Пʹадша. Әwана wе «шәрʹе wе Рʹожа Мәзьнә Хwәдейе Һʹәму Зорайийе» демәк Армагедонеда, шәрʹ бькьн (Әʹйанти 16:14-16; 19:14-16). Хöдан тʹәви мәләкед хwәйи qәwи wе диwана wан мәрийа бькьн, йед кö нахwазьн Хwәде нас кьн, у гöрʹа Мьзгинийа Хöдане мә Иса накьн (2 Тʹесалоники 1:7, 8).
Баwәр бә, кö мәләк хут дәрһәqа тә жи хәм дькьн. Әwана бь рʹасти жи хәм дькьн дәрһәqа һʹалхwәшийа wан, йед кö дьхwазьн Хwәдерʹа хьзмәт кьн. У Йаһоwа Хwәде жи тʹьме мәләка дьдә хәбате, сәва кö qәwи кә у бьпарезә хьзмәткʹаред хwәйә амьн (Ибрани 1:14).
Һәр кәс жь мә бәрбь бьжартьнәкә муһим сәкьнийә. Гәло әм гöһ дьдьнә мьзгинийе у qәбул дькьн, йа кö нав тʹәмамийа дьнйайеда бәла дьбә? Шәʹдед Йаһоwа жь мьһала wә, wе бь дьл у щан али wә бькьн, кö һун кʹаре бьстиньн жь аликʹарийа мәләкед Хwәдейи qәwи.