«Qәдре Де-Баве Хwә Бьгьрә»

Чахе Иса ль сәр әʹрде бу, әw дина хwә да ве тʹәмийе «qәдьре де-баве хwә» бьгьрә (Дркʹ. 20:12; Мт. 15:4). Иса дькарьбу бь сәрбәстийе әве йәке бежә, чьмки әw хwәха «гöрʹа» де-баве хwәда бу (Лq. 2:51). У чахе әw мәзьн бу, хәм кьр, кö паши мьрьна wи жи, кәсәк мьqати дийа wи бә (Йн. 19:26, 27).

Иро жи, Мәсиһийед щаһьл гöрʹа де-баве хwә дькьн у qәдре wан заньн. Һәмьки әв тʹәми тʹö щар wе нәйе гöһастьне. Һәла чахе де-бав кал-пир бунә жи, әм гәрәке qәдьре wан бьзаньбьн у жь сәрwахтийа wан һин бьн (Мтʹл. 23:22). Әм öса жи гәрәке алийе емосийалида у пʹәрада дәрһәqа һʹәwщед де-бавен хwәйи әʹмьрда мәзьн, хәм бькьн (1 Тим. 5:8). Фьрqи тʹöнә әм щаһьл ьн йан әʹмьрда мәзьн ьн, әм гәрәке һәләqәтийа баш тʹәви де-баве хwә хwәй кьн, чьмки öса әм qәдьр дьдьнә кʹьфше.

БЬНЬҺЕРʹӘ ВИДЕОЙА АНИМАСЙОНЕ «ЧАWА ТʹӘВИ ДЕ-БАВЕ ХWӘ ХӘБӘР ДЬМ?» У ПАШЕ ЩАБА WАН ПЬРСА БЬДӘ:

• Чьма тәрʹа чәтьн ә, де-баве хwәрʹа хәбәр ди?

• Чаwа тö дькари qәдьр һьндава де-баве хwәда бьди кʹьфше, чахе wанарʹа хәбәр дьди?

  

• Чьма һежайи йә qәwате бьдьнә хәбате, сәва кö де-баве хwәрʹа хәбәр ди? (Мтʹл. 15:22)