Дьлшәԝат бә

Дьлшәԝати әԝ фәрәсәт ә кӧ фькьр, һәст у һʹәԝщед мәрьва фәʹм бькьн у тьштед бона ԝан ԛимәт һьлдьн һʹәсаб. Мәрьв һеса тедәрдьхьн, чахе әм һьндава ԝанда дьлшәԝат ьн. Һәрге әм бь рʹасти дьхԝазьн али мәрьва бькьн, һьнге әме һелан бьн дьлшәԝатийе бьдьнә кʹьфше. Чахе әм хьзмәтийеда дьлшәԝатийе дьдьнә кʹьфше, бь ԝе йәке әм чʹәʹв дьдьнә һʹьзкьрьн у хәмкьрьна Йаһоԝа, чь кӧ мәрьва бәрбь ԝи дькʹьшинә (Флп. 2:4).

Дьлшәԝати нә кӧ тʹәне метода һинкьрьне йә, ле әԝ әʹйан дьбә чахе әм бь дьл у щан гӧһ дьдьнә мәрьва у бь нәрми тʹәви ԝан хәбәр дьдьн. Ӧса жи әв те кʹьфше бь жест у бәшәра мә. Дьлшәԝатийа мә ԝе йәкеда әʹйан дьбә, чахе мәрьв тʹәхмин дькьн кӧ әԝана бона мә фәрз ьн. Әм һьлдьдьн һʹәсаб баԝәри, дәрәщә у тьштед кӧ бона ԝан һʹәԝас ьн. Әм али ԝан дькьн у информасийа лазьм дьдьнә ԝан, ле зоре ԝан накьн әʹмьре хԝәда гӧһастьна бькьн. Чахе әм дьвиньн, ԝәки аликʹарийа мә кери ԝан те, шабуна мә хьзмәтийеда зедә дьбә.

БЬНЬҺЕРʹЬН ВИДЕО «ШАБУНЕ БЬСТИНӘ ЖЬ ҺАЗЬРКЬРЬНА ШАГЬРТА; ФӘРӘСӘТЕД ХԜӘДА ПЕШДА ҺӘРʹӘ; ДЬЛШӘԜАТ БӘ» У ПАШЕ ЩАБА ԜАН ПЬРСА БЬДЬН:

• 

  Нитайе чаԝа дьлшәԝати да кʹьфше, гава Жийана дәрәнги кʹәт?

• 

  Нитайе чаԝа дьлшәԝати да кʹьфше, гава Жийанайе гот, ԝәки гәләк хәмед ԝе һәнә у ԝәʹде ԝе тʹӧнә Кʹьтеба Пироз һин бә?

• 

  Нитайе чаԝа дьлшәԝати да кʹьфше, гава Жийанайе гот, ԝәки жерʹа зор ә шьхӧле хԝә организә у сафи кә?