Һун бона Шәрʹ-Дәʹԝед Дәԝләтеда Һазьр ьн?

Хьлазийа ве дьнйа хьраб ида гәләк незик ә, ләма жи әме әʹщебмайи нәминьн, һәгәр ньшкева ԝәлате мәда тʹәвльһәвбун, тероризм у шәрʹ зедә бьн (Әʹнт. 6:4). Гәло әм ча ида ньһада дькарьн хԝә бона чәтьнайед ӧса һазьр кьн?

• Рʹӧһʹанида хԝә һазьр кьн: Хԝәрʹа принсипед жь Кʹьтеба Пироз у һьнә сәрһатийед ӧса бьгәрʹьн, йед кӧ ԝе итʹбарийа ԝә һьндава Йаһоԝа у тʹәшкиләта ԝи ԛәԝи кьн, у али ԝә бькьн тʹәвнәбуйине хԝәй кьн (Мтʹл. 12:5; jr 125-126 ¶23-24) Ньһа йә әв ԝәʹдә, ԝәки хԝә ль щьвате бьгьрьн у һәләԛәтийа незик тʹәви хушк-бьра ава кьн (1 Пт. 4:7, 8).

• Дәрһәԛа тьштед лазьм бьфькьрьн у хԝә һазьр кьн: Һәгәр ԝәлате ԝәда ньшкева тʹәвльһәвбун дәстпебә, у һун нькарьбьн жь мала хԝә дәрен, пешда бьфькьрьн кӧ һун дькарьн кʹидәре хԝә вәшерьн, у бьра бәр дәсте ԝә һәр тьштед лазьм һәбьн. Ӧса жи пешда бьфькьрьн, кӧ ԝәʹде ԛәзийа кʹӧда бьрʹәвьн. Бьньһерʹьн һәла чәнтʹе ԝәйә рʹәведа һәр тьштед лазьм һәнә, мәсәлә, ләпьк, бәрдәвк у пʹәрә. Бьзаньбьн кӧ ча тʹәви рʹуспийа текли бьн, у избат бьн, ԝәки әԝана жи заньн ча тʹәви ԝә текли бьн (Иш. 32:2; g17.5 3-7).

Ԝәʹде шәрʹ-дәʹԝед ԝәлатда бәрдәԝам кьн шьхӧле рʹӧһʹанива мьжул бьн (Флп. 1:10). Һʹәта һун хԝәрʹа щи-сьтʹар нәвиньн, бадиһәԝа щигӧһасти нәбьн (Мт. 10:16). Дәрәщед ӧсада бир нәкьн дәствәкьри бьн (Рʹм. 12:13).

БЬНЬҺЕРʹЬН ВИДЕО «ТӘ ХԜӘ ҺАЗЬР КЬРИЙӘ БОНА ТʹӘШԚӘЛА?», У ПАШЕ ЩАБА ԜАН ПЬРСА БЬДЬН:

• Ԝәʹде ԛәзийа Йаһоԝа ча дькарә али мә бькә?

• Әм ча дькарьн хԝә пешда һазьр кьн?

• Әм ча дькарьн аликʹарийе бьдьнә ԝан мәрьва, йед кӧ жь ԛәзийе зийан стандьнә?