Һулда Гьһиштә Нета Хԝә
ЛЬ ӘНДОНӘЗИЙАЙЕ, се хушкед мә гьрава Сангир Бәсареда дьжин. Чәнд сал пешда, әԝана тʹәвайи бәр бәʹре дьхәбьтин. Сәр ԝе гьрава бьчʹук, гәләк мәрьв заньн кӧ әԝ се хушк али мәрьва дькьн, ԝәки Кʹьтеба Пироз фәʹм бькьн. Ле ԝе щаре, ԝана шьхӧләки дьн дькьр.
Гьрава Сангир Бәсаре ль бакӧра Әндонәзийайе
Пешийе, ԝана кәвьред гьран жь аве дәрдьхьстьн. Һьнә жь ԝан кәвьра ԛаси тʹопәкә футболе мәзьн бун. Паше, әԝана сәр кʹӧрсийед бьчʹукә жь дар рʹудьньштьн, у әԝ кәвьр пе чагуч һур дькьрьн, кӧ бьбьнә ԛаси һекәкә мьришке. Паши ве йәке, ԝана кәвьред һуркьри дькьрьн ԛӧтʹийед ширмә, ԝәки сәр пʹепәлукарʹа бьвьн мале. Паше, ԝана әԝ кәвьр дькьрьнә чәнтʹед мәзьн, ԝәки әʹрәба баркʹешда бар кьн у бона чекьрьна рʹийа, бьдьнә хәбате.
Һулда бәр бәʹре кәвьра тʹоп дькә
Наве хушке Һулда бу. Әԝе дькарьбу ви шьхӧли жь хушкед дьн зедәтьр бькә. Әԝе пʹәред кӧ ԛазанщ дькьр, бона әʹбура мала хԝә хәрщ дькьр. Ле ве щаре, нета ԝе әԝ бу, ԝәки планшетәке хԝәрʹа бькʹьрʹә, кӧ бькарьбә JW Library® бьдә хәбате. Һулдайе заньбу кӧ видео у әʹдәбйәтед ве програмеда бона хьзмәтийа ԝе у бона фәʹмкьрьна Кʹьтеба Пироз, гәләк керһати нә.
Мәһ нивәкида, Һулдайе һәр шәбәԛ дӧ сьһʹәта дьхәбьти. Әԝе һаԛас кәвьр һур дькьр, кӧ әʹрәбә баркʹеш йа бьчʹук тʹьжә дькьр. Ахьрийеда, пʹәре ԝе тʹера планшетәке кьр.
Һулда тʹәви планшета хԝә
Һулдайе гот: «Әз жь һуркьрьна кәвьра гәләк ԝәстийайи бум, ле чахе планшета тʹәзә кʹәтә дәсте мьн, мьн еш у щәфе хԝә зу бир кьр. Ида мьн дькарьбу һе баш хьзмәт кьм у бона щьвата жи һеса һазьр бьм». Әԝе ӧса жи гот, кӧ дәстпека пандемийайеда әв планшет гәләк кери ԝе һат, чьмки һʹәму щьват у щьвинед бона хьзмәтийе, бь видеоконференсийайе дәрбаз дьбун. Әм гәләк ша нә ԝәки Һулда гьһиштә нета хԝә.