МИНА ИСА БЬЖИН
Чаԝа бь Бәлавока, Хәбәрдане Дәстпекьн
Дәстпебуйи жь мәһа Чьләйе сала 2018, Бәрнама Щьвинеда «Мина Иса Мәсиһ Бьжин у Хьзмәт кьн» сәр рʹупʹела пешьн һәнә щурʹед бәлакьрьна мьзгинийе. Әв йәк мә һелан дькә һе зедә бьфькьрьн, кӧ чаԝа тʹәви мәрийа хәбәр дьн, нә кӧ тʹәне әʹдәбйәта ԝанрʹа бьһельн. Һьнә видео һатьнә чекьрьне, кʹидәре те нишанкьрьне, ԝәки ча әм дькарьн тʹәне бь Кʹьтеба Пироз хәбәрдане дәстпекьн. Әв али хьзмәткʹара дькә, ԝәки пешанина хԝә һьнәки бьгӧһезьн. Гәло әв те һʹәсабе, ԝәки әм гәрәке әʹдәбйәта нәдьнә хәбате, гава мал бь мал даннасин дькьн? Һәмьки на! Мәсәлә, бь сайа бәлавока әм дькарьн хәбәрдане, рʹьнд дәстпекьн. Әм дькарьн методед жере дайи бьдьнә хәбате, чахе бәлавока бәла дькьн:
Пьрсе бьдә, кʹижан кӧ сәр рʹуйе бәлавоке һатийә дайине.
Нишан кә щаба Кʹьтеба Пироз жь рʹезе, кӧ сәр рʹупʹела дӧда һатийә дайине. Һәрге ԝәʹдә дәст дьдә, бьхунә у шеԝьр кә һьнә әʹламәти жь бәлавоке.
Бәлавоке бьдә хԝәйе мале, у әԝ һелан кә, ԝәки әԝ хԝәха паше бьхунә.
Пешийа чуйине, нишан кә пьрса жь чаргоше «Дәрһәԛа ве йәке Бьфькьрьн» у бежә кӧ щарәкә дьн, һуне щаба ве пьрсе бь Кʹьтеба Пироз шеԝьр кьн.
Чахе тӧ щара дӧда сәрледана ви мәрьви бьки, щабе шеԝьр кә у диса пьрсәкә вәкьри бьһелә бона щарәкә дьн. Тӧ дькари пьрсе бьжбери жь малпәра мә йан жь ве әʹдәбйәте, кӧ сәр рʹупʹела пашьн һатийә дайине. Чахе ԝәʹдә дәст дьдә, нишан кә брошура «Мьзгинийа Хԝәде сәва Мәрийа», йан жи әʹдәбйәтәкә бона һинбуне бьдә хәбате.