Һин Бә Ԝәки Дь Хьзмәтеда Һе Щерʹьбанди Би Бәлакьрьна Мьзгинийе бь Телефоне

ӘВ ЙӘК ЧЬМА ФӘРЗ Ә: Шәʹдәтийа бь телефоне методәкә керһати йә кӧ «Мьзгинийа кʹәрәма Хԝәде бь мәʹрифәти» бәла кьн (Кʹр.Шн. 20:24).a Әв йәк мәщале дьдә кӧ тʹәви ԝан мәрийа хәбәр дьн, кʹижана кӧ нькарьн малда бьвиньн.

ЧАԜА БЬКН:

• 

  Хԝә һазьр кә. Бьжберә тʹемәкә кӧ мәрийарʹа һʹәԝас бә у хԝәрʹа кьн бьньвисә тӧйе чь бежи. Тӧ дькари ӧса жи пешда һазьр би кӧ чь бежи, һәрге кәсәк бь телефоне щаба тә нәдә у дәнге тә бе ньвисаре. Ԝе баш бә бәр тʹәхтә рʹунейи у һәр тьшти бьди бәр дәсте хԝә, мәсәлә ньвисаред хԝәйи шәхси, һащәтед әләктроник сәр JW Library^® йан jw.org^® вәкьри у әʹдәбйәтед дьн кӧ ԝе тәрʹа лазьм бьн

• 

  Бәрхԝә нәкʹәвә. Бь тʹәбийәти хәбәр дә. Бьра жест у бәшәра тә ӧса бьн, ча бежи әԝ мәрьв бәр тә сәкьни нә. Бьра хәбәрдана тәда паузед зедә тʹӧнә бьн. Ԝе баш бә, ԝәки тӧ тʹәви кәсәки шьхӧлкʹарийе бьки. Һәрге хԝәйе мале пьрсәке бьдә, бь дәнге бьльнд пьрсе бьԝәкʹьлинә, сәва кӧ һәвалкʹаре тә бьбьһе у али тә бькә щаба ве пьрсе бьвини

• 

  Һʹиме сәрледана дӧбарә дайнә. Һәрге мәрьв дьхԝазә һе зедә пебьһʹәсә, дькари щарәкә дьн тʹәви ԝи шеԝьр ки. Тӧ ӧса жи дькари бежи ԝи, ԝәки әʹдәбйәтәкә мә бь әʹ-нәʹма ԝирʹа бьшини йан жи хԝәха ԝирʹа бьви. Йан жи тӧ дькари видео йан һьнә готаред жь малпәра мә ԝирʹа бьшини. Һәрге лайиԛ ә, дькари ԝи мәрьвирʹа бежи дәрһәԛа Дәрсед Кʹьтеба Пирозә Онлайн йан жи тьштед дьн жь малпәра мә, кӧ ԝе бона ԝи керһати бьн