Хәбьтандьна Брошуре «Чь Әм Дькарьн Һин Бьн жь Хәбәра Хԝәде»; Дәстпекьрьна Хәбәрдане
1. Кʹижан һʹащәта тʹәзә бона даннасинкьрьне, мә сьтанд?
1 Ча әм дькарьн әве һʹащәта тʹәзә бьдьнә хәбате, чахе бона даннасинкьрьне пешанине һазьр дькьн? Дь ван һәр тʹема Кʹьтеба Пирозда рʹез һәнә, чаԝа дь кʹьтеба «Шеԝьркьрьнеда» һәйә у әԝ дькарә гәләк керһати бә ԝәки хәбәрдане дәстпекьн.
2. Ча әм дькарьн дь даннасинкьрьнеда брошура «Чь Әм Дькарьн Һин Бьн жь Хәбәра Хԝәде», бьдьнә хәбате?
2 Мәсәлә тӧ дькари бьди хәбате пьрса 8 у бежи: «Әм иро тенә бал мәрийа, чьмки гәләк мәрьв дьшьрмиш дьбьн, ‹Гәло Хԝәде йә нәһәԛ кӧ мәрьв дьчәрчьрьн?› [Дь һьнә тʹериторийада һе баш ә ԝәки хԝәйе малерʹа пьрсе нишан ки.] Ле һун ча дьшьрмиш дьбьн? [Һивийе бә бьра щаба хԝә бьдә.] Кʹьтеба Пироз щаба ԝе пьрсе дьдә». Бьхунә у шеԝьр кә йәк йан һе зедә рʹез жь Кʹьтеба Пироз жь ԝе тʹеме. Һәрге хԝәйе мале һʹәԝаса хԝә дьдә кʹьфше, тӧ дькари ԝирʹа пьрса 20 вәки у нишан ки пьрсед кӧ ԝедәре һәнә, у бьра бьжберә пьрсәк, ԝәки ԝәʹде сәрледана дӧбарә тӧ тʹәви ԝи шеԝьр ки. Йан жи дькари бьди әʹдәбйәта бона һинбуне кʹидәре кӧ һе зедә информасйа һәйә дәрһәԛа ԝе тʹемә, йа кӧ ԝә шеԝьр кьрийә.
3. Әм ча дькарьн бьдьнә хәбате брошура «Чь Әм Дькарьн Һин Бьн жь Хәбәра Хԝәде», сәва кӧ дәстпекьн хәбәрдане тʹәви ԝан мәрийа, рʹелигийа кʹижана кӧ нә йа мәсиһти йә?
3 Пьрсед 4 у 13 һʹәта 17, дькарьн гәләк керһати бьн чахе даннасин дькьн дь ԝан мьһалада кʹидәре кӧ религийа мәрийа, нә йа мәсиһти йә. Мәсәлә, тӧ дькари бьди хәбате информасйа жь пьрса 17 у бежи: «Әм иро хәбәр дьдьн тʹәви малбәта. Дьхԝазьн жь ԝә пьрс кьн, һун ԛайил ьн кӧ малбәт иро рʹасти гәләк чәтьнайа те? [Һивийе бә бьра щаба хԝә бьдә.] Сәва гәләк щотед зәԝьщи әван гьлийе һан гәләк керһати бун: «Жьн жь мере хԝә хоф бькә [ԛәдьр бьгьрә, ДТʹ]» [Әʹсәйи нинә әван гьлийа жь Әфәси 5:33 нишан ки. Һәрге тӧ тʹәви кʹӧлфәте хәбәр дьди тӧ дькари бь әзбәри бежи гьлийе жь Әфәси 5:28.] Ча һун дьшьрмиш дьбьн, хәбьтандьна әԝе ширәте дькарә керһати бә бона зәԝаще?»
4. Тӧ чь дькари бьки хьлазийа хәбәрдана хԝә, чахе хәбәр дьди тʹәви мәрьви кӧ дь религийа мәсиһтида нинә?
4 Хьлазийа хәбәрдана хԝә, һʹим дайнә сәва кӧ щарәкә дьн шеԝьркьрьне бәрдәԝан ки. Тӧ дькари сафи ки ԝәки хәбәрди дәрһәԛа рʹезед дьн, жь ԝе пьрсе кӧ тә дайә хәбате. Ԝәʹде хԝәда хԝәйе малерʹа бьдә кʹьфше кӧ әԝ хәбәред билан, кʹижани тә ԝирʹа гьли кьр, жь Кʹьтеба Пироз ьн. Ль сәр һʹиме шеԝьркьрьна хԝә тʹәви мәрьви у ль сәр һʹиме ньһерʹандьна ԝи дәрһәԛа Кʹьтеба Пироз, дькари әԝе әʹдәбйәте ԝирʹа бьһели, йа кӧ бь дьшьрмишбуна тә сәва ԝи лазьм бә. (Бьньһерʹә «Ԛӧльхькьрьна Мәйә Пʹадшатийе» йа мәһа Кануна Пешьн, сала 2013 (ru).)