Тӧ Һазьри сәва Евара Биранине?

Әв йәк сала 33, 13 Нисане Д.М.-да ԛәԝьми. Иса заньбу ԝәки әԝ евара пашьн ә, у әԝ тʹәви шагьртед хԝәйә незик тʹоп бу. Әԝ гәрәке щара пашьн тʹәви ԝан Щәжьна Нане Шкәва дәрбаз кьра, у щәжьна тʹәзә жи кʹьфш кә, демәк Евара Биранина Хӧдан. Һәмьки сәва ԛәԝьмандьна ӧса фәрз, һазьрбун лазьм бу. Ләма жи Иса шагьртед хԝә Пәтрус у Йуһʹәнна дьшинә, ԝәки әԝана бона ве йәке һьнә тьшта һазьр кьн (Луԛа 22:7-13). Анәгори ве йәке, Мәсиһийед кӧ Евара Биранине һәр сал дәрбаз дькьн, гәрәке рʹьнд хԝә сәва ве ԛәԝьмандьне һазьр кьн (Луԛа 22:19). Чь һьнә тьшт әм гәрәке бькьн, сәва кӧ һазьр бьн бона Евара Биранине, йа кӧ ԝе 3 Нисане дәрбаз бә?

Һазьрбуна Рʹуспийа:

• Һәрге сәва ве ԛәԝьмандьне һуне Ода Щьвате, йан жи авайе дьн бьдьнә хәбате, һьнге гәрәке пешда әве йәке сафи кьн. Ль ԝьр гәрәке епʹещә щи сәва һәр кәса һәбә, ӧса жи шәԝԛ у винтиласийа баш һәбә. Щийе дәрбазкьрьна ве ԛәԝьмандьне гәрәке пешда бе һазьркьрьне у тʹәмьзкьрьне.

• Сәва готаре, хәбәрване щерʹьбанди бьжберә, ӧса жи бәрпьрсийаре бәрнаме у бьред кӧ пешийа дәрбазкьрьна симбола ԝе дӧа бькьн.

• Һәрге дь авайида чәнд бәрнама дәрбаз дьбьн, һьнге кʹьфш кә әԝ ԝәʹдә ԝәки кʹәнге гәрәке бькʹәвьнә авайе у жь ԝи дәрен, ӧса жи хәм кьн дәрһәԛа щийе сәкьнандьна авта.

• Бьжберә ԝан бьра йед кӧ ԝе сәва бәлакьрьна симбола щабдар бьн, ӧса жи мевана дәрбаз кьн щийе ԝан.

• Пешда һазьр кә симбола, тʹәваха, истәганед сәва шәраве, у сьфра лайиԛ сәва ве ԛәԝьмандьне.

Һазьрбуна Ԛӧльхкʹара:

• Бь тʹәмами дь кампанийа Евара Биранинеда кʹар бькьн.

• Хԝәрʹа бьньвисьн дәрһәԛа ԝан мәрьва тʹәви кʹижана кӧ һинкьрьна Кʹьтеба Пироз дәрбаз дькьн, бьра-пьзмама, һәвала, һәвал-хәбаткʹара у насед дьн, сәва кӧ ԝана тʹәглиф кьн.

• Бьхуньн у дьшьрмиш бьн ль сәр хԝәндьна рʹезед Кʹьтеба Пироз ԝәʹде Евара Биранине.

• Ԝәрә ль сәр Евара Биранине у һазьр бә сьлав ки һʹәму мәрьвед кӧ тен.