Wә Заньбу?

Гәло чьрʹа Иса сәр мәрьвед кö пʹарьстгәһеда һʹәйwан дьфьротьн, гот «qачах»?

КʹЬТЕБА Мәттада әм дьхуньн: «Иса кʹәтә пʹарьстгәһе у һʹәмуйед кö пʹарьстгәһеда тʹöщарәти дькьрьн дәрхьстьн. Тʹәхтед сәрафа у кʹöрсийед кәвоткфьроша wәлгәрʹандьн у готә wан: ‹Ньвисар ә: «Мала мьн мала дöа wе бе һʹәсабе», ле wә әw кьрийә ‹шкәфта qачаха›» (Мәт. 21:12, 13).

Документед тʹәрихийа Щьһуйа нишан дькьн, wәки йед кö пʹарьстгәһеда тʹöщарәти дькьрьн, һʹәйwан гәләк бьһа дьфьротьн. Мәсәлә, пешийе мәрьвед кʹәсиб дькарьбун кәвотк бькʹьрʹийана, чьмки гәләк әʹрзан бу. Ле документед бәреда, те готьне кö паше qьрʹна йәкеда баһе кәвотка öса бьльнд бу, кö мәрьв гәрәке 25 рʹожа бьхәбьтийана сәва дö кәвотк бькʹьрʹийана. Ле әw йәк нәһәqи бу, илаһи һьндава кʹәсиба (Qан. Кʹаһ. 1:14; 5:7; 12:6-8). Мамоста Симеон бән Гамалийил, гәләк һерс дькʹәт сәр ве йәке, у ләма һʹәсабед qöрбана кö мәрьв гәрәке бьанийана, кем кьр. Паши ве йәке, дәрберʹа баһе кәвотка гәләк кʹәт, у мәрьварʹа лазьм бу тʹәне 3 сьһʹәта бьхәбьтьн сәва кö дö кәвотка бькʹьрʹьн.

Бәле, мәрьвед кö пʹарьстгәһеда һʹәйwан дьфьротьн, гәләк тьма бун у тʹәне кʹара хwә дьгәрʹийан. Ләма жи Иса сәр wан гот, wәки әwана «qачах» ьн.