Кани бона «Бәрнама Щьвине, Бьжин у Хьзмәт кьн»
2-8 АДАРЕ
ФЬКЬРЬЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 22-23
«Хԝәде Бьраһим Дьщер′ьбинә»
(Дәстпебун 22:1, 2) Пәй ван йәкар′а, Хԝәде Бьраһим щер′ьбанд у гот: «Бьраһимо!» Бьраһим гот: «Ләбе, әзи ва мә». 2 Хԝәде готе: «Ньһа р′абә кӧр′е хԝәйи тайе т′әнейи дәлал Исһаԛ һьлдә у һәр′ә ԝәлате Морийайе, ль ԝе дәре ль сәре ч′ийаки, к′ижани әзе тәр′а бежьм, бькә дийарийа т′әвайишәԝате».
ԝ12 1/1 23 ¶4-6
Чьрʹа Хԝәде жь Бьраһим Дәʹԝа кьр, ԝәки Кӧрʹе Хԝә Бькә Ԛӧрбан?
Ԝәрен әм дина хԝә бьдьн гьлийе Йаһоԝа, кӧ готә Бьраһим: «Ньһа р′абә кӧр′е хԝәйи тайе т′әнейи дәлал Исһаԛ һьлдә у . . . бькә дийарийа т′әвайишәԝате» (Дәстпебун 22:2). Йаһоԝа дәрһәԛа Исһаԛ гот, ԝәки әԝ бона Бьраһим гәләк дәлал ә. Йаһоԝа заньбу ԝәки Бьраһим гәләки Исһаԛ һʹьз дькә. Йаһоԝа жи Кӧрʹе хԝә Иса гәләки һʹьз дькә. Жь бо һʹьзкьрьна мәзьн, Йаһоԝа дӧ щара жь әʹзмана сәр Иса гот: «Кӧр′е мьни дәлал» (Марԛос 1:11; 9:7).
Хенщи ве йәке дина хԝә бьдьне, ԝәки «Ԝәлгәрʹандьна Дьнйа Тʹәзәда» Йаһоԝа дьбежә Бьраһим: «Лава дькьм». Бь ньһерʹандьна леколинкʹарәки Кʹьтеба Пироз, әв хәбәр дьдә кʹьфше, ԝәки «Хӧдан занә ԛимәта хԝәстьна ԝи чьԛас гьран ә». Дә бьдьнә һʹәсабе хԝә хԝәстьна Йаһоԝа чьԛас чәтьн бу бона Бьраһим. Ӧса жи әм нькарьн бь тʹәмами бьдьнә бәр чʹәʹве хԝә, ԝәки Йаһоԝа ешәкә чьԛас мәзьн тʹәхмин дькьр гава дьдит чаԝа Кӧрʹе ԝи дьчәрчьрә у дьмьрә. Бешьк, пешийа ве йәке Йаһоԝа ешәкә ӧса мәзьн тʹәхмин нәкьрьбу у ԝе ида нә жи тʹәхмин кә.
Рʹаст ә хԝәстьна Йаһоԝа дькарә мәрʹа галәк сәрт у әʹщебмайи бе кʹьфше, ле дина хԝә бьдьне, Йаһоԝа нәһишт, Бьраһиме амьн кӧрʹе хԝә бькә ԛӧрбан. Йаһоԝа Исһаԛ хьлаз кьр у нәһишт Бьраһим дәрде гьран бьвинә. Ле Әԝи һʹәйфа хԝә Кӧрʹе хԝә нәани у бона мә һʹәмуйа бәрва да (Рʹомайи 8:32). Гәло чьрʹа Йаһоԝа ԛемиш кьр, Кӧрʹе хԝәйи дәлал кьрә ԛӧрбан? Чьмки Әԝ дьхԝазә, «ԝәки әм бь ԝи бьжин» (1 Йуһʹәнна 4:9). Әв йәк һʹьзкьрьна гәләк мәзьн ә алийе Хԝәдеда! Әм жи һелан дьбьн бь дьл у щан ԝи һʹьз бькьн.
(Дәстпебун 22:9-12) Гава гьһиштьнә ԝи щийе кӧ Хԝәде готьбуйе, Бьраһим ль ԝьр горигәһчекьр, ԛьрш ль сәр ԝе щи кьрьн у кӧр′е хԝә Исһаԛ гьреда, һьлда дани ль сәр ԛьршед горигәһе. 10 У Бьраһим дәст авитә к′ере, кӧ кӧр′е хԝә сәржекә 11 ле мьлйак′әте Хӧдан жь ә′змен дәнг дайе у готе: «Бьраһим! Бьраһим!» Әԝи гот: «Ләбе, әзи ва мә». 12 Мьлйак′әт готе: «Дәст нәдә кӧр′ьк у тьштәки ль ԝи нәкә, ньһа әз заньм кӧ тӧ жь Хԝәде дьтьрси, чьмки тә бона мьн кӧр′е хԝәйи тайе т′әне на-на нәкьр».
(Дәстпебун 22:15-18) Мьлйак′әте Хӧдан щара дӧда жь ә′змен дәнг да Бьраһим 16 у гот: «Әз бь нәфса хԝә сонд дьхԝьм, Хӧдан дьбежә, чьмки тә кӧ әв тьшт кьр у кӧр′е хԝәйи тайе т′әне бона мьн на-на нәкьр, 17 әзе жи дӧайе ль сәр дӧа ль тә бькьм, зӧр′әта тә мина стәйркед ә′змен у мина ԛума дәве бә′ре гәләки зедә кьм у зӧр′әта тәйе бажаред нәйаред хԝә зәфти хԝә кьн 18 у бь зӧр′әта тә ԝе дӧа ль һ′әму мьләтед дьнйайе бьбә, чьмки тә гӧһдарийа мьн кьр».
ԝ12 15/10 23 ¶6
Гӧһ Бьдә Хԝәде, у Бьвинә Әԝ Ча Созед Хԝә Тинә Сери
6 Йаһоԝа Хԝәде бона кʹара мәрьвед гӧнәкʹар, сонд хԝар у гот: «Әз сах ьм» (Һәзԛл. 17:16). Дь Кʹьтеба Пирозда Йаһоԝа Хԝәде 40 дәрәщада сонд дьхԝә. Дьԛәԝьмә йа лапә нас әв ә, чахе Хԝәде Бьраһимрʹа сонд хԝар. Нава гәләк салада Йаһоԝа тʹәви Бьраһим чәнд пәйман гьреда, демәк соз да ԝи. Әве йәке избат дькьр, ԝәки зӧрʹәта создайи гәрәке жь Исһаԛ кӧрʹе Бьраһим пешда бе (Дәстп. 12:1-3, 7; 13:14-17; 15:5, 18; 21:12). Паши ве йәке Йаһоԝа Бьраһим щерʹьбанд у готә ԝи, ԝәки әԝ кӧрʹе хԝәйи һʹьзкьри бькә ԛӧрбан. Бьраһим дәрберʹа гӧрʹа Хԝәде кьр у һазьр бу Исһаԛ бькә ԛӧрбан, ле мәләке Хԝәде әԝ да сәкьнандьне. Паше Хԝәде соз да ԝи: «Әз бь нәфса хԝә сонд дьхԝьм . . . чьмки тә кӧ әв тьшт кьр у кӧр′е хԝәйи тайе т′әне бона мьн на-на нәкьр, әзе жи дӧайе ль сәр дӧа ль тә бькьм, зӧр′әта тә мина стәйркед ә′змен у мина ԛума дәве бә′ре гәләки зедә кьм у зӧр′әта тәйе бажаред нәйаред хԝә зәфти хԝә кьну бь зӧр′әта тә ԝе дӧа ль һ′әму мьләтед дьнйайе бьбә, чьмки тә гӧһдарийа мьн кьр» (Дәстп. 22:1-3, 9-12, 15-18).
Хьзна Кʹьтеба Пироз Бьгәрʹьн
(Дәстпебун 22:5) У һьнге Бьраһим готә хӧламед хԝә: «Һун к′әрева ль вьр бьминьн, әз у кӧр′ьква һ′әта дәра һан һәр′ьн, һ′әбандьна хԝә бькьн у диса ль сәр ԝәда вәгәр′ьн».
ԝ16.02 11 ¶13
Йаһоԝа Әԝ Навкьр «Досте Мьн»
13 Бьраһим пешийа кӧ жь хӧламед хԝә бьԛәтийа, ԝанрʹа гот: «Һун кәрева ль вьр бьминьн, әз у кӧрʹьква һʹәта дәра һан һәрʹьн, һʹәбандьна хԝә бькьн у диса ль сәр ԝәда вәгәрʹьн» (Дәстп. 22:5, ПКʹМ). Бь ве йәкә Бьраһим чь дьхԝәст бьгота? Гәло Бьраһим хӧламед хԝә дьхапанд чахе дьгот, кӧ әме сәр ԝәда вәгәрʹьн, нә ахьр әԝи кӧрʹе хԝә дьбьр кӧ бькә ԛӧрбан? На. Кʹьтеба Пироз дьбежә кӧ Бьраһим дәрһәԛа чь дьфькьри. (Бьхунә Ибрани 11:19.) Кʹьтеба Пирозда те готьне кӧ «Бьраһим дьле хԝәда дьгот, кӧ Хԝәде дькарә Исһаԛ жь мьрьне жи рʹакә». Бәле, Бьраһим баԝәр дькьр кӧ Хԝәде дькарә мьри сах кә. Әԝи заньбу кӧ әԝ у Сәра әʹмьрда гәләк мәзьн бун, ле Йаһоԝа бь ԛәԝата хԝә ӧса кьр кӧ ԝирʹа кӧр һатә буйине (Ибрн. 11:11, 12, 18). Бьраһим фәʹм дькьр кӧ бона Йаһоԝа тьштәки чәтьн тʹӧнә. Әԝ баԝәр бу кӧ ԝе рʹоже чь жи бьԛәԝьмә, йәкә кӧрʹе ԝийи һʹьзкьри ԝе сах бә, чьмки ӧса һʹәму созед Йаһоԝа ԝе бьһатана сери. Ләма Бьраһим һатә навкьрьне «баве һʹәму баԝәрмәндед»!
(Дәстпебун 22:12) Мьлйак′әт готе: «Дәст нәдә кӧр′ьк у тьштәки ль ԝи нәкә, ньһа әз заньм кӧ тӧ жь Хԝәде дьтьрси, чьмки тә бона мьн кӧр′е хԝәйи тайе т′әне на-на нәкьр».
it-1 853 ¶5-6
Пешдитьн
Хԝәде дькарә пешда бьвинә. Ньһерʹандьнәкә дьн әв ә, кӧ Хԝәде сафи дькә кʹижан тьшта пешда бьвинә. Әв йәк гәрәке ль гора ԛьрара ԝи бә у ль гора ве йәке, кӧ Хԝәде бь Хәбәра хԝә дәрһәԛа хԝә чь мәрʹа әʹйан дькә. Әв нә сәр һʹиме һинкьрьна пешдитьне йә, чьмки гәләк рʹезед жь Кʹьтеба Пироз дьдьнә кʹьфше, ԝәки Хԝәде пешийе дәрәще леколин дькә у паше сафи дькә.
Дәстпебун 11:5-8-да дәрһәԛа Хԝәде те готьне, ԝәки әԝи дина хԝә да әʹрде, у дит һʹәму тьштед кӧ дь Бабилонеда дьԛәԝьмин. Паше ль гора ве йәке әԝи сафи кьр чь бькә, сәва кӧ нет-мәрәмед мәрьвед зӧлм кʹӧта кә. Чахе Содом у Гомора бь зӧлмийе тʹьжә бун, Йаһоԝа дәрһәԛа сафикьрьна хԝә готә Бьраһим: «Дина хԝә бьдьме, к′а әԝ р′аст ԝәкә ԝе ԛар′ә-ԛар′а хьрабийед ԝанә кӧ гьһиштьнә мьн дькьн, һәгәр на, кӧ әз заньбьм» (Дсп. 18:20-22; 19:1). Чахе Бьраһим һазьр бу Исһаԛ бькә ԛӧрбан, һьнге Хԝәде дьһа рʹьнд әԝ нас кьр у ләма жи готе: «Ньһа әз заньм кӧ тӧ жь Хԝәде дьтьрси, чьмки тә бона мьн кӧр′е хԝәйи тайе т′әне на-на нәкьр» (Дсп. 18:19; 22:11, 12; бәрамбәр кә Нм. 9:7, 8; Гл. 4:9).
Хԝәндьна Кʹьтеба Пироз
(Дәстпебун 22:1-18) Пәй ван йәкар′а, Хԝәде Бьраһим щер′ьбанд у гот: «Бьраһимо!» Бьраһим гот: «Ләбе, әзи ва мә». 2 Хԝәде готе: «Ньһа р′абә кӧр′е хԝәйи тайе т′әнейи дәлал Исһаԛ һьлдә у һәр′ә ԝәлате Морийайе, ль ԝе дәре ль сәре ч′ийаки, к′ижани әзе тәр′а бежьм, бькә дийарийа т′әвайишәԝате». 3 Бьраһим сьбәһе зу р′абу, бона дийарийа т′әвайишәԝате дар шкенандьн, т′ер′а к′әре хԝә гьреда, т′әви хԝә дӧ хӧлам у кӧр′е хԝә Исһаԛ һьлдан, р′абу чу ԝи щийе кӧ Хԝәде готьбуйе. 4 Р′ожа сьсийа Бьраһим сәре хԝә бьльнд кьр, дурва әԝ щи дит. 5 У һьнге Бьраһим готә хӧламед хԝә: «Һун к′әрева ль вьр бьминьн, әз у кӧр′ьква һ′әта дәра һан һәр′ьн, һ′әбандьна хԝә бькьн у диса ль сәр ԝәда вәгәр′ьн». 6 Бьраһим ԛьрше дийарийа т′әвайишәԝате һьлда, да пьшта кӧр′е хԝә Исһаԛ у хԝәха жи агьр у к′ер гьртьнә дәсте хԝә у һәр дӧ һәвр′а чун. 7 Р′еда Исһаԛ баве хԝә Бьраһимр′а гот: «Баво!» Әԝи гот: «Ләбе, әзи ва мә, кӧр′е мьн». Исһаԛ гот: «Ва нә ԛьрш у агьр, ле бәрха бона дийарийа т′әвайишәԝате к′ане йә?» 8 Һьнге Бьраһим готе: «Хԝәде ԝе хԝәха бәрха дийарийа т′әвайишәԝате бона хԝә р′е тер′а бьбинә, кӧр′е мьн» У һәр дӧ һәвр′а р′ийа хԝәда чун. 9 Гава гьһиштьнә ԝи щийе кӧ Хԝәде готьбуйе, Бьраһим ль ԝьр горигәһчекьр, ԛьрш ль сәр ԝе щи кьрьн у кӧр′е хԝә Исһаԛ гьреда, һьлда дани ль сәр ԛьршед горигәһе. 10 У Бьраһим дәст авитә к′ере, кӧ кӧр′е хԝә сәржекә 11 ле мьлйак′әте Хӧдан жь ә′змен дәнг дайе у готе: «Бьраһим! Бьраһим!» Әԝи гот: «Ләбе, әзи ва мә». 12 Мьлйак′әт готе: «Дәст нәдә кӧр′ьк у тьштәки ль ԝи нәкә, ньһа әз заньм кӧ тӧ жь Хԝәде дьтьрси, чьмки тә бона мьн кӧр′е хԝәйи тайе т′әне на-на нәкьр». 13 Бьраһим сәре хԝә бьльнд кьр, дина хԝә дайе ԝе пьшт ԝива, ва йә бәранәк стьруйед ԝи к′әтьбунә дьр′ийед сьх мабу. Бьраһим чу әԝ бәран ани у дәԝса кӧр′е хԝә горишәԝьтанди кьр. 14 Бьраһим наве ԝи щийи дани: «Хӧдане ԝе р′е тер′а бьбинә». Чаԝа һ′әта ньһа те готьне: Ль сәре ч′ийайе Хӧдан, ԝе р′е тер′а бе дитьне. 15 Мьлйак′әте Хӧдан щара дӧда жь ә′змен дәнг да Бьраһим 16 у гот: «Әз бь нәфса хԝә сонд дьхԝьм, Хӧдан дьбежә, чьмки тә кӧ әв тьшт кьр у кӧр′е хԝәйи тайе т′әне бона мьн на-на нәкьр, 17 әзе жи дӧайе ль сәр дӧа ль тә бькьм, зӧр′әта тә мина стәйркед ә′змен у мина ԛума дәве бә′ре гәләки зедә кьм у зӧр′әта тәйе бажаред нәйаред хԝә зәфти хԝә кьн 18 у бь зӧр′әта тә ԝе дӧа ль һ′әму мьләтед дьнйайе бьбә, чьмки тә гӧһдарийа мьн кьр».
9-15 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 24
«Кʹӧлфәт бона Исһаԛ»
(Дәстпебун 24:2-4) Һьнге Бьраһим готә хӧламе мала хԝәдайи мәзьн, кӧ ԝәк′иле һ′әму һәбука ԝи бу: «Һиви дькьм, дәсте хԝә бькә ль бьн р′ә′не һета мьн, 3 әз тә бь Хӧдан дьдьмә сонде, кӧ Хԝәдейе ә′рде у Хԝәдейе ә′змен ә, ԝәки те кӧр′е мьнр′а жь ԛизед кәнанийа нәхԝәзи, нава к′ижанада әз дьминьм. 4 Ле һәр′и ԝәлате мьн, жь нава пьсмамтийа мьн ԛизәке кӧр′е мьн Исһаԛр′а бини».
ԝp 16.3 14 ¶3
«Әзе Һәрʹьм»
Бьраһим, Әлийәзәр да сонде, ԝәки әԝ жь ԝәлате Кәнанийа ԛизәке сәва Исһаԛ нәхԝазә. Чьма? Чьмки щьмәʹта Кәнани, Йаһоԝа нәдьһʹәбандьн у нә жи ԛәдьре ԝи дьгьртьн. Бьраһим заньбу, кӧ Йаһоԝа ԝе ԝәде хԝәда ԝан мәрийа щәза кә, сәва шьхӧлед ԝанә зӧлм. Ләма жи Бьраһим нәдьхԝәст, ԝәки кӧрʹе ԝи Исһаԛ тʹәви ве щьмәʹте шьхӧлед бенамусийеда тәвгьредайи бә. Әԝи ӧса жи заньбу, ԝәки созед Хԝәде гәрәке жь Исһаԛ бьһатана сери (Дәстпебун 15:16; 17:19; 24:2-4).
(Дәстпебун 24:11-15) Әԝи бәре еваре, ԝи ԝәхте кӧ ԛиз у бук дәрдьк′әтьн ав дьк′ьшандьн, дәвә жь бажер дәр бәр бирәке данә мәхәле, 12 у гот: «Йа Хӧдан, Хԝәдейе ахайе мьн Бьраһим! Әз р′әща дькьм, те иро р′ийа мьн р′аст ки, ахайе мьн Бьраһимр′а һ′ӧба хԝәйә амьн бьдә к′ьфше. 13 Әзе ва ль сәр канийа аве бьсәкьньм у ԛиз-букед бьнәлийед ви бажари ԝе бенә аве, 14 әз к′ижан ԛизер′а бежьм: ‹К′әрәма хԝә, щер′е хԝә дайнә әз аве вәхԝьм› у гава әԝ бежә: ‹К′әрәм кә вәхԝә у әз дәвәйед тә жи авдьм›, бьра һәма әԝ жи бьбә әԝ ԛиза кӧ тә бона хӧламе хԝә Исһаԛ к′ьфшкьри йә. У бь ве йәке әз бьзаньбьм, кӧ тә ахайе мьнр′а һ′ӧба хԝәйә амьн да к′ьфше». 15 Әԝи һәла һе хәбәрдана хԝә к′ӧта нәкьрьбу, Р′евека ԛиза Бәт′уеле кӧр′е Милк′а жьна Нәһоре бьрайе Бьраһим щер′ ль сәр мьла һат.
ԝp16.3 14 ¶4
«Әзе Һәрʹьм»
Әлийәзәр сәрһатийа хԝә бәрдәԝам кьр у гот ԝәки пешийа һатьна ԝи бәр бире, әԝ Йаһоԝа Хԝәдерʹа дӧа кьр. Әԝи рәща Йаһоԝа кьр, ԝәки Әԝ сәва Исһаԛ ԛизе бьжбәрә. Гәло чаԝа? Әлийәзәр жь Хԝәде хԝәст, ԝәки ԛиза кӧ гәрәке бьбә жьна Исһаԛ, бе бәр бирә. Чахе әԝе жь ԛизьке аве бьхԝазә, әԝ гәрәке һазьр бә нә кӧ тʹәне Әлийәзәррʹа аве бьдә, ле ӧса жи дәвәйед ԝирʹа (Дәстпебун 24:12-14). Ча һун дьфькьрьн, кʹе һатә бәр бире у ль гора гьлийе Әлийәзәр кьр? Әв Рʹевека бу! Дә ньһа бьдьнә бәр чʹәʹве хԝә, Рʹевекайе чь сәр хԝә тʹәхмин кьр чахе сәрһатийа Әлийәзәр бьһист!
(Дәстпебун 24:58) Һьнге гази Р′евекайе кьрьн у готьне: «Те т′әви ви мәрьви һәр′и?» Әԝе гот: «Бәле».
(Дәстпебун 24:67) Исһаԛ Р′евека бьрә коне дийа хԝә Сәрайе, әԝ станд у әԝ бу кәванийа ԝи. Әԝи әԝ һ′ьз кьр. У барьстани к′әтә дьла, ль пәй мьрьна дийа ԝир′а.
ԝp16.3 14 ¶6-7
«Әзе Һәрʹьм»
Чәнд һʹәфти пешда Әлийәзәр жи пьрсәкә ӧса дабу Бьраһим: «Бәлки ԛизьк нәхԝазә тәви мьн бе?» Бьраһим щаба хԝәда гот: «Тӧ иди жь ԝи сонде хԝә аза йи» (Дәстпебун 24:39, 41). Дь мала Бетуелда жи, хԝәстьна Рʹевекайе һьлдьданә һʹәсаб. Әлийәзәр гәләк ша бу кӧ шьхӧле ԝи ӧса баш дәрбаз бу, ләма жи рʹожа дьн әԝи изьн хԝәст сәва кӧ тʹәви Рʹевекайе ԝәгәрʹә Кәнане. Малбәта Рʹевекайе хԝәст, кӧ әԝ ԝәкә дәһә рʹожа тʹәви ԝан бьминә. Паше ԝана тьштәки ӧса сафи кьр: «Әм гази кәчʹьке кьн у хәбәра дәве ԝе бьзаньбьн» (Дәстпебун 24:57).
Ньһа дь жийина Рʹевекайеда пьрсәкә мәзьн пешда һат. Гәло әԝе чь бежә? Дьбәкә әԝе дәстпекьр лавайа баве хԝә у бьре хԝә бькә, сәва кӧ ԝе нәшиньн щики нәнас? Йан жи әԝе һʹәсаб кьр кӧ әԝ ԛәдьрәки мәзьн ә, ԝәки әԝ дь ԝе ԛәԝьмандьнеда кар бькә, кʹижани кӧ Йаһоԝа рʹебәри кьрьбу? Әԝе гот: «Әзе һәрʹьм» (Дәстпебун 24:58, ДТʹ).
Хьзна Кʹьтеба Пироз Бьгәрʹьн
(Дәстпебун 24:19-20) Гава әԝи ав т′ер вәхԝар, кәч′ьке готе: «Әз аве дәвәйед тәр′а жи бьк′ьшиньм, ԝан жи т′ер авдьм». 20 У пер′а-пер′а ава щер′да валайи к′ӧр′н кьр, диса бәзи чу жь бире аве бьк′ьшинә, әԝе бона һ′әму дәвәйед ԝи ав к′ьшанд.
ԝp16.3 12-13
«Әзе Һәрʹьм»
Еварәке чахе Рʹевека щерʹе хԝә тʹьжә кьрьбу, каләмерәки бь ләз чу пешийа ԝе. Әԝ готә Рʹевекайе: «Кʹәрәма хԝә, авәке жь щерʹе хԝә нади әз вәхԝьм?». Әԝ хԝәстьнәкә ӧса бь ԛәдьр у бь мьлукти бу! Рʹевекайе тедәрхьст ԝәки әԝ каләмер жь дур һатийә. Ләма жи әԝе зускава щерʹе хԝә жь мьле хԝә пәйа кьр у да ԝи, ԝәки әԝ ава сар тʹер вәхԝә. Әԝе дит ԝәки дәһә дәвед ԝи мерьки жи һәбун у кӧрне ԝани аве, вала бу. Рʹевекайе дьдит ԝәки әԝ каләмер ча бь ԛәдьр ле дьньһерʹә, у әԝе хԝәст һе зедә һьндава ԝида мәрʹд бә. Ләма жи әԝе гот: «Әз аве дәвәйед тәрʹа жи бькьшиньм, ԝан жи тʹер авдьм» (Дәстпебун 24:17-19).
Дина хԝә бьдьн, Рʹевекайе нә гот кӧ һьнә ав ԝе бьдә дәва, ле әԝе гот кӧ ԝана тʹер ав дә. Чахе дәвәк гәләк тʹи йә, әԝ дькарә 95 литьра зедәтьр аве вәхԝә! Ньһа бьдьнә һʹәсабе хԝә һәрге һʹәму дәвә ӧса тʹи буна, Рʹевекайерʹа чьԛас сьһʹәт лазьм бу сәва аве бьдә ԝан. Ле паше ча һатә кʹьфше дәвә һаԛас жи тʹи нибун. Ле гәло Рʹевекайе әв йәк заньбу? На. Әԝ һазьр бу бь рʹәзадьли бьхәбьтә сәва кӧ меванһʹьзийа хԝә һьндава ԝи каләмери бьдә кʹьфше. Әв каләмер рʹази бу, кӧ ԛизьк али ԝи бькә. Паше әԝ зур бьбу ль ԝе дьньһерʹи, кӧ чаԝа Рʹевека вьрда-ԝеда дьчә те. Әԝ диса у диса дьһат, щерʹе хԝә тʹьжә дькьр у паше дәварʹа вала дькьр (Дәстпебун 24:20, 21).
ԝp16.3 13, спартьн
«Әзе Һәрʹьм»
Ида тәʹри кʹәтьбу әʹрде. Тʹӧ щийа дь ве сәрһатийеда найе готьне кӧ Рʹевека бь сьһʹәта бәр бире бу. Ӧса жи найе готьне, кӧ чахе әԝе хәбата хԝә хьлаз кьр, малбәта ԝе ида рʹаза бу. Йан жи кәсәк ле дьгәрʹийа у һатьбу пәй ԝе.
(Дәстпебун 24:65) У жь хӧлем пьрси: «Әԝ мәрьве дәштедайи кӧ бәр бь мә те, әԝ к′и йә?» Хӧлем готе: «Ахайе мьн ә» У әԝе хелийа хԝә һьлда авитә ль сәр хԝә.
ԝp16.3 15 ¶3
«Әзе Һәрʹьм»
Ахьрийа-ахьрийе гьһишт әԝ рʹож, дәрһәԛа кʹижани кӧ мә дәстпека ве готаре гьли кьр. Карвана ԝан дәрбази Нәщәфе бу у ида бәрбь еваре әԝана незики щи дьбун. Һьнге Рʹевекайе мерькәк дь чоледа дит, йе кӧ кʹәтьбу мьтала. Рʹевека ләзә-ләз «жь дәве пәйа бу» у һивийе нибу һʹәта кӧ дәвә рʹуне. Әԝе жь Әлийәзәр пьрси: «Әԝ мәрьве дәштедайи кӧ бәр бь мә те, әԝ кʹи йә?» Чахе әԝ пеһʹәсийа кӧ әԝ Исһаԛ ә, әԝе хелийа хԝә һьлда у авитә ль сәр хԝә (Дәстпебун 24:62-65). Чьма? Бь ԝе йәке әԝе ԛәдьре хԝә да кʹьфше һьндава Исһаԛ кӧ гәрәке бьбийа мере ԝе. Иро тьштед ӧса ида нә модерн ә. Бь рʹасти жи чаԝа мер ӧса жи жьн, дәрсед керһати дькарьн жь Рʹевекайе һин бьн. Чьмки мә һәр кәсира жи, хәйсәт-һӧнӧред ӧса лазьм ьн.
Хԝәндьна Кʹьтеба Пироз
(Дәстпебун 24:1-21) Бьраһим иди кал бьбу у р′ожед хԝә дәрбаз кьрьбун. Хӧдан һәр алийада сәр Бьраһимда барандьбу. 2 Һьнге Бьраһим готә хӧламе мала хԝәдайи мәзьн, кӧ ԝәк′иле һ′әму һәбука ԝи бу: «Һиви дькьм, дәсте хԝә бькә ль бьн р′ә′не һета мьн, 3 әз тә бь Хӧдан дьдьмә сонде, кӧ Хԝәдейе ә′рде у Хԝәдейе ә′змен ә, ԝәки те кӧр′е мьнр′а жь ԛизед кәнанийа нәхԝәзи, нава к′ижанада әз дьминьм. 4 Ле һәр′и ԝәлате мьн, жь нава пьсмамтийа мьн ԛизәке кӧр′е мьн Исһаԛр′а бини». 5 Хӧлам готе: «Бәлки ԛизьк нахԝазә ль пәй мьн бе ви ԝәлати, тӧ дьхԝази кӧ әз кӧр′е тә вәгәр′иньмә ԝи ԝәлате кӧ тӧ же дәрк′әти?» 6 Бьраһим готә ԝи: «Һ′әвза хԝә бьки кӧ кӧр′е мьн вәнәгәр′ини ԝьр. 7 Хӧдан, Хԝәдейе ә′змен, йе кӧ әз жь мала баве мьн у жь ԝи ԝәлате әз теда бьбум дәрхьст ьм у т′әви мьн хәбәрда у мьнр′а сонд хԝар гот: ‹Әзе ви ԝәлати бьдьмә зӧр′әта тә›, әԝе мьлйак′әте хԝә пешийа тәва бьшинә у те жь ԝьр ԛизе кӧр′е мьнр′а бини. 8 Ле һәгәр ԛизьк нахԝазә кӧ ль пәй тә бе, тӧ жь ве сонда мьн аза йи, т′әне кӧр′е мьн вәнәгәр′ини ԝьр». 9 Һьнге хӧлам дәсте хԝә кьрә бьн р′ә′не һета ахайе хԝә Бьраһим у жь бәр ԝе йәкева сонд хԝар. 10 Хӧлем жь дәвәйед ахе хԝә дәһә дәвә бар кьрьн. Чьмки һ′әму хер-хьзна ахайе ԝи дәсте ԝида бу. Әԝ р′абу чу Арам-Наһараиме , ԝи бажаре кӧ Нәһор дьма. 11 Әԝи бәре еваре, ԝи ԝәхте кӧ ԛиз у бук дәрдьк′әтьн ав дьк′ьшандьн, дәвә жь бажер дәр бәр бирәке данә мәхәле, 12 у гот: «Йа Хӧдан, Хԝәдейе ахайе мьн Бьраһим! Әз р′әща дькьм, те иро р′ийа мьн р′аст ки, ахайе мьн Бьраһимр′а һ′ӧба хԝәйә амьн бьдә к′ьфше. 13 Әзе ва ль сәр канийа аве бьсәкьньм у ԛиз-букед бьнәлийед ви бажари ԝе бенә аве, 14 әз к′ижан ԛизер′а бежьм: ‹К′әрәма хԝә, щер′е хԝә дайнә әз аве вәхԝьм› у гава әԝ бежә: ‹К′әрәм кә вәхԝә у әз дәвәйед тә жи авдьм›, бьра һәма әԝ жи бьбә әԝ ԛиза кӧ тә бона хӧламе хԝә Исһаԛ к′ьфшкьри йә. У бь ве йәке әз бьзаньбьм, кӧ тә ахайе мьнр′а һ′ӧба хԝәйә амьн да к′ьфше». 15 Әԝи һәла һе хәбәрдана хԝә к′ӧта нәкьрьбу, Р′евека ԛиза Бәт′уеле кӧр′е Милк′а жьна Нәһоре бьрайе Бьраһим щер′ ль сәр мьла һат. 16 Ԛизьк йәкә гәләки бәдәԝ у бьк′ьр бу, дәсте мера һе ле нәк′әтьбу. Әԝа бәржери сәр канийе бу, щер′е хԝә дагьрт у һәвраз һьлк′ьшийа. 17 Хӧлам бь ләз чу пешийа ԝе у готе: «К′әрәма хԝә, авәке жь щер′е хԝә нади әз вәхԝьм?» 18 Әԝе гот: «Вәхԝә, хԝәйе мьн». У ләзә-ләз щер′ жь сәр мьле хԝә дани у дайе кӧ вәхԝә. 19 Гава әԝи ав т′ер вәхԝар, кәч′ьке готе: «Әз аве дәвәйед тәр′а жи бьк′ьшиньм, ԝан жи т′ер авдьм». 20 У пер′а-пер′а ава щер′да валайи к′ӧр′н кьр, диса бәзи чу жь бире аве бьк′ьшинә, әԝе бона һ′әму дәвәйед ԝи ав к′ьшанд. 21 Әв мәрьва ль сәр ԝе ә′щебмайи мабу, ԛәт дәнг нәдькьр, дьфькьри дьгот: гәло р′аст Хӧдан р′ийа ԝи р′аст кьрийә, йан на.
16-22 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 25-26
«Әсаԝ Ньхӧртийа Хԝә Дьфрошә»
(Дәстпебун 25:27, 28) Әԝ зар′ мәзьн бун, Әсаԝ бу мәрьвәки чоле, неч′ирванийеда йәки жири сәрхԝә. Ле Аԛуб мәрьвәки дурәшәр′ у жь кона ԛәт дәрнәдьк′әт. 28 Исһаԛ Әсаԝ һ′ьз дькьр, чьмки әԝи неч′иред ԝи дьхԝарьн, ле Р′евекайе Аԛуб һ′ьз дькьр.
it-1 1242
Аԛуб
Исһаԛ гәләк кӧрʹе хԝә Әсаԝ һʹьз дькьр. Әԝ нечʹирван бу, хәйсәте хԝәда жи йәки һерс у сәрт бу. Ле Аԛуб нә мина ԝи бу, әԝ дури шәрʹа бу, беләкʹә бу у конада дьжит. Аԛуб бь жийинәкә рʹьһʹәт дьжит у пәз дьчʹерандьн. Әԝи ӧса жи бь щабдари шьхӧле дьн дькьр. Дийа ԝи әԝ гәләк һʹьз дькьр (Дсп. 25:27, 28). Хәбәра Ибрани «тʹам», Ньвисаред Пирозда щийе дьнда жи те дитьне, у сәр ԝан мәрийа те готьне, кʹижана кӧ Хԝәде ԛәбул дькә. Мәсәлә, мәрьвед хунхӧр йед бәләкʹә у дьлпʹак һʹьз накьн, ле Йаһоԝа соз дьдә, ԝәки ахьрийе мәрьвед беләкʹә ԝе әʹдьлайеда бьн (Мтʹл. 29:10; Зб. 37:37). Ибойе кӧ дәст жь амьнийа хԝә бәрнәдьда, йәки һәлал у беләкʹә бу (бь Ибрани «тʹам») (Иб. 1:1, 8; 2:3).
(Дәстпебун 25:29, 30) Щарәке Аԛуб шорбә чедькьр, Әсаԝ жь чоле к′әсьри һат. 30 Әԝи готә Аԛуб: «Бькә ԛәнщи, жь ԝе шорба бәрк′әлейә сор, мьнр′а дагьрә әз бьхԝьм, дьле мьн хава дьчә». Ләма жи ԝир′а готьн: «Әдом».
(Дәстпебун 25:31-34) Ле Аԛуб готә ԝи: «К′а ньһа ньхӧртийа хԝә бьфьрошә мьн». 32 Һьнге Әсаԝ гот: «Әз ва дьмьрьм, к′ара мьн чь ньхӧртийеда һәйә?» 33 Аԛуб готе: «Дә ньһа дәсте мьнда сонд бьхԝә». Әԝи дәсте ԝида сонд хԝар у ньхӧртийа хԝә фьротә Аԛуб. 34 Һьнге Аԛуб нан у шорба ниська да Әсаԝ, әԝи хԝар у вәхԝар, р′абу чу. Бь ви аԝайи Әсаԝ ньхӧртийа хԝә беһӧрмәт кьр.
ԝ19.02 16 ¶11
Чьра Әм Гәрәке Шекьрдар бьн?
11 Йазьх һьнә хьзмәткʹаред бәре, бешекьр бун. Мәсәлә, раст ә Әсаԝ малбәтәкә ӧсада мәзьн бу, кӧ Йаһоԝа һʹьз дькьрьн у ԛәдьре ԝи дьгьртьн, ле йәкә әԝи тьштед пироз ԛимәт нәдькьр. (Бьхунә Ибрани 12:16.) Чьда әԝ йәк һатә кʹьфше? Әԝи бона тʹуси шорбә, дәрбера ньхӧртийа хԝә фьротә бьре хԝәйи бьчук Аԛуб (Дәстп. 25:30-34). Раст ә паше әԝ гәләк пошман бу, ле әԝи һьнге ньхӧртийа хԝә ԛимәт нәкьр, у нә жи гәрәке бькьра кӧтә-кӧт, гава кәрәме кӧ йе ньхӧрира дькәт, нәстанд.
it-1 835
Ньхӧри
Бәре-бәреда малбәтеда кӧрʹе ньхӧри щийе фәрз дьгьрт у пәй мьрьна баве, әԝ дьбу малхе мале. Әԝи дӧ пʹаре мьлкʹе баве хԝә дьстанд (Ԛн.Дщ. 21:17). Усьв бьре хԝә Рʹубен, ль гора ньхӧртийа ԝи бәр сьфре да рʹуньштандьне (Дсп. 43:33). Щарна Кʹьтеба Пирозда гава дәрһәԛа гәләк бьра те готьне, тʹьме наве ньхури ча йе пешийе найе һьлдане. Гәләк щар зарʹа пешийе һʹәсаб нәдькьрьн ча ньхӧри, ле әԝ зарʹ һʹәсаб дькьрьн ньхӧри, кʹижан кӧ пешдачуйи у хԝәдехоф бу. Бь ве йәке һьндава ԝида ԛәдьр дьданә кʹьфше (Дсп. 6:10; 1 Др. 1:28; бәрамбәр кә Дсп. 11:26, 32; 12:4; бьньһерʹә МЬЛКʹ; ҺӘԚЕ НЬХӦРТИЙЕ).
Хьзна Кʹьтеба Пироз Бьгәрʹьн
(Дәстпебун 25:31-34) Ле Аԛуб готә ԝи: «К′а ньһа ньхӧртийа хԝә бьфьрошә мьн». 32 Һьнге Әсаԝ гот: «Әз ва дьмьрьм, к′ара мьн чь ньхӧртийеда һәйә?» 33 Аԛуб готе: «Дә ньһа дәсте мьнда сонд бьхԝә». Әԝи дәсте ԝида сонд хԝар у ньхӧртийа хԝә фьротә Аԛуб. 34 Һьнге Аԛуб нан у шорба ниська да Әсаԝ, әԝи хԝар у вәхԝар, р′абу чу. Бь ви аԝайи Әсаԝ ньхӧртийа хԝә беһӧрмәт кьр.
(Ибрани 12:16) Һаш жь хԝә һәбьн, нәбә кӧ йәк ч′ә′вдәр йан дьнеһ′ьз бә мина Әсаԝ, кӧ бона зькә нан ньхӧртийа хԝә фьрот.
Пьрсед Хԝәндәвана
Ньһа ԝәрен әм диса бьхуньн Ибрани 12:16: «Һаш жь хԝә һәбьн, нәбә кӧ йәк бенамус бә, йан мина Әсаԝ бә, йе кӧ тьштед пироз ԛимәт нәкьр у мафе ньхӧритийа хԝә, бона зькә хԝарьн фьрот, ДТʹ». Гәло Паԝлос бь ве рʹезе чь дьхԝәст бьгота?
Ве рʹезеда Паԝлос нә кӧ дина Мәсиһийа дьда сәр хәза кал-бавед Мәсиһ, ле әԝи дьхԝәст ԝана ширәт кьра, ԝәки «ньгед хԝә рʹийа рʹастда» бавежьн. Әԝана гәрәке мьԛати хԝә буна кӧ нәкʹәтана нав бенамусийе, у «дәсте хԝә жь кʹәрәма Хԝәде» нәкьрана (Ибрн. 12:12-16). Ле һәрге ԝана ӧса нәкьра, ԝе бьбуна мина Әсаԝ, йе кӧ «тьштед пироз ԛимәт нәкьр», у бу йәки дьнеһʹьз.
Әсаԝ дьжит һена бавәширада, у дьԛәԝьмә щара изьна ԝи һәбу һәла һе жи ԛӧрбана бинә (Дәстп. 8:20, 21; 12:7, 8; Иб. 1:4, 5). Ле Әсаԝ бь бьнйата мәрьвайи дьфькьри, ләма әԝи бона тʹасә шорба ниська пьшта хԝә да һʹәму кʹәрәмед хԝә. Дьԛәԝьмә әԝи әԝ йәк кьр, чьмки нәдьхԝәст ԝи щәфайи бькʹьшинә, кʹижан кӧ зӧрʹәта Бьраһим гәрәке бьдита, чаԝа һатьбу пʹехәмбәртикьрьне (Дәстп. 15:13). Әсаԝ дӧ жьнед пʹутпарьст ани, у бь ве йәке жи да кʹьфше кӧ әԝ дьнеһʹьз бу у тьштед пироз нәдьшекьранд. Әԝ дӧ жьн бунә кӧла дьле де-баве Әсаԝ (Дәстп. 26:34, 35). Ле Аԛуб чʹәʹв нәда бьре хԝә у жьнәкә ӧса ани йа кӧ Хԝәдейе рʹаст дьһʹәбанд (Дәстп. 28:6, 7; 29:10-12, 18).
(Дәстпебун 26:7) Бьнәлийед ԝи щийи кӧ пьрса жьна ԝи Р′евекайе же кьрьн, әԝи гот: «Хушка мьн ә». Чьмки әԝ тьрсийа кӧ ԝи бьгота: «Жьна мьн ә», дьгот: «Нәбә р′уйе Р′евекайе да мьн бькӧжьн, чьмки Р′евека бәрбьч′ә′вә бәдәԝ бу».
it-2 245 ¶6
Дәрәԝи
Кʹьтеба Пирозда те сущдаркьрьне әв дәрәԝи, йа кӧ бь нета хьраб те кьрьне. Ле мәрьв борщдар нинә әʹламәтийа рʹаст бьдә ԝан мәрьва, изна кʹижана тʹӧнә дәрһәԛа ве йәке пебьһʹәсьн. Иса Мәсиһ гот: «Тьште бӧһӧрти нәдьнә са у нә жи дӧр′ед хԝә бавежьнә бәр бәраза. Һәгәр на, бәразе ԝан бьн ньгед хԝәда п′епәс кьн у сәйе жи вәгәр′ьн ԝә бьдьр′иньн (Мәт. 7:6). Ләма жи Иса һәр тьшт нә дьгот у щаба һьнә пьрса нәдьда, һәрге әве йәке дькарьбу зьрар бьһанийа (Мәт. 15:1-6; 21:23-27; Йуһн. 7:3-10). Һьһа фәʹмдари йә чьма Бьраһим, Исһаԛ, Рʹәхаб у Елиша һьнә дәрәщада рʹасти нәдьготьн ԝан мәрьварʹа, йед кӧ Йаһоԝарʹа хьзмәт нәдькьрьн (Дәстп. 12:10-19; Йешу 2:1-6; Аԛуб 2:25; 2 Падш. 6:11-23).
Хԝәндьна Кʹьтеба Пироз
(Дәстпебун 26:1-18) Ль ԝәлетда, ль сәр ԝе хәлайа кӧ һена Бьраһимда бьбу, хәлайикә дьн бу, Исһаԛ чу Гераре щәм п′адше фьльстинийа Абимәләх. 2 Хӧдан ԝива хӧйа бу у готе: «Бәржери Мьсьре нәбә, ԝи ԝәлатида бьминә, к′ижани әзе нишани тә кьм. 3 Ви ԝәлатида хәрибийеда бьминә, әзе т′әви тә бьм у дӧа ль тә бькьм. Чьмки әзе т′әмамийа ван ԝәлата бьдьмә тә у зӧр′әта тә у ԝе сонда хԝә, йа кӧ мьн баве тә Бьраһимр′а сонд хԝарийә, биньмә сери. 4 Әзе зӧр′әта тә ԝәкә стәйркед ә′змен зедә кьм у т′әмамийа ван ԝәлата бьдьмә зӧр′әта тә у бь зӧр′әта тә ԝе дӧа ль һ′әму мьләтед дьнйайе бьбә. 5 Чьмки Бьраһим гӧһдарийа дәнге мьн кьр, фәрманед мьн, т′әмийед мьн, ә′рф-ә′дәтед мьн у һинкьрьнед мьн ԛәдандьн». 6 Исһаԛ Герареда щи-ԝар бу. 7 Бьнәлийед ԝи щийи кӧ пьрса жьна ԝи Р′евекайе же кьрьн, әԝи гот: «Хушка мьн ә». Чьмки әԝ тьрсийа кӧ ԝи бьгота: «Жьна мьн ә», дьгот: «Нәбә р′уйе Р′евекайе да мьн бькӧжьн, чьмки Р′евека бәрбьч′ә′вә бәдәԝ бу». 8 У гава әԝ ԝә′дәки дьреж ль ԝьр ма, п′адше фьльстинийа Абимәләх р′ожәке п′әнщәрер′а дина хԝә дайе, ԝе Исһаԛ т′әви жьна хԝә Р′евекайе к′еф-һ′әнәк дькьрьн. 9 Һьнге Абимәләх гази Исһаԛ кьр у готе: «К′ьфш ә, кӧ әва жьна тә йә, тә чьма гот: ‹Әва хушка мьн ә›?» Исһаԛ ле вәгәр′анд у готе: «Мьн гот, кӧ нәбә р′уйе ԝеда әз бемә кӧштьне». 10 Һьнге Абимәләх готе: «Әв тә чь дани ль сәре мә? Һьндьк мабу кӧ жь нава щьмә′те йәки дәст бавита жьна тә у гӧнә бьк′әта стуйе мә».11 Абимәләх т′әми да т′әмамийа щьмә′та хԝә у гот: «К′е ԛәдьре ви мәрьви, йан жьна ԝи к′әвә, ԝе ә′сә бе кӧштьне». 12 Исһаԛ ԝи ԝәлатида ә′рде хԝә р′әшанд, Хӧдан сәрда баранд, әԝи ԝе сале сәд щар бәр һьлда. 13 Әви хԝә р′ьнд гьрт, чьԛас дьчу хԝә дьгьрт у ӧса пешда дьчу, кӧ әԝи готьна тә хԝә гьрт. 14 Бу хԝәйе кәри у гар′анед пез-деԝер у гәләк хӧламед ԝи һәбун, фьльстинийа һ′әвсудийа ԝи кьрьн. 15 Һ′әму әԝ биред кӧ һена баве ԝида, хӧламед баве ԝи Бьраһим вәдабун, фьльстинийа хьтьмандьн, т′ьжи хԝәли кьрьн. 16 Абимәләх готә Исһаԛ: «Бьһелә жь мә дур к′әвә һәр′ә, чьмки тӧ жь мә дәрбазтьр буйи». 17 Исһаԛ жь ԝьр к′оч′ кьр чу, конед хԝә дәшта Герареда данин у ль ԝьр ма. 18 Исһаԛ диса әԝ бир вәдан, йед кӧ һена баве ԝи Бьраһимда һатьбунә вәдане, к′ижан кӧ пәй мьрьна Бьраһимр′а фьльстинийа т′ьжи кьрьбун, әԝи диса әԝ навед баве хԝә данинә ль сәр ԝан.
23-29 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 27-28
«Аԛуб Кʹәрәма Хԝәйә Ԛануни, Дьстинә»
(Дәстпебун 27:6-10) Р′евекайе готә кӧр′е хԝә Аԛуб: «Мьн һежа бьһист, кӧ баве тә чаԝа т′әви бьре тә Әсаԝ хәбәрда у гот: 7 ‹Неч′ирәке мьнр′а бинә, пе хԝарьнәкә хԝәш чекә, кӧ әз бьхԝьм у бәри мьрьна хԝә, ль бәр Хӧдан дӧа ль тә бькьм›, 8 Ньһа бьбьһе лаԝо, гӧһе хԝә бьдә сәр мьн, әз чь тәр′а дьбежьм бькә. 9 Р′абә һәр′ә нава кери, мьнр′а дӧ каред бьзьнайә р′ьнд бинә у әз пе ԝан баве тәр′а ԝе хԝарьна хԝәшә кӧ әԝ же һ′ьз дькә чекьм, 10 тӧ жи бьбә бьдә баве хԝә, кӧ әԝ бьхԝә у бәри мьрьна хԝә дӧа ль тә бькә».
ԝ04 15/4 11 ¶4-5
Рʹевека; Кʹӧлфәтәкә Хԝәдехоф у Мерхас
Кʹьтеба Пирозда найе готьне, ԝәки Исһаԛ заньбу кӧ Әсаԝ гәрәке бьбә хӧламе Аԛуб. Чь жи һәбу Рʹевекайе у Аԛуб заньбун, ԝәки кʹәрәм пʹара Аԛуб ә. Чахе Рʹевекайе бьһист, ԝәки Исһаԛ дьхԝазә Әсаԝ кʹәрәм кә ԝи чахи гава әԝ ԝирʹа хԝарьнәкә хԝәш чекә, Рʹевека дәрберʹа дәстпедькә тьштәки бькә. Әԝе хирәта хԝәйә щаһьлтийе ӧнда нәкьрьбу. Рʹевека дьбежә Аԛуб, ԝәки дӧ бьзьне щаһьл жерʹа бинә. У әԝ хԝарьнәкә хԝәш чедькә кʹижан кӧ мере ԝе һʹьз дькә. Паше Аԛуб сәва кӧ кʹәрәме бистинә, гәрәке хԝә дәԝса Әсаԝ дайнә. Аԛуб ԛайил набә, чьмки әԝ занә һәрге баве ԝи әве йәке пебьһʹәсә ԝе ньфьрʹа ԝи бькә! Рʹевека сәр йа хԝә сәкьни у гот: «Лаԝо! Әԝ ньфьр′а бьра ль сәр мьнда бе». Паше әԝе хԝарьн чекьр, к′ьнща Әсаԝ Аԛуб кьр у шандә щәм Исһаԛ (Дәстпебун 27:1-17).
Кʹьтеба Пирозда найе готьне чьрʹа Рʹевекайе ӧса кьр. Гәләк мәрьв сәва ве йәке ԝе сущдар дькьн, ле Кʹьтеба Пироз на. Исһаԛ жи Рʹевека сӧщдар нәкьр, гава педьһʹәсә ԝәки Аԛуб кʹәрәм сьтанд, у әԝи һәла һе дәстпекьр һе зедә ԝи кʹәрәм кә (Дәстпебун 27:29; 28:3, 4). Рʹевекайе заньбу пʹехәмбәртийа Йаһоԝа дәрһәԛа кӧрʹед хԝә, ләма жи әԝе һәр тьшт кьр, сәва кӧ Аԛуб ԝан кʹәрәма бьстинә, кʹижан кӧ бь рʹасти ԝирʹа дькʹәт. Әв йәк ԛьрара Йаһоԝа бу (Рʹомайи 9:6-13)
(Дәстпебун 27:18, 19) Аԛуб чу щәм баве хԝә у гот: «Баво!». Әԝи гот: «Әз ва мә, тӧ к′и йи лаԝо?» 19 Аԛуб готә баве хԝә: «Әз ньхӧрийе тә Әсаԝ ьм, тә чаԝа мьнр′а гот, мьн ӧса жи кьр, к′әрәм кә, р′абә р′уни неч′ира мьн бьхԝә у дӧа ль мьн бькә».
ԝ07 10/1 31 ¶2-3
Пьрсед Хԝәндәвана
Кʹьтеба Пирозда найе готьне чьрʹа Рʹевекайе у Аԛуб ӧса кьрьн, ле фәʹмдари йә, ԝәки әв дәрәщә ньшкева пешда һат. Дина хԝә бьдьне Хәбәра Хԝәде әв кьре ԝан, нә сущдар дькә, нә жи һәԛ дәрдьхә. Ләма жи әм нькарьн бежьн, ԝәки сәр һʹиме ве ԛәԝьмандьне, изьн ә дәрәԝа бькьн. Ле диса жи Кʹьтеба Пироз әве дәрәще зәлал дькә.
Йа пешьн жь Кʹьтеба Пироз те кʹьфше, ԝәки изна Аԛуб һәбу жь баве хԝә дӧа бьстинә, ле Әсаԝ на. Чьмки пешийа ве йәке Аԛуб бь ԛануни изна ньхӧртийе жь бьре хԝәйи щеви станд, кʹижани кӧ ньхӧртийа хԝә нәшекьранд у тʹӧси шорба ниськарʹа, гӧһаст. Әсаԝ «ньхӧртийа хԝә беһӧрмәт кьр» (Дәстпебун 25:29-34). Демәк чахе Аԛуб һатә щәм баве хԝә кӧ дӧа бьстинә, әв бь ԛануни ԝирʹа дькʹәт.
(Дәстпебун 27:27-29) Аԛуб чу незик, бав р′амуса. Исһаԛ к′ьнще ԝи бин кьр, дӧа ль ԝи кьр у гот: «Ва йә бина кӧр′е мьн, мина бина мерга Хӧдан дӧа ле кьри йә. 28 Бьра Хԝәде жь ԛьр′авийа ә′змен, у жь ԛьнйата ә′рде, гәньм у шәрабеда тә хьне кә. 29 Бьра мьләт тәр′а хӧламтийе бькьн, щьмә′т жи ль бәр тә дәвәр′уйа һәр′ьн. Тӧ бьби ахе бьратийа хԝә, зар′ед дийа тә жи ль бәр тә дәвәр′уйа һәр′ьн. Йе ньфьр′а ль тә бькә, ньфьр′ ль ԝи бә, йе дӧа ль тә бькә, дӧа ль ԝи бә».
it-1 341 ¶6
Кʹәрәм
Ԝәʹде бәре, бав пешийа мьрьна хԝә дӧа ль кӧрʹед хԝә дькьр. Дӧайед ӧса гәләк фәрз у ԛимәт бун. Ви щурʹәйи Исһаԛ дӧа ль Аԛуб кьр, чьмки әԝи тʹьре әԝ ньхӧрийе ԝи йә. Исһаԛ соз да, ԝәки Аԛуб ԝе ԛәбулкьри у пешдачуйи бә. Һьнге Исһаԛ ида әʹмьрда мәзьн бу у чʹәʹвада бәләнгаз бу, ләма жи әԝи жь Йаһоԝа хԝәст, ԝәки кʹәрәма сәр кӧрʹе ԝида бьбаринә (Дсп. 27:1-4, 23-29; 28:1, 6; Ибр. 11:20; 12:16, 17). Ле паше гава Исһаԛ һәр тьшт пеһʹәсийа, әԝи һе зедә Аԛуб кʹәрәм кьр (Дсп. 28:1-4). Гава Аԛуб бәр мьрьне бу, әԝи пешийе дӧа ль дӧ кӧрʹед Усьв кьр, паше жи кӧрʹед хԝә кьр (Дсп. 48:9, 20; 49:1-28; Ибр. 11:21). Ӧса жи Муса пешийа мьрьна хԝә дӧа тʹәмамийа щьмәʹта Исраеле кьр (Ԛн.Дщ. 33:1). Ван дәрәщада әԝан мәрьва пʹехәмбәрти дькьрьн. Һьнә дәрәщада гава ԝана дӧа ль кәсәки дькьр, ԝана дәсте хԝә датани сәр сәре ԝи мәрьви (Дсп. 48:13, 14).
Хьзна Кʹьтеба Пироз Бьгәрʹьн
(Дәстпебун 27:46-28:2) Паше Р′евекайе готә Исһаԛ: «Р′уйе ван ԛизед һ′итиада, әз жь ә′мьре хԝә т′ер бумә, һәгәр Аԛуб жи ԛизед һ′итийайә мина ванә ви ԝәлати бьстинә, иди әз чьма дьжим?»
28 Һьнге Исһаԛ гази Аԛуб кьр, дӧа ль ԝи кьр, т′әми да ԝи у гот: «Ԛизед кәнани нәстини. 2 Ле р′абә һәр′ә Паддан-Араме, мала баве дийа хԝә Бәт′уел у жь ԝьр жь ԛизед хале хԝә Лабан, ԛизе хԝәр′а бьхԝазә.
ԝ06 15/4 6 ¶3-4
Чаԝа Һәләԛәтийа Баш Малбәтеда Хԝәй кьн
Гәло Исһаԛ у Рʹевека зәԝащеда бәхтәԝар бун? Чахе кӧрʹе ԝан Әсаԝ хԝәрʹа жьнти дӧ ԛизед жь щьмәʹта Һ′итийайе ани, малбәта ԝанда проблемәкә мәзьн пешда һат. Рʹевекайе готә Исһаԛ: «Р′уйе ван ԛизед һ′итиада, әз жь ә′мьре хԝә т′ер бумә, һәгәр Аԛуб [кӧрʹе ԝани бьчʹук] жи ԛизед һ′итийайә мина ванә ви ԝәлати бьстинә, иди әз чьма дьжим?» (Дәстпебун 26:34; 27:46). Бь ви щурʹәйи әԝе дәрде дьле хԝә әʹйан кьр.
Исһаԛ һәстед жьна хԝә һьлда һʹәсаб у готә Аԛӧб, ԝәки ԛизед Һʹитийайе хԝәрʹа жьнти нәйинә (Дәстпебун 28:1, 2). Бәле Исһаԛ у Рʹевека дькарьбун гәлек пьрсед жийинева гьредайи, сафи кьрана. Әԝана бь рʹасти жи мәсәләкә баш ьн бона мә. Ле чь гәрәке щотед зәԝьщи бькьн, сәва кӧ ортʹа һәвда һәләԛәтийа баш хԝәй кьн?
(Дәстпебун 28:12, 13) Әԝи хәԝнәк дит, дина хԝә дайе ԝе п′епәлингәк сәр ә′рде данийә у сәре ԝе гьһиштийә ә′змен. У ва йә мьлйак′әтед Хԝәде сәр ԝер′а һьлдьк′ьшийан у пәйа дьбун. 13 У аԝа Хӧдан сәр ԝир′а сәкьнибу у дьгот: «Әз Хӧдан Хԝәдейе кал-баве тә Бьраһим у Хԝәдейе Исһаԛ ьм. Әзе ԝи ә′рде кӧ тә ль сәр п′алдайә бьдьмә тә у зӧр′әта тә.
ԝ04 15/1 28 ¶6
Фькьред Ԛимәт жь Кʹьтеба Дәстпебун-ІІ
28:12, 13: Мәʹна хәԝна Аԛуб чь йә, гава әԝ пʹепәлингәке дьвинә? Дьԛәԝьмә әв «пʹепʹәлинг» жь кәвьр бу, кʹижан кӧ бәрбь жор дьчу. Бь симболик әԝ дьһатә һʹәсабе һәвгредана ортʹа әʹрде у әʹзмен. Мәләк ван пʹепʹәлингарʹа бәржер дьбун у һьлдькʹьшйан. Әв йәк дьдә кʹьфше, ԝәки мәләк роләкә фәрз дьлизьн ортʹа Хԝәде у ԝан мәрьвада, кʹижана кӧ әԝ ԛәбул дькә (Йуһʹәнна 1:51).
Хԝәндьна Кʹьтеба Пироз
(Дәстпебун 27:1-23) Гава Исһаԛ кал бу у р′онайа ч′ә′вада мә′рьм бу, әԝи гази кӧр′е хԝәйи мәзьн Әсаԝ кьр у готе: «Лаԝо!» Әԝи гот: «Әз ва мә, баво!» 2 Исһаԛ готе: «Әзи ва кал бумә, ньзаньм к′ижан р′оже әзе бьмьрьм. 3 Ньһа ч′әке хԝә, тир у кәване хԝә һьлдә дәре чоле, неч′ирәке бона мьн бькә у 4 хԝарьна хԝәшә кӧ әз же һ′ьз дькьм, бона мьн чекә бинә әз бьхԝьм, кӧ бәри мьрьна хԝә әз дӧа ль тә бькьм». 5 Р′евекайе дьбьһист, гава Исһаԛ әв йәк кӧр′е хԝә Әсаԝр′а дьгот. Гава Әсаԝ чу чоле неч′ире бькә бинә, 6 Р′евекайе готә кӧр′е хԝә Аԛуб: «Мьн һежа бьһист, кӧ баве тә чаԝа т′әви бьре тә Әсаԝ хәбәрда у гот: 7 ‹Неч′ирәке мьнр′а бинә, пе хԝарьнәкә хԝәш чекә, кӧ әз бьхԝьм у бәри мьрьна хԝә, ль бәр Хӧдан дӧа ль тә бькьм›, 8 Ньһа бьбьһе лаԝо, гӧһе хԝә бьдә сәр мьн, әз чь тәр′а дьбежьм бькә. 9 Р′абә һәр′ә нава кери, мьнр′а дӧ каред бьзьнайә р′ьнд бинә у әз пе ԝан баве тәр′а ԝе хԝарьна хԝәшә кӧ әԝ же һ′ьз дькә чекьм, 10 тӧ жи бьбә бьдә баве хԝә, кӧ әԝ бьхԝә у бәри мьрьна хԝә дӧа ль тә бькә». 11 Аԛуб готә дийа хԝә Р′евекайе: «Әсаԝе бьре мьн йәки пьр′ч′ә, әзи р′ути нәпьр′ч′ ьм, 12 бәлки баве мьн бь дәста мьн бьп′әлинә, әз бәр ч′ә′ве ԝи дәрәԝ дәрем, һьнге әзе ль сәр хԝәда ньфьр′е биньм нә кӧ дӧайе». 13 Де готе: «Лаԝо! Әԝ ньфьр′а бьра ль сәр мьнда бе, т′әне тӧ гӧр′а мьн бькә, һәр′ә кара бинә».14 Аԛуб чу кар анин данә дийа хԝә. Де пе ԝан әԝ хԝарьна хԝәшә кӧ баве ԝи же һ′ьз дькьр чекьр. 15 Р′евекайе к′ьнща Әсаԝе р′ьнд, йа кӧр′е хԝәйи мәзьн, кӧ малда ль щәм ԝе бу, һьлда ль кӧр′е хԝәйи бьч′ук Аԛуб кьр, 16 у п′осте кара жи авитә ль сәр дәста у стӧкӧра ԝийә р′утә нәпьр′ч′, 17 хԝарьна хԝәшә чекьри, нане кӧ лехьстьбу да дәсте кӧр′е хԝә Аԛуб. 18 Аԛуб чу щәм баве хԝә у гот: «Баво!». Әԝи гот: «Әз ва мә, тӧ к′и йи лаԝо?» 19 Аԛуб готә баве хԝә: «Әз ньхӧрийе тә Әсаԝ ьм, тә чаԝа мьнр′а гот, мьн ӧса жи кьр, к′әрәм кә, р′абә р′уни неч′ира мьн бьхԝә у дӧа ль мьн бькә». 20 Исһаԛ готә кӧр′е хԝә: «Тә чаԝа ӧса зу неч′ир дит, лаԝо?» Аԛуб готе: «Хӧдан, Хԝәдейе тә неч′ир р′асти мьн ани». 21 Исһаԛ готә Аԛуб: «Незик ԝәрә, әз бь дәста тә бьп′әлиньм, лаԝо, һәла к′а тӧ кӧр′е мьн Әсаԝ и, йан на?» 22 Аԛуб незики баве хԝә бу, баве бь дәста әԝ п′әланд у готе: «Дәнг дәнге Аԛуб ә, ле дәст дәстед Әсаԝ ьн». 23 Әԝи те дәрнәхьст к′ижан ә, чьмки дәстед ԝи жи мина дәстед бьре ԝи Әсаԝ пьр′ч′ бун, һьнге дӧа ль ԝи кьр
30 АДАРЕ-5 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 29-30
«Зәԝаща Аԛуб»
(Дәстпебун 29:18-20) Дьле Аԛуб к′әтә Р′аһеле у гот: «Әз бона ԛиза тәйә бьч′ук Р′аһеле һ′әфт сала тәр′а хӧламтийе бькьм». 19 Лабан гот: «Йа п′акә әз ԝе бьдьмә тә, нә кӧ бьдьмә мәрьвәки дьн. Щәм мьн бьминә». 20 Аԛуб һ′әфт сала бона Р′аһеле хӧламти кьр. Бәр ч′ә′ве ԝи мина чәнд р′ожа дәрбаз бун, һаԛаси же һ′ьз дькьр.
ԝ03 15/10 29 ¶6
Аԛуб Тьштед Рʹӧһʹани Ԛимәт Дькьр
Сәва кӧ кәчʹьк нишанкьрана гәрәке ԛәләне ԝе бьдана. Ль гора Ԛануна Муса, һәрге мер ԛизәк дьхапанд у сәре хԝә перʹа датани, гәрәке 50 шекьл зив ԛәләне ԝе бьда. Леколинкʹарәк наве кʹижани Гордьн Ԝенхем ә, дьбежә ԝәки ԛәләне ви щурʹәйи, «йа лапә зәʹф бу». Ле гәләк дәрәщада ԛәлән жь ве кемтьр бу (Ԛануна Дӧщари 22:28, 29). Аԛуб нькарьбу ԛәлән бьда, ләма жи әԝи гот ԝәки дәԝсе ԝе щәм Лабан 7 сала бьхәбьтә. Ль гора гьлийе Ԝенхем, «ԝәʹде Бабилона кәԝьн хәбатчи мәһе шекьләк йан ниве ве дьстанд (сәва һʹәфт сала 42-84 шекьл)». Ча те кʹьфше Аԛуб дьхԝәст сәва Рʹаһеле бь мәрʹдани ԛәлән бьдә. У Лабан ԛайил бу (Дәстпебун 29:19).
(Дәстпебун 29:21-26) Һьнге Аԛуб готә Лабан: «К′а дәргистийа мьн бьдә мьн, чьмки р′ожед мьн т′әмам бунә, кӧ әз һәр′ьмә щәм ԝе». 22 Лабан мәсрәфәк дани, һ′әму мәрьвед ԝе дәре щьвандьн. 23 Ле гава бу евар ԛиза хԝә Леа бьр да Аԛуб, әԝи сәре хԝә ԝер′а дани. 24 Лабан щарийа хԝә Зилпа жи чаԝа щари да ԛиза хԝә Леайе. 25 Сьбәһе зу, ва йә: әва Леа йә. Һьнге Аԛуб готә Лабан: «Тә әв чь сәре мьн кьр? Мьн бона Р′аһеле тәр′а хӧламти нәкьр? Тә чьма әз хапандьм?» 26 Лабан гот: «Ль щәм мә әв нә ә′дәт ә, кӧ йа бьч′ук бәри йа мәзьн бьдьнә мер.
ԝ07 1/10 8-9
Лурина Хушкед кӧ Мала Исраел Ава Кьрьн
Гәло Леа сафикьрьна баве хԝәрʹа рʹази бу? Йан әԝ мәщбур бу горʹа баве хԝә бькә? Ле Рʹаһел ԝи чахи кʹӧ бу? Гәло әԝе заньбу, чь дьԛәԝьмә? Һәрге бәле, әԝ чь һʹалида бу? Гәло әԝ дькарьбу мьԛабьли сафикьрьна баве хԝәйи сәрт дәркʹәта? Кʹьтеба Пироз щаба ԝан пьрса надә. Ле Аԛуб жь бо ве ԛәлпийе гәләк һерс кʹәт. Аԛуб Лабанрʹа да кʹьфше, ԝәки һерс кʹәтийә, нә кӧ ԛизед ԝирʹа. Әԝи готә Лабан: «Тә әв чь сәре мьн кьр? Мьн бона Р′аһеле тәр′а хӧламти нәкьр? Тә чьма әз хапандьм?» Лабан щаба ԝи да: «Ль щәм мә әв нә ә′дәт ә, кӧ йа бьч′ук бәри йа мәзьн бьдьнә мер. Һ′әфтийе т′әмам кә, әзе йа дьн жи бьдьмә тә, ль бәр һ′әфт салед дьнва кӧ тӧ мьнр′а хӧламтийе бьки» (Дәстпебун 29:25-27). Ӧса Аԛуб нә бь хԝәстьна хԝә бу диле пʹьрʹәжьнийе, жь бо чь жи һʹәвсуди ортʹа дӧ хушкада пешда һат.
it-2 341 ¶3
Зәԝащ
Кʹаре дәʹԝате. Рʹаст ә Исраеледа гәләк әʹдәтед мәхсус дәԝатева гьредайи тʹӧнә бун, диса жи дәʹԝате шабунәкә мәзьн дьани. Рʹожа дәʹԝате, буке мала баве хԝәда кʹаре хԝә дькьр. Пешийе әԝе сәре хԝә дьшушт у бьзьре бинхԝәш хԝә дьхьст (Бәрамбәр кә Рут 3:3; Һәзԛл. 23:40). Әԝе бь аликʹарийа кʹӧлфәта, кʹьнще дәʹԝате ль хԝә дькьр. Пешийе әԝе бьстанбәнд ль хԝә дькьр, паше кʹьнще сьпи, кʹижан кӧ ль гора һʹәбуна баве ԝе, бәдәԝ нәԛьшкьри бу (Йерәм. 2:32; Әʹйан. 19:7, 8; Зәб. 45:13, 14). Паше һәрге дәсте мала баве ԝеда һәбу, буке пе зерʹ-зива хԝә дьхәмьланд, (Иша. 49:18; 61:10; Әʹйан. 21:2), у хелийа дьреж давитә сәр сәре хԝә, йа кӧ һʹәта ньге ԝе дадькʹәт (Иша. 3:19, 23). Ньһа фәʹмдари йә чьма Лабан карьбу ӧса һеса Аԛуб бьхапинә, у Аԛуб жи ԛә тедәрнәхьст ԝәки дәԝса Рʹаһеле Леа данә ԝи (Дәстп. 29:23, 25). Рʹевекайе жи, хели авитә сәр сәре хԝә, чахе гәрәке рʹасти Исһаԛ бьһата (Дәстп. 24:65). Бь симболик әв йәк дьһатә һʹәсабе, кӧ бук гӧрʹа дәргистийе хԝәда нә (1 Корн. 11:5, 10).
(Дәстпебун 29:27, 28) Һ′әфтийе т′әмам кә, әзе йа дьн жи бьдьмә тә, ль бәр һ′әфт салед дьнва кӧ тӧ мьнр′а хӧламтийе бьки». 28 Аԛуб ӧса жи кьр, әԝи һ′әфте т′әмам кьр, Лабан ԛиза хԝә Р′аһел жи чаԝа жьн да ԝи.
Хьзна Кʹьтеба Пироз Бьгәрʹьн
(Дәстпебун 30:3) Әԝе гот: «Ва йә щарийа мьн Билһа, һәр′ә щәм ԝе, бьра әԝ ль сәр чоке мьн бьԝәльдә, кӧ зар′е мьн жь ԝе һәбьн».
it-1 50
Кьрьнә Лаԝе Хԝә
Рʹаһел у Леайе һʹәсаб дькьрьн, ԝәки әԝ зарʹед кӧ щарийед ԝан Аԛубрʹа анин, зарʹед ԝан ьн, чьмки әԝана пʹеша ԝанда һатьнә буйине (Дәстп. 30:3-8, 12, 13, 24). Пʹара ԝан зарʹа мина пʹара зарʹед ԛануни дьһатьнә дайине. Әԝана Аԛубрʹа зарʹед һʹәлал бун у чьмки щари жьнед Аԛубрʹа дькʹәтьн, ләма жи изьна Рʹаһел у Леа һәбу, зарʹед ԝан һʹәсаб кьн ча зарʹед хԝәйә һʹәлал.
(Дәстпебун 30:14, 15) Р′ожед нандьруне ′убен чу нава зәвийа, әԝи гьзеред бәйани дитьн у ани да дийа хԝә Леайе. Һьнге Р′аһеле готә Леайе: «К′әрәма хԝә, һьнәк жь ԝан гьзеред бәйанийә кӧр′е хԝә бьдә мьн жи». 15 Ле Леайе гот: «Тә мере мьн жь мьн стандийә бәс нинә, гьзеред кӧр′е мьнә бәйани жи дьхԝази?» Р′аһеле готе: «Бьра ишәв әԝ т′әви тә р′азе, жь бәр гьзеред кӧр′е тәйә бәйанива».
ԝ04 15/1 28 ¶7
Фькьред Ԛимәт жь Кʹьтеба Дәстпебун-ІІ
30:14, 15: Чьма Рʹаһеле хԝәст гьзеред бәйани бьхԝә, нә кӧ тʹәви Аԛуб шәва хԝә дәрбаз кә? Ԝәʹде бәре гьзеред бәйани, медисинеда мина наркотике дьданә хәбате, ӧса жи бона ешсьвьккьрьне. Хенщи ԝе йәке, дьһатә һʹәсабе ԝәки әв гьзер һʹәстед сексуал гӧр дькьн у жьн һеса дькарә пе бьминә демәк гьран дәрк′әвә (Сьтрана Сьлеман 7:13). Дь К′ьтеба Пирозда найе шьроԝәкьрьне, кӧ чьма Р′аһеле хԝәст гьзеред бәйани бьстинә. Дьԛәԝьмә әԝ дьфькьри, ԝәки әԝ гьзер ԝе али ԝе бькьн, гьран дәре у ӧса әԝе ида жь бо безӧрʹәтийе шәрми нәбә. Ле чәнд сал шунда Йаһоԝа «бәт′ьне ԝе вәкьр» (Дәстпебун 30:22-24).
Хԝәндьна Кʹьтеба Пироз
(Дәстпебун 30:1-21) Р′аһеле дина хԝә дайе кӧ әԝ Аԛубр′а зар′а найнә, һ′әвсуди хушка хԝә кьр у готә Аԛуб: «К′а зар′а бьдә мьн, йан на әзе щандьм». 2 Һерса Аԛуб ль Р′аһеле р′абу у готе: «Чьма стәхӧла әз дәԝса Хԝәде дьгьрьм, кӧ бәре зька жь сәр тә бьр′ийә?» 3 Әԝе гот: «Ва йә щарийа мьн Билһа, һәр′ә щәм ԝе, бьра әԝ ль сәр чоке мьн бьԝәльдә, кӧ зар′е мьн жь ԝе һәбьн». 4 У ԝе щарийа хԝә Билһа чаԝа жьн да ԝи. Аԛуб сәре хԝә ԝер′а дани. 5 Билһа пе ма у Аԛубр′а кӧр′әк ани. 6 Һьнге Р′аһеле гот: «Хԝәде ль сәр һәԛи у нәһәԛиеда ньһер′и, дәнге мьн жи бьһист у кӧр′әк да мьн». Ләма наве ԝи дани Дан. 7 Щарийа Р′аһеле Билһа диса пе ма кӧр′е дӧда Аԛубр′а ани. 8 Р′аһеле гот: «Әз хушка хԝәр′а к′әтьмә һ′ӧщәте у мьн зора ԝе бьр». У Наве ԝи дани Нәфтәли. 9 Леайе гава дит кӧ жь зар′а һатә бьр′ине, щарийа хԝә Зилпа чаԝа жьн гьрт да Аԛуб. 10 Щарийа Леайе Зилпайе Аԛубр′а кӧр′әк ани. 11 Леайе гот: «Әз бәхтәԝар ьм!» У наве ԝи дани Гад. 12 Щарийа Леайе Зилпайе кӧр′е дӧда Аԛубр′а ани. 13 Леайе гот: «Әз хԝәзьли мә! К′ӧлфәте хԝәзийа хԝә ль мьн биньн». У Наве ԝи дани Ашер. 14 Р′ожед нандьруне Р′убен чу нава зәвийа, әԝи гьзеред бәйани дитьн у ани да дийа хԝә Леайе. Һьнге Р′аһеле готә Леайе: «К′әрәма хԝә, һьнәк жь ԝан гьзеред бәйанийә кӧр′е хԝә бьдә мьн жи». 15 Ле Леайе гот: «Тә мере мьн жь мьн стандийә бәс нинә, гьзеред кӧр′е мьнә бәйани жи дьхԝази?» Р′аһеле готе: «Бьра ишәв әԝ т′әви тә р′азе, жь бәр гьзеред кӧр′е тәйә бәйанива». 16 Еваре Аԛуб жь к′әԝшен дьһат, Леа пешийа ԝида чу у готе: «Тӧ гәрәке т′әви мьн р′азейи, чьмки мьн тӧ бь гьзеред кӧр′е хԝәйә бәйани к′ьрекьри йи». У әԝ ԝе шәве т′әви ԝе р′аза. 17 Хԝәде дәнге Леайе бьһист у Леа пе ма кӧр′е пенща Аԛубр′а ани. 18 Һьнге Леайе гот: «Хԝәде һәԛе мьн да мьн, чьмки мьн щарийа хԝә да мере хԝә». У наве ԝи дани Исахар. 19 Леа диса пе ма у Аԛубр′а кӧр′е шәша ани. 20 Һьнге Леайе гот: «Хԝәде п′ешк′ешәкә баш да мьн, мере мьне иди щәм мьн бьминә, чьмки мьн ԝир′а шәш кӧр′ анинә». У наве ԝи дани Зәбулон. 21 Хьлазийе ԛизәк ани у наве ԝе дани Дина.