ПЬРСЕД ЩАҺЬЛА
Чьрʹа Әз Гәрәке Һәрʹьм Щьвина ль Одед Щьватада?
Һʹәфте дӧ щара Шәʹдед Йаһоԝа щьватед хԝә Одед Щьватада дәрбаз дькьн. Ле ча әԝ щьват дәрбаз дьбьн? Тӧ чь кʹар дькари бьстини һәрге бейи сәр ԝан щьвата?
Щьват ча дәрбаз дьбьн?
Одед Щьватада әм тенә һинкьрьне кӧ ча принсипед Кʹьтеба Пироз әʹмьре хԝәда бьдьнә хәбате. Щьватада тӧ дькари пебьһʹәси:
рʹастийа дәрһәԛа Хԝәде
чьрʹа дьнеда һаԛас кӧл-дәрд һәнә
чаԝа хәйсәт-һʹӧнӧред хԝә дьһа баш ки
ча һәвалед баш хԝәрʹа бьвини
Чьрʹа ԝе баш бә тӧ бейи щьвата?
Ԝедәре тӧйе гәләк тьштед керһати пебьһʹәси. Принсипед Кʹьтеба Пироз кӧ сәр щьватед Шәʹдед Йаһоԝа тенә шеԝьркьрьне, ԝе али тә бькьн ‘сәрԝахтийе бьстини’ (Мәт’әлок 4:5). Әԝ йәк те һʹәсабе кӧ Кʹьтеба Пироз дькарә али тә бькә әʹмьре хԝәда сафикьрьнед баш бьки. Хенщи ве йәке, тӧйе щаба ԝан пьрсед фәрз бьстини:
Жере навед һьнә готара һәнә, кʹижан кӧ һун дькарьн шәʹми-ләʹда щьватед мәда бьбьһен:
Чьрʹа Рʹебәрийа Кʹьтеба Пироз Фәрз ә?
Ԝәʹде Ԛәзийа Әм Аликʹари жь Кʹидәре Дькарьн Бьстиньн?
Иро Пʹадшатийа Хԝәде бона Мә Чь Дькә?
«Рʹожәке һәвалдәрсханәки мьн һатә сәр щьвате. Әԝ кʹеләка малбәта мә рʹуньшт у мә жерʹа әʹдәбйәт дан. Һьнә ԝәхт шунда әԝи мьнрʹа гот, кӧ гәләк ԝи хԝәш һат гава ԝәʹде пʹарәкә бәрнамәйе мәрьв щаба хԝә дьдан. Әԝи ӧса жи гот кӧ дера ԝида әԝана леколинед ӧса накьн» (Бренда).
Тә заньбу? Һатьна сәр щьвата бепʹәрә йә, у нә жи пʹәрә тенә тʹопкьрьне.
Сәр щьвата тӧйе һелане бьстини. Кʹьтеба Пироз дьбежә кӧ Мәсиһи гәрәке тʹәвайи тʹоп бьн бона ве йәке жи, кӧ һелане бьдьнә һәв у һәв бьшьдиньн (Ибрани 10:24, 25). Әм дьнйакә ӧсада дьжин, кʹидәре мәрьв тʹәне дькʹәвьнә һʹәйра хԝә. Ләма жи гава әм нава ԝан мәрьвада ньн, йед кӧ ԛьрара Хԝәде датиньн сәр щийе пешьн у кʹара мәрьва дьгәрʹьн, әм гәш дьбьн.
«Щара паши рʹожәкә гьран, әз дьлтәнг дьбьм у ԛьдум дькʹәвьм. Ле гава әз темә Ода Щьвате, әз гәш дьбьм у бәшәра мьн жи хԝәш дьбә. Чахе әз вәдьгәрʹьм мал, әз бь ԛәԝате тʹьжә дьбьм у бона рʹожа дьн жи ида һазьр ьм» (Елиса).
Тә заньбу? Сәр тʹәмамийа дьнйайе 120 000 зедәтьр щьватед Шәʹдед Йаһоԝа һәнә, кӧ зедәтьри 60 000 Одед Щьватада тʹоп дьбьн. Һәжмара мәрьвед кӧ тенә щьвата һәртʹьм зедә дьбә, у һәр сал ԝәкә 1 500 Одед Щьвата тенә авакьрьне.a
a Сәва кӧ пебьһʹәси щьват кʹидәре тенә дәрбаз кьрьне, бькʹәвә сәр рʹупʹела «Щьватед Шәʹдед Йаһоԝа» у паше бьтькинә «Бьвиньн Ода Щьвате кӧ Незики Ԝә йә».