Тʹәне бона Хатьре Бәшәра Хԝәш!

ДӦ ԚИЗЬКЕД щаһьл тʹәвайи ль щийед дькʹана бажаре Филипине Багеода дьгәрʹийан. Чʹәʹве ԝан ль стенда әʹдәбйәта кʹәт, ле әԝ нәчун ԝьр. Хушка мә Һелен, йа кӧ ль бәр стенда әʹдәбйәта сәкьнибу, бь бәшәрәкә хԝәш ль ԝан ньһерʹи. Һәр дӧ ԛизьк рʹийа хԝәда чун, ле рʹукʹәна хԝәш йа Һелене дьле ԝан гьрт.

Паше, гава әԝана пе отобусе дьчун мале, дина ԝан кʹәт сәр нишана мәзьн йа jw.org ль сәр Ода щьвате. Һат бира ԝан кӧ ԝана әʹйни нишан сәр стенда әʹдәбйәта жи дитьбу. Әԝана жь отобусе пәйа бун у ԝана ль бәр дәре Ода Щьвате дина хԝә данә бәрнама ԝәхта һʹәму щьвата.

Һәр дӧ кәчʹьк дь ԝәхтәкә незикда чун йәк жь ԝан щьвина. У гава әԝана кʹәтьнә Ода щьвате, гәло чʹәʹве ԝан ль кʹе кʹәт? Бәле ԝана Һелене дит! Ԝана әԝ жьнка бь рʹукʹәнәкә хԝәш нас кьр. Һелен дьбежә: «Гава әԝана незики мьн дьбун, һьнәки тьрс кʹәтә дьле мьн. Әз фькьрим кӧ бәлки мьн тьштәки шаш кьрийә.» Ле ԝан кәчʹька Һеленерʹа шьровәкьрьн кӧ әԝана чьрʹа һатьн.

Ԝан кәчʹькед щаһьл щьват у хәбәрдана тʹәви хушк-бьра бәгәм кьрьн; ԝана хԝә ча малда ӧса рʹьһʹәт тʹәхмин кьр. Гава ԝана паши щьвине дит кӧ хушк-бьра оде паԛьж дькьн, ԝана пьрси кʹа әԝана дькарьн али ԝан бькьн. Кәчʹькәк ида жь ԝи ԝәлати дәркʹәтьбу, ле кәчʹька дьн дәстпекьр бе сәр щьвата у дәстпекьр Кʹьтеба Пироз һин бә у әв һәр тьшт ԛәԝьми – тʹәне бона хатьре бәшәра хԝәш!