Рʹастийе Дәрһәԛа Иса, бь Хирәт Бәла Дькьн

Чахе әм заньн, ԝәки ча гәрәке рʹастийе дәрһәԛа Иса, мәрийарʹа бәла кьн, һьнге хирәта мә һе зедә дьбә. Иса һʹиме кәвьре әʹнишке йә, ль сәр кʹижани кӧ баԝәрийа рʹаст те авакьрьне (Әф. 2:20). Бейи ԝи, мәйе нькарьбуйа гӧмана жийине бьстанда (Кʹр.Шн. 4:12). Ләма жи гәләк фәрз ә, ԝәки һʹәмушк бьзаньбьн, дәрһәԛа рола Иса ԛәдандьна ԛьрара Хԝәдеда. Гәләка хәльфинә, жь бо һинкьрьнед кӧ нә ль сәр һʹиме Кʹьтеба Пироз ьн. Йазьх, ԝәки әԝана ԝе нькарьбьн бьстиньн ԝан һʹәму кʹәрәма, йед кӧ Хԝәде соз дьдә мәрьвед кӧ баԝәрийа хԝә Иса тиньн. Хирәта мә һьндава рʹастийе, ԝе мә һелан кә али мәрьвед һʹәлал бькьн ԝәки әԝана фәʹмкьрьна рʹаст дәрһәԛа Иса бьстиньн, дәрһәԛа һәләԛәтийа ԝи тʹәви Хԝәде, у рола ԝи дь ԛәдандьна ԛьрара Хԝәдеда. Ԝәʹде Евара Биранине, һуне бь хирәт бәла кьн рʹастийе дәрһәԛа Иса?