Кани бона «Бәрнама Щьвине, Бьжин у Хьзмәт кьн»
3-9 СЬБАТЕ
ФЬКЬРЬЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 12-14
«Пәймана кӧ сәр Тә Һʹӧкӧм Дьбә»
(Дәстпебун 12:1, 2) Хӧдан Абрамр′а гот: «Жь ԝәлате хԝә, жь пьсмамед хԝә у жь мала баве хԝә бьԛәтә р′абә һәр′ә ԝи ә′рде кӧ әзе нишани тә кьм. 2 Әзе тә бькьмә мьләтәки мәзьн, дӧа ль тә бькьм, наве тә мәзьн кьм у те бьмбарәккьри би.
it-1 522 ¶4
Пәйман
Пәймана Тʹәви Бьраһим. Дьԛәԝьмә пәймана тʹәви Абрам (Бьраһим) кʹәтә ԛәԝате чахе әԝ бәрбь Кәнане дьчу у Фьратва дәрбаз бу. Пәймана ԛануне һатә гьредане 430 сал шунда (Гл. 3:17). Йаһоԝа т′әви Бьраһим хәбәр да, гава әԝ ль Мезопотамйайе бажаре Урда дьжит. Хԝәде готә ԝи, ԝәки һәрʹә ви әʹрди, кʹидәре әԝе ԝи бьшинә (Кʹр.Шн. 7:2, 3; Дсп. 11:31; 12:1-3). Дәркʹәтьн 12:40, 41-да (LXX) те готьне, ԝәки щьмәʹта Исраеле кʹижан кӧ әʹрде Мьсьреда у Кәнанеда 430 жит, «һәма ԝе» р′оже жь дилтийа Мьсьре дәркʹәтьн. Демәк щьмәʹта Ибрани 14 Нисане сала 1513 Б.Д.М-да дәркʹәтьн у ве рʹоже дәстпекьрьн Щәжьна Дәрбазбуне кʹфьш кьн (Дркʹ. 12:2, 6, 7). Әв йәк избат дькә, ԝәки Бьраһим 14 Нисане сала 1943-да Б.Д.М чʹәме Фәратва дәрбаз бу. Кʹьфш ә һәма һьнге пәймана ортʹа Йаһоԝа у Бьраһим кʹәтә ԛәԝате. Чахе Бьраһим гьһиштә Шәкәме ль әʹрде Кәнанеда, Хԝәде диса щарәке ԝирʹа әʹйан бу у созе хԝә зедә кьр: «Әзе ви ԝәлати бьдьмә зӧр′әта тә». Бь ве йәке Хԝәде да кʹьфше һәвгьредана орʹта пәймана Бьраһим у созе кӧ Еденеда һатьбу дайине. У да кʹьфше, ԝәки «зӧр′әт» ԝе жь хәза мәрьва пешда бе (Дсп. 12:4-7). Ԝәʹдә шунда Йаһоԝа диса тьштед дьн сәр ве пәйманеда зедә дькьр (Дсп. 13:14-17; 15:18; 17:2-8, 19; 22:15-18).
(Дәстпебун 12:3) Йед кӧ дӧа ль тә бькьн, әзе дӧа ль ԝан бькьм у йәки кӧ тә беһӧрмәт кә, әзе ньфьр′а ль ԝи бькьм. Бь тә дӧайе ль һ′әму бәрәкед дьнйайе бьбә».
ԝ89 1/7 3 ¶4
Чьрʹа Фәрʹз ә Рʹастийа Дәрһәԛа Бьраһим Бьзаньбьн
Дәрһәԛа ԝи сози Бьраһим дӧ дәрәщед дьнда жи бьһистьбу (Дәстпебун 18:18; 22:18). Хԝәде сәва кӧ созе хԝә бинә сери, ԝе һәла һе зӧрʹәтед ван ԛәбила жи, жь мьрьне рʹакә, йед кӧ ида тʹӧнә нә. Бона ԝан мәрьвед кӧ жь мьрьне рʹабьн, әʹмьр ԝе бь рʹасти жи кʹәрәмәкә мәзьн бә, чьмки ниве зәʹф ԝе жь мьрьне рʹабьн сәва сәр әʹрде бьжин, чаԝа кӧ сәре-серида Хԝәде мәрьварʹа ԛьрар кьрьбу. Паши ве йәке әԝана ԝе бенә һинкьрьне, кӧ чаԝа бьгьһижнә кʹәрәмед әʹмьре һʹәта-һʹәтайе (Дәстпебун 2:8, 9, 15-17; 3:17-23).
(Дәстпебун 13:14-17) Гава Лут жь Абрам ԛәтийа, Хӧдан Абрамр′а гот: «Ньһа сәре хԝә бьльнд кә у жь ви щийе кӧ тӧ ле сәкьнийи, ль бакӧр, башуре у ль р′оһьлат, р′оавайе бьньһер′ә, 15 чьмки ԝи ԝәлате кӧ тӧ дьбини, әзе һ′әта-һ′әтайе бьдьмә тә у зӧр′әта тә. 16 Әзе зӧр′әта тә бькьмә ԝәкә т′оза ә′рде. Һәгәр йәк бькарьбә кӧ т′оза ә′рде бьжмьрә, ԝе зӧр′әта тә жи бькарьбә бьжмьрә. 17 Р′абә ль сәр у бьне ԝи ԝәлати ль һәв дә. Чьмки әзе ԝи бьдьмә тә».
it-2 213 ¶3
Ԛанун
Сәр һʹиме избатийед тʹәрихийе, һьнә зандар дьбежьн, ԝәки чахе мәрьвәки дьхԝәст әʹрд бькʹьрʹә, әв әʹрд ԝирʹа жь бьльндщиһ нишан дькьрьн, жь кидәре әԝи дькарьбу ви әʹрди ча лазьм ә бьвинә. Жь бьльндщиһ, синоред ви әʹрди дьһа баш дьһатьнә кʹьфше. Чахе бькʹьрчи дьгот: «Әз дьвиньм», бь ԝан гьлийа әԝи әв пәйман ԛануни дькьр. Чахе Йаһоԝа соз да Бьраһим, ԝәки әԝ ԝе әʹрде Кәнане ԝар бә, пешийе ԝирʹа һатә готьне кӧ дина хԝә бьдә чар ԛӧлбед дьне. Дьԛәԝьмә жь бо ве йәке, Бьраһим нәгот: «Әз дьвиньм», чьмки Хԝәде соз дабу ԝи, ԝәки ԝе Әʹрде Создайи бьдә зӧрʹәта ԝи һьнәк ԝәхт шунда (Дсп. 13:14, 15). Чаԝа рʹебәре фәрми йа Щьмәʹта Исраеле, Мусарʹа һатьбу готьне, ԝәки дина хԝә бьдә әʹрде. Һәрге әв фькьра кӧ жоре һатә готьне рʹаст ә, демәк әв дьһатә һʹәсабе ԝәки әв әʹрде кӧ Муса дина хԝә дайе ԝе бь ԛануни бьбуйа ԝаре Исраелйа; ԝана ԝе бьн сәрԝерийа Йешуда әв әʹрд зәфт кьрана (Ԛн.Дщ. 3:27, 28; 34:4; ӧса жи бьньһерʹьн кӧ чь щурʹәйи Шәйтʹан, Иса щерʹьбанд Мт. 4:8). Чахе әԝ мәрьве кӧ әʹрд дьньһерʹи у паше сәр ви әʹрдирʹа дәрбаз дьбу, кӧ бькә ԝаре хԝә, бь ве йәке әԝи дьда кʹьфше, ԝәки бь ԛануни әв әʹрде ԝи йә (Дсп. 13:17; 28:13). Бәре һьнә документада кʹьфш дькьрьн, ԝәки сәр ви әʹрди йе кӧ гәрәке бьһата фьротане, чьԛас бах һәнә (Бьньһерʹә Дсп. 23:17, 18).
Хьзна К′ьтеба Пироз Бьгәр′ьн
(Дәстпебун 13:8, 9) Абрам готә Лут: «Т′әԝаԛа мьн ль тә һәйә, бьра ль нава мьн у тәда у ль нава шьванед мьн у шьванед тәда дьлмайин нәк′әве, чьмки әм бьра нә. 9 Ва йә, т′әмамийа ԝәлат ль бәр тә йә. Әз һиви дькьм жь мьн бьԛәтә. Һәгәр тӧ һәр′и алийе ч′әпе, әзе һәр′ьмә алийе р′асте, һәгәр тӧ һәр′и алийе р′асте, әзе һәр′ьмә алийе ч′әпе».
ԝ16.05 5 ¶12
Чәтьнайед нав Һәвда бь Һʹьзкьрьн Сафи кьн
12 Кʹьтеба Пирозда те гьликьрьне, кӧ хьзмәткʹаред Хԝәде чаԝа бь әʹдьлайе чәтьнайед ортʹа һәвдӧ сафи дькьрьн. Мәсәлә, шеԝьр кьн дәрәщәке кӧ ортʹа Бьраһим у Лутда ԛәԝьми. Һʹәйԝанед һәрда жи гәләк һәбун. У ләма дьԛәԝьмә шьванед һʹәйԝанед ԝан, бона әʹрд һәврʹа дькʹәтьнә дәʹԝе. Бьраһим дьхԝәст әʹдьлайи хԝәй кьра, ләма әԝи Лутрʹа гот, кӧ пешийе Лут хԝәрʹа бьжберә әʹрде баш, кʹидәре кӧ мал у һʹәму һәбука ԝи щиԝар буйа (Дәстп. 13:1, 2, 5-9). Бь рʹастийе мәсәләкә чьԛас баш ә! Бьраһим әʹдьлайи дьгәрийа, нә кӧ кʹара хԝә. Ле гәло Бьраһим жь бо мәрданийа хԝә зьраре кʹәт? Тʹӧ щар на! Дәрбера, һәма паши ве дәрәща тʹәви Лут, Йаһоԝа кʹәрәмед гәләк мәзьн соз да Бьраһим (Дәстп. 13:14-17). Әм жь ве йәке чь һин дьбьн? Йаһоԝа тʹӧ щар ԝе наһелә кӧ әм зьраре кʹәвьн, сәва ве йәке кӧ әм пе принсипед Кʹьтеба Пироз чәтьнайед ортʹа һәвдӧ сафи дькьн.
(Дәстпебун 14:18-20) Һьнге п′адше Шәлиме Мәлк′и-Садьԛ, нан у шәраб дьреж кьре, әԝ к′аһине Хԝәдейе Жорьн бу. 19 Әԝи дӧа ль Абрам кьр у гот: «Бьра бьмбарәк бә Абрам жь алийе Хԝәдейе Жорьн, хԝәйе ә′рд у ә′зменда, 20 у шькьр жь Хԝәдейе Жорьнр′а, кӧ дьжмьнед тә данә дәсте тә». У Абрам жь һәр тьшти дәһәк да Мәлк′и-Садьԛ.
(Ибрани 7:4-10) Аԝа дина хԝә бьдьне, кӧ әԝ йәки чаԝайи мәзьн бу, кӧ Бьраһиме бавә′шир жи жь т′ален дәһәк дайе. 5 У зӧр′әта Леԝийә кӧ дьбьнә к′аһин, бона ԝан т′әми Ԛанунеда һәйә кӧ жь щьмә′те дәһәке бьстиньн, аԝа готи жь мьләте хԝә, һәгәр әԝ бәдәна Бьраһим ьн жи. 6 Ле Мәлк′и-Садьԛ нә жь р′ьк′ьнйата Леԝи бу, әԝи жь Бьраһим жи дәһәк станд у дӧа ль ԝи кьр, йе кӧ жь Хԝәде соз стандьбу. 7 Әва йәка фә′мдари йә, кӧ йе бьч′ук жь йе мәзьн дӧа-дьрозга дьстинә. 8 Ви алийе к′аһинтийеда, мәрьвед кӧ дьмьрьн дәһәке дьстиньн, ле алийе Мәлк′и-Садьԛ, йе кӧ дәһәке дьстинә бона ԝи ньвисар дьбежә, кӧ әԝ сах ә. 9 У һ′әта әм дькарьн ве йәке жи бежьн, Леԝийе кӧ зӧр′әта ԝи дәһәке һьлдьдә, ԝи хԝәха жи бь дәсте Бьраһим дәһәк да Мәлк′и-Садьԛ. 10 Чьмки әԝ һе бәдәна баве хԝәда бу, гава Мәлк′и-Садьԛ пешийа ԝида чу.
it-2 683 ¶1
Кʹаһин
Мәлкисәдәк пʹадше Шәлиме, кʹаһинәки (кʹоһен) мәхсус бу. Кʹьтеба Пирозда дәрһәԛа әʹсле ԝи, буйина ԝи у мьрьна ԝи тʹӧ тьшт найе готьне. Әԝи сәрәккʹаһинти жь кал-баве хԝә нәстандьбу у тʹӧ кәси дәԝса ԝи нәгьрт. Мәлкисәдәк һьм кʹаһин бу һьм жи пʹадша. Кʹаһинтийа ԝи жь кʹаһинтийа Леԝийа бьльндтьр бу, чьмки Леԝийа ча бежи дәһәк да Мәлкисәдәк бь ве йәке, гава Бьраһим дәһәк да ԝи у кʹәрәм жь ԝи станд; һьнге Леԝийи һәла һе чаԝа зурʹәта Бьраһим нәһатьбу буйине (Дсп. 14:18-20; Ибр. 7:4-10). Ве дәрәщеда Мәлкисәдәк сийа Иса Мәсиһ бу, у дәрһәԛа Иса те готьне: «Һ′әта-һ′әтайе к′аһин и, мина Мәлк′и-Садьԛ» (Ибр. 7:17).
Хԝәндьна Кʹьтеба Пироз
(Дәстпебун 12:1-20) Хӧдан Абрамр′а гот: «Жь ԝәлате хԝә, жь пьсмамед хԝә у жь мала баве хԝә бьԛәтә р′абә һәр′ә ԝи ә′рде кӧ әзе нишани тә кьм. 2 Әзе тә бькьмә мьләтәки мәзьн, дӧа ль тә бькьм, наве тә мәзьн кьм у те бьмбарәккьри би. 3 Йед кö дöа ль тә бькьн, әзе дöа ль wан бькьм у йәки кö тә беһöрмәт кә, әзе ньфьр′а ль wи бькьм. Бь тә дöайе ль һ′әму бәрәкед дьнйайе бьбә». 4 Чаԝа кӧ Хӧдан готә Абрам әԝ р′абу р′ек′әт, Лут жи т′әви ԝи р′абу чу. Гава Абрам жь Һ′аране дәрк′әт, әԝ һ′әфте пенщ сали бу. 5 Абрам р′абу жьна хԝә Сарайи, бьразийе хԝә Лут, һ′әму һәбука хԝәйә ԛазьнщкьри у һ′әму нәфсед хԝәйә Һ′аранеда һьлдан кӧ һәр′ә ԝәлате Кәнане. У әԝ чунә ԝәлате Кәнане. 6 Абрам ԝи ԝәлатир′а дәрбаз бу, чу һ′әта Шьхәме, һ′әта дара мә′зейә Морәһ. Һьнге кәнани ль ԝи ԝәлатида дьман. 7 Ле һьнге Хӧдан Абрамва хӧйа бу у готе: «Әзе ви ԝәлати бьдьмә зӧр′әта тә». Һьнге Абрам, ль ԝи щийе кӧ Хӧдан ԝива хӧйа бу, горигәһәк чекьр. 8 Абрам жь ԝьр чу ч′ийайе алийе р′оһьлата Бет′-Еле, коне хԝә ӧса лехьст, кӧ Бет′-Ел к′әтә р′оавайе, ле Ә′й к′әтьбу р′оһьлате. У ль ԝьр Хӧданр′а горигәһәк чекьр у гази наве Хӧдан кьр. 9 Абрам бәрә-бәрә хԝә ль Нәщәфе дьгьрт дьчу. 10 У ль ԝи ԝәлатида бу хәлайи, Абрам бәржери Мьсьре бу, кӧ ль ԝьр фьрари бьминә, чьмки ль ԝи ԝәлатида хәлайикә зор бу. 11 Гава әԝ незики Мьсьре бу, жьна хԝә Сарайир′а гот: «Ва йә, әз заньм кӧ тӧ жьнәкә бәрбьч′ә′вә бәдәԝ и, 12 гава мьсьри тә бьбиньн, ԝе бежьн: ‹Әва жьна ԝи йә›, ԝе мьн бькӧжьн у тә сах бьһельн. 13 Ԝәрә ве ԛәнщийе бькә, бежә кӧ тӧ хушка мьн и, ԝәки бона хатьре тә мьнр′а ԛәнщи же бе у пе тә әз сах бьминьм». 14 Гава Абрам к′әтә Мьсьре, мьсьрийа дитьн кӧ әԝ к′ӧлфәта чьԛаси бәдәԝ бу. 15 Ԝәзир-ԝәк′илед Фьрәԝьн жи әԝ дитьн у пәсьне ԝе бәр Фьрәԝьн дан у Сарайи бьрьнә мала Фьрәԝьн. 16 Әԝи бона хатьре Сәрайийе ԛәнщи ль Абрам кьр у Абрам бу хԝәйе пез, деԝер, к′әр, хӧлам, щари, к′әред ме у дәва. 17 Ле бона жьна Абрам Сарайе, Хӧдан ԛәзиед гьран анинә сәре Фьрәԝьн у мала ԝи. 18 Һьнге Фьрәԝьн гази Абрам кьр у готе: «Әв тә чь ани ль сәре мьн? Тә чьма мьнр′а нәгот, кӧ әва к′ӧлфәта тә йә? 19 Тә бона чь гот: ‹Әва хушка мьн ә?› Мьн иди әԝ хԝәр′а чаԝа жьн дьстанд. Ле ньһа р′абә жьна хԝә һьлдә у һәр′ә!» 20 Һьнге Фьрәԝьн т′әмийа ԝи да мәрьвед хԝә, ԝана Абрам у жьна ԝи, һәбука ԝанва вәр′екьрьн.
10-16 СЬБАТЕ
ФЬКЬРЬЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 15-17
«Чьма Йаһоԝа, Наве Абрам у Сарайе Гӧһаст?»
(Дәстпебун 17:1) Чахе Абрам нод нәһә сали бу, Хӧдан Абрамва хӧйа бу у готе: «Әз Хԝәдейе Һәри Зор ьм, р′ийа мьнда һәр′ә у беләк′ә бә.
it-1 817
Гӧнәкьрьн
Әм заньн ԝәки мәрьв бь ԛӧсур ә, у әԝ нькарә бь кьред хԝә тʹьме сәрфьраз бә. Чьмки гӧнә у шаши к′ижан кӧ әм дькьн, жь Адәм дәрбази сәр мә бунә (Р′м. 5:12; Зб. 51:5). Ле Йаһоԝа, Хԝәдайе к′амьл у рʹәʹм ә, «чьмки Әԝ занә мәйа мә у бир тинә кӧ әм хали нә» (Зб. 103:13, 14). Дәрһәԛа Нӧһ Хԝәде гьлийе ӧса гот: «Мәрьвәки р′аст» у амьн (Дсп. 6:9). Ле Бьраһимрʹа Йаһоԝа гот: «Р′ийа мьнда һәр′ә у беләк′ә бә» (Дсп. 17:1). Рʹаст ә әԝ мәрьв гӧнәкʹар бун у ԝәʹдә шунда мьрьн, ле диса жи Йаһоԝа кʹижан кӧ «ль дьл дьнерә» ԝана һʹәсаб кьр ча мәрьвед амьн у рʹаст (1 См. 16:7; бәрамбәри һәв кә тʹәви 2 Пʹд. 20:3; 2 Др. 16:9). Йаһоԝа фәрман да Исраелийа: «Ле тӧ бәр Хӧдан Хԝәдейе хԝә к′амьл бә» (Ԛн.Дщ. 18:13; 2 См. 22:24). Йаһоԝа Кӧрʹе хԝәйи кʹамьл бона мә бәрва да (Ибр. 7:26) чаԝа кʹьрин, у ль сәр һʹиме ве йәке әԝе ԝан мәрийа һʹәсаб кә ча йед «амьн» у «беләкʹ ә», кʹижан кӧ баԝәрийа хԝә һьндава ԝида дьдьнә кʹьфше. Чь жи һәбә, Хԝәде тʹьме Һакьме рʹаст у кʹамьл ә (Рʹм. 3:25, 26); бьньһерʹә АМЬНИ; КʹАМЬЛИ.
(Дәстпебун 17:3-5) Абрам дәвәр′уйа чу. Хԝәде хәбәрда у гот: 4 «Ва йә пәймана мьн т′әви тә йә: Те бьби баве гәләк мьләта. 5 Иро шунда наве тә нә Абрам бә, ле Бьраһим, чьмки әз тә дькьмә баве гәләк мьләта.
it-1 31 ¶1
Бьраһим
Бьраһим у Сәра ԝәкә дәһ сала Кәнанеда ман, ле диса жи Сәрайе зарʹ нәдьани. Ләма жи әԝе готә Бьраһим, ԝәки щарийа ԝе Һащәре жьнти хԝәрʹа бинә, кӧ жь ԝе зарʹ ԝанарʹа бьбә, у Бьраһим ԛайил бу. Сала 1932 Б.Д.М, чахе Бьраһим 86 сали бу, Исмайил һатә буйине (Дсп. 16:3, 15, 16). Чәнд сал дәрбаз бун, у сала 1919-да Б.Д.М чахе Бьраһим 99 сали бу, Йаһоԝа фәрман да, ԝәки һʹәму меред мала Бьраһимда бенә сьнәткьрьне. Әв ча бежи нишан у моркьрьн бу кӧ избат дькьр, ԝәки Йаһоԝа тʹәви ԝи пәйман гьреда йә, кʹижан кӧ һәлаԛәтийа ԝан ԛәԝи дькьр. Һәма һьнге Йаһоԝа сәр һʹиме созе хԝә, наве Абраһам гӧһаст у дани Бьраһим у готе: «Чьмки әз тә дькьмә баве гәләк мьләта» (Дсп. 17:5, 9-27; Рʹм. 4:11). Паши ԝе ԛәԝьмандьне се мәләк ԛальбе мәрьвада һатьн щәм Бьраһим. Әԝи ԝана бь дьл у щан ԛәбул кьр, у ԝана соз данә ԝи, ԝәки Сәрайе гьран дәре у салкә дьн ви чахи ԝе ида кӧрʹ ԝерʹа бьбә.
(Дәстпебун 17:15, 16) Пәй ве готьнер′а Хԝәде готә Бьраһим: «К′ӧлфәта хԝә Сарайер′а нәбежи Сарай, ле наве ԝе Сәрайи бә. 16 Әзе дӧа ль ԝе бькьм у жь ԝе жи кӧр′әки бьдьмә тә, дӧайе мьне ль ԝе бә у мьләте жь ԝе пешда бен у п′адшед мьләта жи ԝе же дәрен».
ԝ09 1/2 13
Наве Мәрьв Чь Әʹйан Дькә?
Щарна Хԝәде наве мәрьва сәр наве ӧса дьгӧһаст, кӧ пʹехәмбәртийава гьредайи бун. Мәсәлә наве Абраһам (баве мәзьн), Йаһоԝа гӧһаст сәр Бьраһим чь кӧ те һʹәсабе (баве гәләк мьләта). Ԝәʹдә шунда Бьраһим бь рʹасти жи бу баве гәләк мьләта (Дсп. 17:5, 6). Наве кʹӧлфәта Бьраһим Сарай жи, кӧ дьбәкә дьһатә һʹәсабе «шәрʹуд» һатә гӧһастьне. Дьԛәԝьмә әԝ гәләк ша бу чахе Хԝәде наве ԝе дани Сәрай, кӧ дьһатә һʹәсабе «Ханьм»! Әв наве ԝейә тʹәзә дьһатә һʹәсабе, ԝәки жь Сәрайе пʹадша ԝе бенә буйине (Дсп. 17:15, 16).
Хьзна Кʹьтеба Пироз Бьгәрʹьн
(Дәстпебун 15:13, 14) Һьнге Хӧдан готә Абрам: «Тӧ р′ьнд заньбә, кӧ зӧр′әта тәйе ԝәлатәкида бьк′әвә хәрибийе у ԝе хӧламтийе ԝанр′а бькьн, чарсьд сали әԝе ԝан бьдьнә щәфе, 14 ле диԝана ԝи мьләте кӧ ԝе ԝан бькьнә хӧлам әзе бькьм у пәй ԝе йәкер′а әԝе бь хер-хьзне жь ԝьр дәрен,
it-1 460-461
Хроноложийа
Йаһоԝа готә Абраһам (Бьраһим): «Тӧ р′ьнд заньбә, кӧ зӧр′әта тәйе ԝәлатәкида бьк′әвә хәрибийе у ԝе хӧламтийе ԝанр′а бькьн, чарсьд сали әԝе ԝан бьдьнә щәфе» (Дсп. 15:13; Кʹр.Шн. 7:6, 7). Әв хәбәр һәла һе пешийа буйина зорʹәта создайи, демәк пешийа «ньсьла» Исһаԛ һатьбу готьне. Сала 1932 Б.Д.М.-да жь щарийа Мьсьри бь наве Һащәр, Абраһамрʹа кӧрʹ һатә буйине у наве ԝи данин Исмайил, ле сала 1918 Б.Д.М.-да жь Сәрайе, Исһаԛ һатә буйине (Дсп. 16:16; 21:5). Һәрге жь дәркʹәтьна Мьсьре чь кӧ дьһатә һʹәсабе хьлазийа зерандьна ԝан, 400 сала пашда һәрʹьн, (Дсп. 15:14), әм незики сала 1913 Б.Д.М. дьбьн, һьнге Исһаԛ пенщ сали бу. Дьԛәԝьмә ви чахи Исһаԛ жь шире де һатьбу бьрʹине у әԝ чаԝа «хәриб» щара пешийе һатә зерандьне, гава Исмайил ԛәрфе хԝә ԝи кьр, чаԝа кӧ һатьбу пʹехәмбәртикьрьне. Һьнге Исмайил 19 сали бу (Дсп. 21:8, 9). Дьԛәԝьмә рʹожа иройин әв ԛәрфед кӧ Исмайил ль Исһаԛ кьр тьштәки ӧса әʹщебмайи нинә, ле бәре ԝәʹде пʹехәмбәра әв йәк беһӧрмәткьрьн дьһатә һʹәсабе. Ләма жи Сәрайе хԝәст ԝәки Һащәр тʹәви Исмайил жь ԝана щьһе бьн, у Хԝәде хԝәстьна ԝе ԛәбул кьр (Дсп. 21:10-13). Әв ԛәԝьмандьн Кʹьтеба Пирозда һур бь һур һатийә ньвисаре, чь кӧ диса щарәке избат дькә, ԝәки һәма һьнге пʹехәмбәртийа зерандьне йа 400 салийе дәстпебу у хьлаз бу гава әԝана жь Мьсьре дәркʹәтьн (Гл. 4:29).
(Дәстпебун 15:16) Ле зӧр′әта тәйә ԛӧр′на чарада ԝе вәгәр′ә вьр, чьмки к′аса гӧнәйед әморийа һе т′ьжи нәбуйә».
it-1 778 ¶4
Дәркʹәтьн
Ньсьла чарада. Йаһоԝа готә Бьраһим, ԝәки зӧрʹәта ԝи ньсьла чарада ԝе вәгәрʹә Кәнане (Дсп. 15:16). Нава 430 салада демәк жь пәймана тʹәви Бьраһим һʹәта дәркʹәтьна ԝан жь Мьсьре, чар ньсьл бәр һәв һатьн гӧһастьн. Ԝи ԝәʹдәйи жийина мәрийа дьреж дькʹьшанд. Ле хут Мьсьреда Исраели 215 сала ман. Һәрге һәжмара ньсьла, паши щиԝарбуна ԝан Мьсьреда һʹәсаб кьн, демәк чар ньсьл дәрдькʹәвә. Әве йәке әм дькарьн бьвиньн сәр мәсәла бәрәка Леԝийа: (1) Леԝи, (2) Ԛоһатʹ, (3) Ә′мрам, (4) Муса (Дркʹ. 6:16, 18, 20).
Хԝәндьна Кʹьтеба Пироз
(Дәстпебун 15:1-21) Пәй ван йәкар′а, хәбәра Хӧдан дитьнокеда Абрамр′а һат у гот: «Нәтьрсә, Абрам, әз жь тәр′а мәрт′ал ьм, хәлата тәйе гәләки мәзьн бә». 2 Һьнге Абрам гот: «Йа Хԝәй Хӧдан! Те чь бьди мьн? Әзи ва бе зӧр′әт мамә, сәрԝере мала мьн Елийазере Шаме йә». 3 Абрам диса гот: «Тә кӧ зӧр′әт нәда мьн, ва йә хӧламе мала мьнда буйи ԝе дәԝса ԝаре мьн бьгьрә». 4 У аԝа хәбәра Хӧдан һатә ԝи у гот: «Әԝ дәԝса ԝаре тә нагьрә, ле йе кӧ ԝе жь бәдәна тә бьбә, әԝе бьбә ԝаре тә». 5 Һьнге Хӧдан әԝ дәрхьстә дәрва у готе: «Ньһа дина хԝә бьдә ә′змен у стәйрка бьжмьрә, һәгәр дькари бьжмьри. У готе: ‹Зӧр′әта тәйе жи ԝе һаԛаса бә›». 6 Абрам баԝәрийа хԝә Хӧдан ани у ԝи әԝ йәк жер′а р′асти һ′әсаб кьр. 7 Хӧдан диса готе: «Әз ьм әԝ Хӧдане кӧ тӧ жь Ура к′ьлданийа дәрхьсти, кӧ ви ԝәлати чаԝа щи-ԝар бьдьмә тә». 8 Абрам гот: «Йа Хԝәй Хӧдан! Әзе чаԝа заньбьм, кӧ әзе ви ԝәлати чаԝа щи-ԝар бьстиньм?» 9 Хӧдан готе: «Бона мьн ногьнәкә се сали, бьзьнәкә се сали, бәранәки се сали, фатьмокәке у кәвоткәкә фьр′ак′әти бинә». 10 Абрам әв һ′әму жер′а анин у әԝ нивида кьрьнә дӧ ԛәти у һәр кәрики ԝан данә ль бәр кәрийе ԝан, ле тәйрәдә ԛәт нәкьрьн. 11 П′әр′анийа тәйрәда хԝә дьда ль сәр ԝан щәндәка, ле Абрам бәри ԝан дьда. 12 Гава р′о чу ава, хәԝәкә к′ур к′әтә ч′ә′ве Абрам у аԝа саԝәкә шәвәр′әшайә тә′ри к′әтә сәр ԝи. 13 Һьнге Хӧдан готә Абрам: «Тӧ р′ьнд заньбә, кӧ зӧр′әта тәйе ԝәлатәкида бьк′әвә хәрибийе у ԝе хӧламтийе ԝанр′а бькьн, чарсьд сали әԝе ԝан бьдьнә щәфе, 14 ле диԝана ԝи мьләте кӧ ԝе ԝан бькьнә хӧлам әзе бькьм у пәй ԝе йәкер′а әԝе бь хер-хьзне жь ԝьр дәрен, 15 те жи бь хер-хԝәши һәр′и щәм кал-бавед хԝә у каләки р′у-р′әман бейи дәфьн кьрьне. 16 Ле зӧр′әта тәйә ԛӧр′на чарада ԝе вәгәр′ә вьр, чьмки к′аса гӧнәйед әморийа һе т′ьжи нәбуйә». 17 У гава р′о чу ава у тә′ри к′әтә ә′рде, аԝа дуки фьр′не у алавәкә егьр нава ԛәтед щәндәкар′а дәрбаз бу. 18 Ԝе р′оже Хӧдан Абрамр′а пәйман гьреда у гот: «Ва әз ә′рде жь ч′әме Мьсьре һ′әта ч′әме мәзьн, аԝа готи Фьрате, дьдьмә зӧр′әта тә: 19 Ԝәлате ԛенийа, ԛьнизийа, ԛадмонийа, 20 һ′итийа, пьриззийа, р′ьфайийа, 21 әморийа, кәнанийа, гиргашийа у йәбусийа».
17-23 СЬБАТЕ
ФЬКЬРЬЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 18-19
«Һʹакьме Тʹәмамийа Дьнийайе» Содом у Гоморайе Кʹӧта Дькә
(Дәстпебун 18:23-25) Паше Бьраһим незик бу у гот: «Гәло т′әви нәԛәнща те р′аста жи ӧнда ки? 24 Бәлки ԝи бажарида пенщи кәсед р′аст һәбьн? Гәло те ԝи щийи ӧнда ки у нәди хатьре ԝан пенщи кәсед р′астә кӧ ԝе дәре нә? 25 Һаша жь тә кӧ тӧ ве йәке бьки, ԝәки тӧ р′аста т′әви нәԛәнща ӧнда ки, йан жи ӧса бини сәре р′аста, чаԝа сәре нәԛәнща, һаша жь тә! Әв йәк набә кӧ һ′акьме т′әмамийа дьнйайе диԝана р′аст нәкә?»
«Һʹакьме Тʹәмамийа Дьнйайе» Тʹьме Һәԛ ә»
«ӘВ ЙӘК набә кӧ һʹакьме тʹәмамийа дьнйайе диԝана рʹаст нәкә» (Дәстп. 18:25). Бь ԝан гьлийа Бьраһим да кʹьфше кӧ әԝ дӧдьли нәдьбу, ԝәки Йаһоԝа ԝе бь һәԛи диԝана Содом у Гоморайе бькә. Бьраһим сәд сәләфи заньбу, ԝәки Йаһоԝа ԝе тʹӧ щар нәһәԛийе нәкә у «рʹаста тәви нәԛәнща» ӧнда нәкә. Һʹьше Бьраһимрʹа жи дәрбаз нәдьбу кӧ Хԝәде дькарә тʹьштед ӧса бькә. Ԝәкә 400 сал дәрбаз бун, Йаһоԝа дәрһәԛа хԝә гьлийед ӧса гот: «Әԝ Ԛәйа йә, кьрьна ԝи кʹамьл ә, чьмки һʹәму рʹийед ԝи һәԛи нә. Хӧдан амьн ә, нәһәԛи щәм ԝи тʹӧнәйә, әԝ һәԛ ә у ль сәр һәԛийе йә» (Ԛан. Дщр. 31:19; 32:4).
(Дәстпебун 18:32) Һьнге Бьраһим диса гот: «Ле бәле бьра Хԝәйе мьн һерс нәк′әвә әзе ве щаре жи бьпьрсьм: Бәлки ль ԝе дәре дәһә кәс һәбьн?» Хӧдан готе: «Бона хатьре дәһә кәси жи әзе ԝеран нәкьм».
ԝ18.08 30 ¶4
Сәбьркьрьн; Һӧнӧрәкә Гәләк Фәрз ә бона Мәсиһийа
Алийе сәбьреда бона мә мәсәла лапә мәзьн Йаһоԝа йә (2 Пәт. 3:15). Кʹьтеба Пирозда һәнә гәләк сәрһати, кʹидәре кӧ Йаһоԝа сәбьра гәләк мәзьн дайә кʹьфше (Нәһәм. 9:30; Иша. 30:18). Мәсәлә, биньн бира хԝә Йаһоԝа ча бь сәбьр бу һьндава Бьраһимда, гава тʹәви ԝи дәрһәԛа кʹӧтакьрьна Содоме хәбәр дьда. Йаһоԝа хәбәрдана Бьраһим нәдьбьрʹи, дәԝсе Әԝи бь сәбьр гӧһ дьда һәр гьлийед Бьраһим. Паше Йаһоԝа гьлийед Бьраһим ԝәкʹьланд, у бь ве йәке жерʹа да кʹьфше, ԝәки рʹьнд гӧһ дьда ԝи. Һьн жи Йаһоԝа ԝи да баԝәркьрьне, ԝәки ԝе ԛьра Содоме нәйнә, һәрге жи ԝедәре тʹәне 10 мәрьвед рʹаст һәбьн (Дәстп. 18:22-33). Әԝ мәсәләкә мәзьн ә бона мә, кӧ әм жи бь сәбьр гӧһ бьдьн мәрьва у әʹщьз нәбьн.
(Дәстпебун 19:24, 25) Һьнге Хӧдан ль сәр Содом у Гоморайеда к′ьрк′ут у агьр жорда жь Хӧданда баранд, 25 у әԝ бажар у т′әмамийа дор-бәред ԝан, һ′әму бьнәлийед ԝан бажара у тьштед ль сәр ә′рде шинбуйи ԛьр′ кьр у сәробьниһәв кьр.
ԝ10 15/11 26 ¶12
Йаһоԝа Хԝәдайе Мәйи Һьмзор ә!
12 Әм гәрәке дӧдьли нәбьн, ԝәки зутьрәке Йаһоԝа ԝе избат кә, кӧ тʹәне изна ԝи һәйә сәрԝертийе бькә. Йаһоԝа ԝе тʹьме зӧлмийе тәйах нәкә, у әм заньн ԝәки әм рʹожед ахьрийеда дьжин. Әԝи йед зӧлм ԝәʹде Селаве ԛьрʹ кьр. Шәһәре Содом у Гоморайе у ӧса жи фьрәԝьн у әскәред ԝи, кʹӧта кьр. Сисәра у әскәред ԝи, ӧса жи Санһәриб тʹәви әскәред хԝә нькарьбун пешбәри Хԝәдейи Һьмзор дәркʹәтана (Дсп. 7:1, 23; 19:24, 25; Дркʹ. 14:30, 31; Һкм. 4:15, 16; 2 Пʹд. 19:35, 36). Ләма жи әм дькарьн баԝәр бьн, ԝәки Йаһоԝа Хԝәде ԝе һʹәта-һʹәтайе беһӧрмәтийа һьндава наве хԝә у һьндава Шәʹдед хԝә тʹәйах нәкә. Әм ӧса жи нишана һатьна Иса у ахьрийа ве дьнйа хьраб дьвиньн (Мт. 24:3).
Хьзна Кʹьтеба Пироз Бьгәрʹьн
(Дәстпебун 18:1) Хӧдан нава даред Мамрейә мәʹзеда ԝива хӧйа бу, гава әԝ гәрмайа рʹожеда ль бәр дәре кон р′уньштьбу.
(Дәстпебун 18:22) Әԝ мәрьвана жь ԝьр вәгәрʹийан, чунә бәрбь Содоме. Ле Бьраһим һе ль бәр Хӧдан сәкьни мабу.
ԝ88 15/5 23 ¶4-5
Ԛә Кәсәки Хԝәде Дитийә?
Ньһа фәмдарийә чьрʹа Бьраһим тʹәви мәләк ӧса хәбәр да, ча бежи тʹәви Хԝәде Йаһоԝа хәбәр да. Мәләк рʹастә-рʹаст гьлийе Хԝәде дәрбази Бьраһим кьр у әԝ чаԝа ԝәкʹиле Хԝәде бу, ләма жи Кʹьтеба Пирозда те готьне ԝәки Йаһоԝа, Бьраһимрʹа «хӧйа бу» (Дәстпебун 18:1).
Дькарьн бежьн чахе мәләк хәбәред Хԝәде дәрбази кәсәки дькьр, әв мина ве йәке бу, ча әм иро бь рʹадио йан жи телефоне кәсәкирʹа хәбәр дьдьн у әԝ мәрьв дәнге мә дьбьһе. Ньһа ида фәʹмдари йә, кӧ Бьраһим, Муса, Маноаһ у йед дьн чьма бь ви щурʹәйи мәләкарʹа хәбәр дьдан, ча бежи Хԝәдерʹа хәбәр дьдан. Рʹаст ә ԝана мәләк дьдитьн у ӧса жи рʹумәта Йаһоԝа кӧ ԝан мәләка әʹйан дькьр, ле ԝана нькарьбу шәхси Хԝәде бьдитана. Ләма жи әм дькарьн дӧдьли нәбьн тʹәви гьлийе Йуһʹәнна, кӧ гот: «Т′ӧ кәси т′ӧ щар Хԝәде нәдитийә» (Йн. 1:18). Ԝан мәрьва мәләк дитьн, кʹижана кӧ Хԝәде шандьбу, нә кӧ Хԝәде дитьн.
(Дәстпебун 19:26) Ле жьна Лут пьштева ль пәй хԝә ньһер′и у бу һ′әйкәләки хԝе.
ԝ19.06 20 ¶3
Аликʹари бона Ԝан, йед кӧ Тәнгасийеда ньн
3 Лут сафикьрьна нәбаш кьр, чьмки жийина Содомеда бьжарт. Щьмәʹта ԝедәре гәләк хьраб у бенамус бу. (Бьхунә 2 Пәтрус 2:7, 8.) Әԝ шәһәр пешдачуйи бу, ле жийина ԝедәре сәр Лут зәʹф бьһа рʹуньшт (Дәстп. 13:8-13; 14:12). Жьна ԝи дьԛәԝьмә әԝ шәһәр, йан жи һьнә мәрьвед ԝедәре, гәләк бәгәм дькьр, ләма гӧрʹа Йаһоԝа нәкьр. У гава Хԝәде кʹьркут у агьр сәр ԝи шәһәрида баранд, әԝе әʹмьре хԝә ӧнда кьр. Дӧ ԛизед Лут жи кʹәтьбун һʹале хьраб, дәргистийед ԝан Содомеда мьрьн. Лут мала хԝә, һәбука хԝә, у йа лапә чәтьн, жьна хԝә ӧнда кьр (Дәстп. 19:12-14, 17, 26). Ле гәло Йаһоԝа сәбьра хԝә һьндава Лут ӧнда кьр? На.
Хԝәндьна Кʹьтеба Пироз
(Дәстпебун 18:1-19) Хӧдан нава даред Мамрейә мә′зеда ԝива хӧйа бу, гава әԝ гәрмайа р′ожеда ль бәр дәре кон р′уньштьбу. 2 Әԝи сәре хԝә бьльнд кьр, дина хԝә дайе, ва йә се мер пешбәри ԝи сәкьнинә. Гава әԝ дитьн, жь бәр дәре кон бь р′әв чу пешийа ԝан у һ′әта ә′рде ль бәр ԝан дәвәр′уйа чу, 3 у гот: «Хԝәйе мьн! Һәгәр мьн ль бәр ч′ә′вед тә к′әрәм дит, һиви дькьм ль сәр мала хӧламе хԝәр′а дәрбаз нәбә, 4 бьра һьнәк ав биньн, ньгед хԝә бьшон у бьн дареда р′ьһ′әт бьн, 5 әз пә′ри нан биньм һун ԛьнйатәке бькьн, паше р′ийа хԝәда һәр′ьн, чьмки һун кӧ һатьнә щәм хӧламе хԝә». Һьнге ԝан гот: «Тә чаԝа гот, ӧса жи бькә». 6 Бьраһим ләзандә бәрбь кон, хԝә Сәрайер′а гиһанд у готе: «Зу бькә се ԝарбеж аре хас бьстьре, нан лехә». 7 Бьраһим хԝәха жи ләз бәрбь һ′әйԝен чу, голькәкә һ′ьлийә р′ьнд гьрт да хӧламәки, әԝи жи әԝ зу һазьр кьр. 8 У Бьраһим р′уне ньвишки, шир у гоште голька һ′ьлийә һазьркьри да бәр ԝан у ԝан хԝар, әԝ хԝәха жи бьн дареда щәм ԝан ма. 9 Һьнге готьнә Бьраһим: «К′анейә Сәрайа жьна тә?» Әԝи гот: «Әԝ ва йә конда йә». 10 У йәки жь ԝан гот: «Саләкә дьн ви чахи әзе диса ль сәр тәда бем у кӧр′әки Сәрайа жьна тә ԝе һәбә». Ле Сәрайе ль бәр дәре кон, пьшт ԝива дьбьһист. 11 Бьраһим у Сәрайи кал пир бьбун у р′ожед хԝә дәрбаз кьрьбун, Сәрайи жи иди жь кьраса һатьбу бьр′ине. 12 Һьнге Сәрайи ль бәр хԝәда к′әнийа у гот: «Ве мәзьнайа хԝәда әзе чи хԝә ша бьм, кӧ хԝәйе мьн жи иди йәки кал ә?» 13 Хӧдан готә Бьраһим: «Чьма Сәрайи к′әнийа у гот: ‹Гәло р′асти әзе ве мәзьнайа хԝәда зар′а биньм, кӧ әз иди пир бумә?› 14 Гәло тьштәки чәтьн бона Хӧдан һәйә? Ви ԝә′дәйе к′ьфшкьрида, саләкә дьн ви чахи әзе ль сәр тәда бем у кӧр′әки Сәрайе ԝе һәбә». 15 Һьнге Сәрайе жь тьрса инк′ар кьр у гот: «На, әз нә к′әнийамә». Ле Хӧдан готе: «На, тӧ к′әнийайи». 16 Әԝ мәри жь ԝьр р′абун, ԝана бәре хԝә да Содоме, Бьраһим жи т′әви ԝан р′ек′әт, кӧ ԝан вәр′екә. 17 Һьнге Хӧдан гот: «Гәло әзе ԝи тьште кӧ әзе бькьм жь Бьраһим вәшерьм? 18 Нә бәле Бьраһиме ә′сә бьбә мьләтәки мәзьн у зор. У бь ԝи дӧа ԝе т′әмамийа мьләте ль сәр дьнйайе бьбә. 19 Чьмки мьн әԝ бона ԝе йәке бьжарт, ԝәки әԝ т′әмийе бьдә кӧр′ед хԝә у пәй хԝәр′а жи мала хԝә, кӧ әԝ р′ийа Хӧданда һәр′ьн, р′астийе у һәԛийе бькьн, ԝәки Хӧдан чь кӧ Бьраһимр′а соз дайә бинә сери».
24 СЬБАТЕ-1 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 20-21
«Йаһоԝа, Т′ьме Хԝәйе Созе Хԝә йә»
(Дәстпебун 21:1-3) Хӧдан сәрик ль Сәрайе хьст, чаԝа кӧ готьбу у созе бона Сәрайе дабу ани сери. 2 Сәрайи һ′әмлә дәрк′әт, Бьраһимр′а ԝе мәзьнайа ԝида кӧр′әк ани, ԝи ԝә′дәйида кӧ Хԝәде жер′а готьбу. 3 Бьраһим наве ԝи кӧр′е хԝәйи кӧ Сәрайе жер′а ани, Исһаԛ дани.
ԝp17.5 14-15
Сәра, Дайка Гәләк Пʹадша
Гәло кʹәне Сәрайе дьда кʹьфше, кӧ баԝәрийа ԝе кем бу? На! Кʹьтеба Пироз дьбежә: «Бь баԝәрийе Бьраһим, кӧ заньбу Сәрайе зарʹ нәдани, әԝе ԛәԝата бәре зька станд у ԝе мәзьнайийа ԝида зарʹәк ԝирʹа бу. Чьмки баԝәр кьр, кӧ йе ԝирʹа соз дайә амьн ә» (Ибрани 11:11). Сәрайе Йаһоԝа нас дькьр; әԝе заньбу кӧ Әԝ дькарә һʹәму созед хԝә бинә сери. Бь рʹасти жи мә һʹәмуйарʹа баԝәрийа ви щурʹәйи лазьм ә. Ԝе аԛьлайи бә һәрге әм һе рʹьнд Йаһоԝа Хԝәде нас кьн. Ӧса әме бьвиньн кӧ баԝәрийа Сәрайе рʹаст бу. Йаһоԝа бь рʹасти жи амьн ә у ԝәʹде хԝәда созед хԝә тинә сери. Әԝ дькарә созед хԝә ӧса бинә сери, кӧ мә әʹщебмайи кә, йан бьдә кʹәнандьне!
«ГӦҺДАРИЙА ГОТЬНА ԜЕ БЬКӘ»
Сәра 90 салийа хԝәда гьһиштә нета хԝә, чь кӧ әԝ һʹаԛас сал һʹьзрәт бу. Әԝе, кӧрʹ мере хԝәйи һʹьзкьрира ани! Бьраһим наве зарʹоке дани Исһаԛ, демәк «Кʹән», чаԝа кӧ Хԝәде готьбу. Дә бьдьн бәр чʹәʹве хԝә, кӧ чаԝа Сәра шабуна дькʹәнә у дьбежә: «Хԝәде әз дамә кʹәнандьне, кʹижанед кӧ бона мьн бьбьһед, әԝе жи тʹәви мьн бькʹәньн» (Дәстпебун 21:6). Әԝ пʹешкʹеш кӧ Йаһоԝа бь кʹәрәмәти дабу ԝе, шабунәкә мәзьн ԝерʹа дьани һʹәта мьрьна ԝе. Һьм жи әве йәке щабдарийа мәзьн кьрә стуйе Сәрайе.
Чахе Исаԛ пенщ сали бу, малбәте мәсрәфәкә мәзьн вәкьр бона ԝи, чьмки зарʹок жь шир һатә бьрʹине. Ле һʹәму тьшт баш нибу. Әм дьхуньн ԝәки Сәрайе «дина хԝә дайе», кӧ кӧрʹе Һәщаре бь наве Исмайил, тьштед нәбаш дькә. Исмайиле 19 сали тʹьме ԛәʹрфе хԝә Исаԛе бьчʹук дькьр. Әԝ лаԛьрди нибу. Һьнә ԝәʹдә шунда Паԝлосе шанди кьред Исмайил нав кьр ча пәйкʹәтьн. Сәрайе кьред Исмайил дит у фәʹм кьр, кӧ жийина кӧрʹе ԝе бьн ԛәзийеда нә. Сәрайе рʹьнд заньбу кӧ Исаԛ нә кӧ тʹәне кӧрʹ ә сәва ԝе; ле әԝ кʹәсе муһим бу кʹижани кӧ Йаһоԝа кʹьфш кьр сәва кӧ ԛьрара хԝә бинә сери. Ләма жи әԝ бь мерхасийе тʹьжә бу у дьле хԝә Бьраһимрʹа вәкьр. Әԝе жь мере хԝә хԝәст, кӧ Һәщар тʹәви кӧрʹе хԝә Исмайил, ԝана бьһельн һәрʹьн (Дәстпебун 21:8-10; Галати 4:22, 23, 29).
Гәло Бьраһим чь кьр? Әм дьхуньн: «Әв готьна һьндава кӧрʹе ԝи Исмайилда, гәләки гьран ль сәр Бьраһим рʹуньшт». Әԝи Исмайил һʹьз дькьр у ԝирʹа һеса нибу сафи кә. Ле Йаһоԝа зәлал һʹәму тьшт дьдит, ләма жи Әԝи сафикьрьна ве пьрсе һьлда дәсте Хԝә. Әм дьхуньн: «Ле Хԝәде готә Бьраһим: «Бьра әԝ готьна бона кӧрʹьке тә у щарийа тә ль сәр тә гьран рʹунәни, чь кӧ Сәрайе тәрʹа готийә гӧһдарийа готьна ԝе бькә, чьмки зӧрʹәта тәйе Исһаԛда бе навкьрьне». Йаһоԝа ӧса жи Бьраһим да баԝәркьрьне, кӧ Һәщар у зарʹок ԝе бехофийеда бьн, у Әԝе сәва ԝан хәм бькә. Бьраһиме амьн гӧһ да (Дәстпебун 21:11-14).
(Дәстпебун 21:5-7) Бьраһим сәд сали бу, гава кӧр′е ԝи Исһаԛ жер′а бу. 6 Һьнге Сәрайе гот: «Хԝәде әз дамә к′әнандьне, к′ижанед кӧ бона мьн бьбьһен, әԝе жи т′әви мьн бьк′әньн». 7 Ӧса жи гот: «Ԛәт к′е ԝе бьгота Бьраһим: ‹Сәрайи ԝе дәргушед кӧр′ин бьмежинә?› Чьмки мьн мәзьнайа ԝида ԝир′а кӧр′ ани».
(Дәстпебун 21:10-12) готә Бьраһим: «Бәри ве щарийе у кӧр′е ԝе дә, чьмки кӧр′е ве щарийе гәрәке т′әви кӧр′е мьн Исһаԛ ԝар нәстинә». 11 Әв готьна һьндава кӧр′е ԝи Исмайилда, гәләки гьран ль сәр Бьраһим р′уньшт. 12 Ле Хԝәде готә Бьраһим: «Бьра әԝ готьна бона кӧр′ьке тә у щарийа тә ль сәр тә гьран р′унәни, чь кӧ Сәрайе тәр′а готийә гӧһдарийа готьна ԝе бькә, чьмки зӧр′әта тәйе Исһаԛда бе навкьрьне.
(Дәстпебун 21:14) Бьраһим сьбәһе зу р′абу, нан у мәшкә ав һьлда да Һащәре, да ль сәр мьле ԝе, кӧр′ьк жи пер′а дәрхьст. Һащәр чу гьһиштә чол-бәста Бир-Шева, р′е-дьрб ӧнда кьрьн.
Хьзна Кʹьтеба Пироз Бьгәрʹьн
(Дәстпебун 20:12) Йа дӧда жи әва р′асти хушка мьн ә, әм жь баве нә ле нә жь денә, мьн әԝ стандийә.
ԝp17.3 12, спартьн
«Тӧ Жьнәкә Бәрбьчʹәʹвә Бәдәԝ и»
Сәра дьһатә һʹәсабе хушка Бьраһим, чьмки әԝана жь бавәки бун. Наве баве ԝан Тераһ бу (Дәстпебун 20:12). Бь рʹасти жи ԝәʹде бәре жь рʹожед мә гәләк щӧдә дьбу, чьмки иро зәԝаща ӧса нәщайиз ә. Ԝан чаха мәрьв һе незики кʹамьлийе бун, жь чь кӧ Адәм у Һеԝайе ләзәт дьстандьн, ле ӧнда кьрьн. Сәва мәрьвед ӧса ԛайим, зәԝаща тʹәви мәрьвед незик, нькарьбу бь генетики хьраб һʹӧкӧм кьра ль сәр зӧрʹәтед ԝан. 400 сал шунда, мәрьв ида гәләк дур бьбун жь кʹамьлийе. У ида ԝи зәманида, ль гора Ԛануна Муса изьн тʹӧнә бу, кӧ мәрьвед хԝәйә незик бьстиньн (Ԛануна Кʹаһинтийе 18:6).
(Дәстпебун 21:33) Бьраһим ль бәр бира Бир-Шевайе дарәкә кәнаре дач′ьканд у ль ԝе дәре гази наве Хӧдан, Хԝәдейе Һ′әта-һ′әтайе кьр.
ԝ89 1/7 20 ¶9
Бьраһим Мәсәлә йә Сәва Ԝан, Кʹи кӧ Дьхԝазьн Бьбьн Досте Хԝәде
9 Бьраһим баԝәрийа хԝә бь кьред хԝә избат кьр. Әв йәк һатә кʹьфше гава әԝи Йаһоԝарʹа «горигәһәк чекьр» (Дәстпебун 12:7). Дьԛәԝьмә дькʹәтә нава ве йәке ӧса жи ԛӧрбанкьрьна һʹәйԝана, чьмки хәбәра Ибрани «горигәһ» те һʹәсабе «щийе ԛӧрбандайине». Ԝәʹдә шунда Бьраһим диса бь ви щурʹәйи баԝәрийа хԝә дьда кʹьфше. Хенщи ве йәке әԝи «гази наве Хӧдан» Йаһоԝа дькьр (Дәстпебун 12:8; 13:18; 21:33). Гьли-готьна Ибрани «гази наве кәсәки кьн» те һʹәсабе «әви нави әʹлам кьн (бәла кьн)». Чаԝа бьра-пьзманед Бьраһим ӧса жи щьмәʹта Кәнанийа дьԛәԝьмә дьбьһистьн чаԝа Бьраһим бь мерхаси наве Йаһоԝа әʹлам дькьр (Дәстпебун 14:22-24). Мина Бьраһим, әв мәрьвед кӧ дьхԝазьн бьбьн досте Хԝәде гәрәке бь баԝәрийе гази наве Ԝи кьн. Баԝәрийа хԝә мәрьв дькарьн бь ве йәке избат кьн, чахе бәлакьрьна мьзгьнийеда кʹар дькьн. Әԝана гәрәке «т′ьме ԛӧрбана пәсьндайине бьдьнә Хԝәде, аԝа готи бәре зар-зьмане хԝә, йед кӧ наве ԝи иԛрар дькьн» (Ибрани 13:15; Рʹомайи 10:10).
Хԝәндьна Кʹьтеба Пироз
(Дәстпебун 20:1-18) Бьраһим жь ԝе дәре к′оч′ кьр чу бәр бь Нәщәфе, ль навбәра Ԛадеше у Шуреда ма у Герареда фьрари дәрбаз кьр 2 Ль ԝе дәре Бьраһим бона жьна хԝә Сәрайе гот: «Әва хушка мьн ә». П′адше Гераре Абимәләх шанд Сәрайи жь хԝәр′а ани. 3 Ле Хԝәде шәв һатә хәԝна Абимәләх у готе: «Ва те бона ԝе к′ӧлфәта кӧ тә ани, те бьмьри, чьмки мере ԝе һәйә». 4 Абимәләх һе дәст нәдабуйе у гот: «Йа Хԝәйе мьн, гәло те к′ока мьләте бесущ бини? 5 Әви нә гот: ‹Әва хушка мьн ә?› У әве жи гот: ‹Әва бьрайе мьн ә›. Әв йәк мьн бь дьле сах у дәсте паԛьж кьр». 6 У Хԝәде хәԝнеда ԝир′а гот: «Мьнва ә′йан ә, кӧ тә әв йәк бь дьле хԝәйи сах кьр, ләма жи мьн тӧ жь ԝи гӧнәйе кӧ тәйе ль бәр ч′ә′ве мьн бькьра хԝәйи кьри у нәһьшт кӧ тӧ дәст бьди ԝе. 7 Ньһа жьне вәгәр′инә бьдә мере ԝе, чьмки әԝ п′ехәмбәр ә у әԝе бона тә дӧа бькә, те бьжийи. Ле һәгәр тӧ ԝе вәнәгәр′ини, заньбә кӧ тӧ у һ′әмуйед тәйе ә′сә бьмьрьн». 8 Абимәләх сьбәһе зу р′абу, гази һ′әму бәрдәстийед хԝә кьрьн у һәр тьшт ԝанр′а гьли кьр, әв мәрьвана гәләки тьрсийан. 9 Һьнге Абимәләх гази Бьраһим кьр у готе: «Әв тә чь ани ль сәре мә? Мьн һьндава тәда чь нәһәԛи кьрьбу, кӧ тә гӧнәки мәзьн ль сәр мьн у п′адшатийа мьнда ани? Тә һьндава мьнда тьште нәбуйи кьр». 10 У Абимәләх готә Бьраһим: «Тә чь р′е тер′а дит, кӧ тә әв тьшт кьр?» 11 Бьраһим гот: «Чь р′аст ә, әз фькьрим мьн гот: ‹Ль ве дәре хофа Хԝәде т′ӧнә, ԝе р′уйе жьна мьнда мьн бькӧжьн›. 12 Йа дӧда жи әва р′асти хушка мьн ә, әм жь баве нә ле нә жь денә, мьн әԝ стандийә. 13 Чахе Хԝәде әз жь мала баве хԝә дәрхьстьмә хәрибийе, мьн готә ԝе: ‹Ве ԛәнщийе мьнр′а бькә, һәр щийе кӧ әме һәр′ьне, бона мьн бежә, кӧ әва бьрайе мьн ә›». 14 Һьнге Абимәләх р′абу, пәз у дәԝар, хӧлам у щари анин данә Бьраһим у жьна ԝи Сәрайи жи ле вәгәр′анд. 15 Ӧса жи Абимәләх готә Бьраһим: «Ва йә ԝәлате мьн ль бәр тә йә, к′идәре дьхԝази ль ԝьр жи бьминә». 16 Сәрайер′а жи гот: «Ва әз һ′әзар зиви дьдьмә бьрайе тә, кӧ әв йәк ль бәр ч′ә′ве һ′әмуйед т′әви тә бьбә хелийа нав-намусийе у р′успитийа ль бәр һ′әмуйа». 17 Һьнге Бьраһим ль бәр Хԝәде дӧа кьр у Хԝәде Абимәләх, жьна ԝи у щарийед ԝи ԛәнщ кьрьн у зар′ок анин. 18 Чьмки Хӧдан р′уйе жьна Бьраһим Сәрайеда, бәт′ьне һ′әму к′ӧлфәтед мала Абимәләхда дада бу.