Дьлшәԝат бә
Проблем
Чахе әм дина хԝә дьдьнә ве йәке, кӧ мәрьвед дьн чьԛас жь мә щӧдә дьбьн, һьнге әв щӧдәбун мәва ча кемаси тенә кʹьфше. Жь бо ве йәке дьбәкә әм дьфькьрьн кӧ жь ԝан баштьр ьн. Бәле, чахе әм ньһерʹандьна ви щурʹәйи нав хԝәда пешда тиньн, мәрʹа чәтьн дьбә дьлшәԝатийе бьдьнә кʹьфше. Әв йәк нишан дькә, кӧ проблема мәйә мәзьн һәйә; әв фьрԛикьрьна мәрьва йә.
Принсипа Кʹьтеба Пироз
«Тʹәви йед ша дьбьн ша бьн у тʹәви йед дьгьрин бьгьрин» (РʹОМАЙИ 12:15).
Әв гьли чь тенә һʹәсабе? Әве принсипе әм дькарьн пе дӧ гьлийа бежьн; дьлшәԝат бьн. Дьлшәԝати те һʹәсабе, гава хԝә датини дәԝса кәсәки дьн у ве йәке тʹәхмин дьки, чь кӧ әԝ тʹәхмин дькә.
Дьлшәԝати Чаԝа Али Мә Дькә
Чахе әм һьндава кәсәкида дьлшәԝат ьн, әм дьвиньн кӧ бь рʹасти әм чьԛас мина һәв ьн. Әм фәʹм дькьн, ԝәки һәст у реаксийа мә ԝәк һәв ьн. Дьлшәԝати али мә дькә, ԝәки бьвиньн кӧ һʹәму мәрьв, фьрԛи тʹӧнә жь чь мьләти у бәрәки нә, гьшк тʹәвайи малбәтәк ьн. Чахе әм дина хԝә дьдьнә ве йәке, кӧ әм мина һәв ьн, ԝи чахи ньһерʹандьна мә һьндава ԝанда рʹаст дьбә.
Дьлшәԝати ԝе ӧса жи али мә бькә, ԝәки ԛәдьре мәрийа бьгьрьн. Анна-Марийа жь Сенегале, ԝәхтәке хԝә сәр мәрьвед жь ԝан бәрәкарʹа бьльнд дьгьрт, кʹижан кӧ ньмьз һʹәсаб дькьрьн. Әԝ шьровәдькә, кӧ чаԝа дьлшәԝатийе али ԝе кьр: «Чахе мьн дит, кӧ мәрьвед жь ԝан бәрәка рʹасти чь чәтьнайа тен, әз фькьрим кӧ һәрге дәԝса ԝан бума, мьне чь сәр хԝә тʹәхмин кьра. Әве йәке али мьн кьр кӧ фәʹм бькьм, ԝәки әз жь ԝан четьр ниньм. У мьн тьштәки ӧса нәкьрийә, ԝәки жь ԝан баштьр бьм». Бәле, һәрге әм сәр хԝә дьхәбьтьн, кӧ һʹал у чәтьнайед мәрьвед дьн фәʹм бькьн, мәрʹа һеса дьбә, ԝәки дәԝса кӧ ԝана сущдар кьн, һьндава ԝанда дьлшәԝатийе бьдьнә кʹьфше.
Чь Дькари Бьки
Ԛәԝате бьдьнә хәбате, ԝәки бьвиньн чьда һун мина һәв ьн, дәԝса кӧ бьфькьрьн чьда һун жь һәв щӧдә дьбьн. Мәсәлә, бьдьнә бәр чʹәʹве хԝә, кӧ әԝана чь тʹәхмин дькьн, чахе
Дьлшәԝати али мә дькә бьвиньн, ԝәки һʹәму мәрьв пʹарәкә малбәтәке нә
тʹәви малбәта хԝә тʹоп дьбьн бона нан-хԝарьне
хәбатәкә гьран хьлаз дькьн
тʹәви һәвалед хԝә ԝәʹдә дәрбаз дькьн
гӧһ дьдьн кʹьламед хԝәйә һʹьзкьри
Паше, хԝә дайнә дәԝса ԝан. Пьрса бьдә хԝә:
«Реаксийа мьн ԝе чаԝа бә, һәрге кәсәк мьнрʹа бьдә кʹьфше, кӧ әз бекер ьм?»
«Әзе чь тʹәхмин кьм, һәрге кәсәк пешийа кӧ мьн нас кә, ида дәстпекә мьн сущдар кә?»
«Һәрге әз дәԝса ԝан мәрийа бума, мьне бьхԝәста кӧ мәрьв һьндава мьнда чаԝа буна?»