Кʹара Метода Даннасинкьрьна Тʹәзә
1. Әԝ щьватед мьһала кʹижанеда кӧ щийед ӧса сәва даннасинкьрьне дькʹәвьн, кʹидәре кӧ гәләк мәрьв тʹоп дьбьн, чьда һелан дьбьн?
1 Әԝ щьватед мьһала кʹижанада кӧ щийед ӧса сәва даннасинкьрьне дькʹәвьн, кʹидәре кӧ гәләк мәрьв тʹоп дьбьн, әԝана һелан дьбьн ԝәки ль ԝан щийа даннасин бькьн. У сәва ве йәке дькарьн бьдьнә хәбате тʹәхта кʹидәре кӧ әʹдәбйәта датиньн, йан жи стендед щигӧһастьне. Һәрге стендед щигӧһастьне тенә хәбьтандьне, һьнге ԛӧльхкʹарәк дькарә бәр стенде бьсәкьнә йан жи рʹуне. Ле бәр тʹәхтә, гәрәке дӧ ԛӧльхкʹар бьсәкьньн. Әԝед кӧ ль бәр стенда дьсәкьньн, гәрәке нәрм у һʹәвалһʹьз бьн. Һәрге кәсәк дьсәкьнә у дина хԝә дьдә стенде, һьнге йәк жь ԛӧльхкʹара дькарә хәбәрдане бь ван гьлийа дәстпекә: «Һун ԛә дьшьрмиш нәбунә, ԝәки Кʹьтеба Пироз дәрһәԛа ве йәке чь дьбежә?» Ле ԛӧльхкʹарәк йан дӧ ԛӧльхкʹаред дьн жи, гәрәке дина хԝә бьдьнә сәр стенде, һʹәта кӧ йе дьн нәформал даннасин дькә.
2. Гьли кьн ԛәԝьмандьнәке, йе кӧ дьдә кʹьфше ԝәки чьԛаси кʹар ә метода даннасинкьрьна ви щурʹәйи.
2 Метода даннасинкьрьнейә ӧса, кʹарәкә мәзьн ани, чьмки бь сайа ве йәке гәләк һинбунед Кʹьтеба Пирозә тʹәзә һатьбун дәстпекьрьне. Щаһьле жь Хԝәндгәһа Бьльнд сафи кьрьбу готарәке дәрһәԛа Шәʹдед Йаһоԝа лекьра, ле әԝе нькарьбу Ода Щьвате бьдита. Һʹәфтийа дьн әԝе дит, ԝәки бәр Хԝәндгәһа Бьльнд, кʹидәре кӧ әԝ һин дьбу, тʹәхта бь әʹдәбйәтед Шәʹдед Йаһоԝа һатьбу данине. Бь сайа ве йәке, әԝе һинбуна Кʹьтеба Пироз дәстпекьр. У ньһа жи әԝ ԛӧльхкʹаре ньхӧманди йә, у хԝәха бь ве методе даннасин дькә.
3. Һьнәка чь дьшьрмиш дьбьн дәрһәԛа ве метода даннасинкьрьне, кʹидәре кӧ гәләк мәрьв тʹоп дьбьн?
3 Хушкәк, йа кӧ бь метода ви щурʹәйи даннасин дькә, гьлийе ӧса дьбежә: «Һьнәка тенә бәр стенде, сәва кӧ журналед тʹәзә хԝәрʹа һьлдьн. Йед майин жи, ԛә дәрһәԛа Шәʹдед Йаһоԝа нәбьһистьнә. Әз дина хԝә дьдьм, ԝәки бь метода даннасинкьрьнейә ӧса, әм дькарьн бьгьһиньнә гәләк мәрийа». Ле хушкәкә дьн ӧса дьбежә: «Әв метода даннасинкьрьне, бь рʹастийе жи тьштәкә пʹьрʹ баш ә у кʹаре тинә, чьмки мәрьв незики тә дьбьн, һәла һе ԝи чахи жи һәрге һʹәԝаса ԝан ве йәкерʹа тʹӧнә».
4. Чьрʹа ԝе кʹар бә, һәрге әм тʹәхта йан жи стендед щигӧһастьне, һәр һʹәфти ԝәʹдәкида, у щики дайньн?
4 Кʹара ԝе даннасинкьрьне ԝе ԝи чахи һәбә, һәрге әм тʹәхта йан жи стентед щигӧһастьне, һәр һʹәфти ԝәʹдәкида, у щики датиньн. Ԝәʹдә шунда мәрьвед кӧ стенда дьвиньн, ида һини ве йәке дьбьн, әԝана һелан дьбьн незик бьн, пьрса бьдьн у әʹдәбйәта жи һьлдьн. Ле щьвата ԝә, даннасинкьрьна ви щурʹәйида ида кʹар дькә? Һәрге ӧса нә, дьбәкә те жи бькарьби ви щурʹәйи ԛӧльх ки, йа кӧ шабун у кʹаре тинә. Чьмки ӧса әм дәрһәԛа «Пʹадшатийа Хԝәде» әʹлам дькьн (Луԛа 9:60).